Díí treaty biyaadóó éí organization ániidíii łaʼ ályaa, éí League of Nations wolyé. Áádóó éí ‘nahasdzáán tʼáá síʼą́ą́ ńtʼééʼ hodéesyéel dooleeł biniyé ádoolnííł’ dajiní. Ląʼí Christendom díí League of Nations yikééʼ naazı̨́. Federal Council of the Churches of Christ in America éí “bílaʼashdlaʼii binahatʼaʼ bee nahasdzáán bikááʼ Kingdom of God átʼé” daaníigo yee yaa dahaniih. Éí tʼáá íiyisíí yikééʼ naazı̨́įgo éí bá naazínígíí Parisgóó adayiisʼaʼ. Łaʼ Parisgóó eelʼaʼígíí ání: “Kʼad éí tʼáá íiyisíí ániidígo hahodoogááł.”

1919go Paris Peace Conferencedi díí ániidígo hahodoogááł daanínę́ę éí tʼáadoo bá ákódzaa da. Ndi Jiihóvah bidineʼé nidahalneʼgi ániidígo bee hahodoogááł éí tsʼídá tʼáh doo áhánééh yę́ęgi átʼéego nidahalneʼgo hahodoolzhish. Bible Students éí nidahalneʼgi áłtsé łahgo átʼéego ádoolnííł.

Tʼáá nináháhááh bikʼeh Watch Tower Bible and Tract Society yá dahwéeʼaahígíí bá anáʼiiʼnił, áko díí éí January 4, 1919 góneʼ bá hooʼaʼ. Tʼáá ádzaagóó hakʼídahátʼáahgo biniinaa Joseph F. Rutherford dóó tsostsʼid jiltʼéego Atlanta, Georgiadi awáalya nijíiztą́. Áko łaʼ kódeizhnízin, díí bá ádaʼdiyooʼniłígíí awáalyaadi naháaztą́, áko tʼáásh éí bá ádaʼdiyooʼnił doodaiiʼ bitséskʼeh góneʼ náánáłaʼ daatsʼí anááhidooʼnił?

Íʼiiʼnííł bichʼįʼ hoolzhiizhgo Brother Rutherford éí tʼahdii awáalyaadi jizdá. Áko Jiihóvah biorganization náásgóó yilwoł dooígi hoʼdiiłʼá. Łaʼ brothers ádaaníigo éí náánáłaʼ bá ádaʼdiyooʼnił, łaʼ éí íʼiiʼnííł tʼóó náás didootʼááł daaní. Brother Rutherford díí baa ákozhnízingo éí Evander J. Coward bá ádaʼdiyoohniłgo éí president nilı̨́į doo jiníigo áʼjiilaa. Éí brother yáʼátʼéehgo bá hajoodzííʼ. Watch Tower Bible and Tract Society bá aghaʼdiitʼaahii danilíinii éí íʼiiʼnííł  náás deestʼą́ągo ałdóʼ tʼáá bíighah daaní. Díí biniinaa nihibrothers łaʼ doo bił dahóózhǫǫd da.

Brother Richard H. Barber ání: ‘Tʼáadoo kótʼéʼílíní hodiiyeel.’ Nihibrother łaʼ ání: “Doo aghaʼdiitʼaahii nishłı̨́į da, ákondi akééʼ asdzı̨́įgi éí łahgo shił bééhózin. Jiihóvah bikééʼ asdzı̨́įgi éí ílíinii átʼé. Áko Brother Rutherford president ánályaago éí Jiihóvah bikééʼ asdzı̨́įgi tʼáá íiyisíí nihił danilı̨́įgo ádadiilnííł.”—Ps. 18:25.

Nihibrother A. H. Macmillan éí kótʼéego yéénálniih. Éí íʼiisʼnil biiskání Brother Rutherford naaltsoos łaʼ hainíłtsooz, díí naaltsoos éí directors dah naháaztánígíí éí tʼáá bí bá anáádaʼiisʼnil. Áko William Van Amburgh éí tʼahdii atah dah jizdá. Áádóó Brother Rutherford éí tʼahdii president jílı̨́.

Bible Students biʼoodląʼ dabidziilígíí éí díí nihibrothers awáalyaadi naháaztánígíí béédaʼdoolnih biniyé petition ádayiilaa. Áko díí brothers dóó sisters éí 700,000dóó biʼáán petition bikááʼ diné bízhiʼ ádayiilaa. Ndi petition tʼah doo yá ańdajíjááhgóó March 26, 1919go Brother Rutherford dóó awáalya góneʼ yił naháaztánę́ę tʼáá ałtso béédaʼiisniiʼ.

Brother Rutherford awáalyaadę́ę́ʼ níjídzáago habrothers bichʼįʼ hajoodzíiʼgo ájíní: ‘Díí áhóótʼįįdígíí éí náasdi nihá nantłʼa dooleełii biniyé hashtʼedadiiʼnééh biniyé áhóótʼįįd. Nihibrothers awáalyaadę́ę́ʼ chʼéédadookah bíká ádaatʼínígíí éí doo biniyé da. Ndi tʼáá aaníí naʼnitin baa nahaneʼ doo biniyé hashtʼedadiiʼnéehgo bíká ádaotʼįįd. Áko kódadzaago éí ayóó átʼéego bee nihikʼi dahasdliʼ.’

Nihibrothers baa nídahódóotʼįįł áádóó bá nidahodootʼááł yę́ę łahgo ádzaa. Díí éí bahatʼaadí Jiihóvah íinízinígíí bikʼehgo ádzaa. May 14, 1919 appeals courtdę́ę́ʼ kótʼéego bee haʼoodzííʼ, éí ‘díí nihibrothers bichʼijí ídlı̨́į dooleeł yę́ę tʼáadoo bá ályaa da, éí biniinaa bikʼijįʼ daasdzoh yę́ę ałtso nahjįʼ kónályaa.’ Díí bee hakʼíhátʼáhígíí éí tʼáá íiyisíí serious crimes áádóó éí náásgóó tʼáá hakʼijįʼ daasdzoh doo ńtʼééʼ. Áko díí há nahjįʼ kónályaago éí tʼáá íiyisíí yáʼátʼééh. Judge Rutherford éí awáalyaadę́ę́ʼ chʼééjídzáago tʼáá tʼahdii aghaʼdiitʼaahii jílı̨́įgo Supreme Court of the United States bidááhdóó Jiihóvah bidineʼé ląʼídi defend ájiilaa.

Brother Macmillan ájíní: “Bóhólníihii éí yáʼąąshgóó nánihidooʼishígíí tʼóó bibaʼ  nahísíitą́ dooleełígi éí doo bíighah da. Ndi tʼáá deíníilníishgo éí Bóhólníihii nihá íinízinii nihił béédahodoozįįł.”

Nihibrothers awáalyaadę́ę́ʼ nináheeskaigo Béthelgi naaltsoos bee ádaalneʼ yę́ę doo chonáánáotʼįįh átʼée da. Áko díí biniinaa hondaanish ńtʼééʼ yę́ę éí doo tʼáá éí bináádazhdeeshnish da. Díí bikʼee hąąh nidahwiizkaad. Nihibrothers łaʼ, éí nidahwiilneʼ yę́ę bíighah azlı̨́ı̨́ʼ daatsʼí dazhniizı̨́ı̨́ʼ.

Bible Students éí Diyin biNahatʼaʼ yee nidaʼnitingo éísh díí dideestsʼı̨́ı̨́ł danízinii tʼahdii dahólǫ́? Bééhodoozįįł biniyé Brother Rutherford éí Diyin Bizaad baa hodeeshnih jiní. Díí éí tʼáá ájíłtso wóshdę́ę́ʼ dahoʼdidooʼniił. Brother Macmillan ání: “Doo łaʼda nihaa níyáágóó éí nidahwiilneʼgi nihinaanish ałtso bíighah azlı̨́įʼ doo.”

Los Angeles, Californiadi, May 4, 1919go Brother Rutherford, azhą́ bitah honeezgai ndi, éí “The Hope for Distressed Humanity” wolyéego baa hojoolneʼ. Tʼóó ahayóí diné áłah silı̨́ı̨́ʼ áádóó doo tʼáá ałtso bá hazʼą́ą da, éí biniinaa náábiiskání bá ąą ánáánályaago tʼóó hayóí áłah náánásdlı̨́ı̨́ʼ. Diné éí Diyin Bizaad yídaneedlínígíí tʼóó ahayóí lá!

Áádóó hodeeshzhiizhdóó éí Jiihóvah Yaʼ Dahalneʼé nahaneʼ biʼoonishgi hazhóʼó hadayiiswodgo dííshjı̨́įdi tʼáá ákotʼéego yitʼih.

The Watch Tower, August 1, 1919, éí nitsaago áłah adooleeł níigo yaa chʼíhoníʼą́. Éí Cedar Point, Ohiodi, September bee hahoolzhiizhgo áhodoonííł. Brother Clarence B. Beaty ájíní: “Tʼáá ájíłtso baa hoł dahózhǫ́ǫgo  áadi anishtah doo dazhnízin.” 6,000dóó baʼaan brothers dóó sisters áłah silı̨́ı̨́ʼ, éí ákónéelą́ą́ʼ doo naólníi da ńtʼééʼ. Áádóó tʼáá yówehda baa hózhǫ́ǫgo éí 200go Lake Erie biiʼ baptize ádabiʼdiilyaa.

September 5, 1919 éí nitsaago áłah ílı̨́įdi Brother Rutherford éí naaltsoos ániidíii łaʼ ánáádeilʼı̨́į doo ní. Díí éí The Golden Age wolyée doo. * Éí “kʼad nihookáaʼgi ádahooníłígíí Diyin Bizaad hazhóʼó ił ííshjání ádeeleʼ doo,” jiní.

Bible Students éí díí naaltsoos ániidígíí chodaołʼı̨́įgo nidahołneʼ dabidooʼniid. Áádóó naaltsoos łaʼ hachʼįʼ ádaalyaago éí kótʼéego ádaʼdoołííł ní. “Baptize ádahoʼdiilyaaígíí tʼááłáʼí jinítínígo éí díí baa ákodazhnízin doo. Éí naanish tʼáá íiyisíí baa hózhóonii átʼé, áádóó tʼáá há bíighah nádleeh góneʼ éí nidahojilneʼ dooleeł.” Nihibrothers dóó nihisisters éí ląʼí ákódaadzaa. December baa hoolzhiizhgo nidahalneʼé éí 50,000dóó baʼaan díí naaltsoos dayókeedígíí bichʼįʼ ádaalʼı̨́į doo biniyé yá hadaʼdiilaa.

1919 bíighah azlı̨́įʼgo Jiihóvah bidineʼé éí ádabiʼdooʼniid yę́ę yikʼehgóó hashtʼedadiidzaa. (Mal. 3:​1-4) Diyin Bizaad éí nihoníyáadi ádahodoonííł nínę́ę łaʼ bidahoolyaa. God bidineʼé éí “Babylon the Great” yitsʼá heeskai áádóó Jesus éí “faithful and discreet slave” appoint áyiilaa. * (Rev. 18:​2, 4; Matt. 24:45) Kʼad lą́ą, Bible Students éí Jiihóvah naanish beidiníʼánę́ę yidadeeshnish.