NÍŁCHʼI neiłkaahígíí éí radar yiníłʼı̨́. Áádóó yéigo niyol bikéédóó hoołtı̨́ı̨́ł yiyiiłtsą́. Diné beʼiinaʼ baa hastiʼgo tʼah hádą́ą́ʼ bee bił dahaneʼ áádóó doo łaʼ dínóonéeł yinízin da.

Éí átʼéego, Jiihóvah, nahasdzáán bikááʼ ákóhodoonííł niyol tsoh yee tʼáá íídą́ą́ʼ yee nihił halneʼ. Áłtsé díí baa nitsíníkees, Jiihóvah yee haadzííʼ íídą́ą́ʼ kóhoodzaa yę́ęgi átʼéego bohodoolnííł. Haash yitʼéego éí díí ákóhodooníłígíí tʼáá íídą́ą́ʼ yee nihił halneʼ?

Diyin Bizaad biiʼ ádahóótʼįįdígíí éí Jiihóvah ádahodooníiłgo “niyol tsoh” doodaiiʼ yee nihodooʼááł. Tʼáá bíniʼdii ádaatʼįįłii Diyin bee hazʼáanii doo yikʼeh dahółʼı̨́įgo éí bee yá nihodidooʼááł. (Prov. 10:25; Jer. 30:23) Diné doo akʼeh dahojííłʼįįd yę́ę tʼáá íídą́ą́ʼ bee hoł dahóoneʼ, dóó éí kótʼéego akʼeh dahwiinołʼı̨́įgo dahodooʼniid. (2 Ki. 17:​12-15; Neh. 9:​29, 30) Éí iiná yáʼátʼéehgo ádazhdoolííł biniyé, bá ndaalʼaʼígíí choyoołʼı̨́įgo nihodootʼááłígíí yaa dahalneʼ.—Amos 3:7.

Nóah diné tʼáá ákwíí átʼé. Ląʼí nááhai éí doo náldzidgóó diné doo ákwíí ádaatʼéii éí tó dooląął níigo yaa hoolneʼ. (Gen. 6:​9-13, 17) Éí tó dooląął yisdá hizhdookah biniyé yee hachʼįʼ haadzííʼ. Nóah ayóó nahojilneʼgo áko “éí tsʼídá tʼáá ákogi éʼétʼé yaa halneʼii” bee hoʼdéejiʼ.—2 Pet. 2:5.

Azhą́ Nóah naʼneeztą́ąʼ ndi, tó dooląąłgo bee hoł dahoolneʼígíí doo dajíistsʼą́ąʼ da. Doo daʼoodlą́ą́góó ádaʼdólzin. Áko doo akʼeh dahojííłʼįįdgo biniinaa, tó yíląąd áádóó “ábiʼniiłdįįdgo” tʼáá ałtso dazhneezná. (Matt. 24:39; Heb. 11:7) Bílátah dahashzhiizhgo, God tʼáadoo nihił hoolneʼ da, doo dazhdidooniił da.

Náánáłahgo hoolzhishgo, Jiihóvah éí tʼáá kʼad ákóhodooníiłgo diné bee bił dahaneʼ. Áko doo daʼíistsʼą́ʼígíí éí yaa ákodanízin doo. Díí łahgo ákóhoodzaa, bee ákóhóótʼįįdígíí éí 10 plagues Ííjipdi. Łaʼ bahaneʼ, Jiihóvah éí Mózes dóó Éran díí ádahodooníłígíí éí yiniyé hóółʼaad hastiin Féro dóó bá ndaalʼaʼii éí 7 plagues bee bił hozhdoolnih. Díí plagues éí tʼóó báhádzidgo nílótsoh hakʼijįʼ kwíidoolííł. Diyin Bizaad ání: “Áko Bóhólníihii [Jiihóvah] bizaad yikʼee bił yééʼ hazlı̨́ʼígíí tʼéiyá Féro bá nidaalʼaʼí bitahdóó bá nidaalʼaʼígíí índa dabilı̨́ı̨́ʼ yah anídeiniiłkaadgo ádayiilaa. Áko Bóhólníihii [Jiihóvah] bizaad doo yaa áńdahodíltʼíinii éí bá nidaalʼaʼí índa dabilı̨́ı̨́ʼ tʼáá dahootsodi nidaakai.” (Ex. 9:​18-21) Jiihóvah éí tʼáá baa hatʼaadí hachʼįʼ ííshjání áyiilaa. Daʼíistsʼą́ʼígíí éí yisdájookai.

Tʼah doo 10 plagues álnééh yę́ędą́ą́ʼ Féro dóó bá ndaalʼaʼígíí tʼáá íídą́ą́ʼ bił dahóoneʼ. Doo yaa nidaʼáhodíltʼı̨́į da. (Ex. 4:​22, 23) Ákódzaa alą́ąjįʼ yizhchínígíí hayeʼ daaztsą́. Dooládóʼ dooda da! (Ex. 11:​4-10; 12:29) Daʼíísíníiltsʼą́ąʼgo daatsʼí doo ákóhóótʼįįd da ńtʼééʼ? Aooʼ! Mózes éí ákóhodooníłígíí tsı̨́įłgo Ízrel dineʼé 10 plagues yee yił hólneʼ. Áko nihighan hazʼánígíí bił hołneʼgo yisdáhidookah. (Ex. 12:​21-28)  Haash néelą́ąʼgo diné díí ákóhodooníłígíí yikʼeh dahółʼįįd? Three million ánéelą́ą́ʼ, Ízrel dóó Ííjip dineʼé bee yisdájookaigo Ííjipdę́ę́ chʼíjíkai “tʼóó ahojíyóí dineʼé ałʼąą ádajítʼéii”.—Ex. 12:38.

Díí áhóótʼįįdígíí nihichʼįʼ ííshjání ályaa éí Jiihóvah tʼáá íídą́ą́ʼ ádahodooníłígíí éí diné yee yił halneʼ. (Deut. 32:4) Haʼátʼíísh biniyé God íinízinígíí yee yeʼiilaa? Yilʼaadii Peter éí kótʼéego Jiihóvah “tsʼídá doo łaʼ ázhdoodįįł da nízingo, nidi tʼáá ádzíłtso łahgo átʼéego tsíńdazdookosgo habąąhági átʼéii bitsʼáhizhdookah hóʼní.” (2 Pet. 3:9) Aooʼ, God éí bílaʼashdlaʼii yaa áhályą́. Tʼah doo nizaad nihoolzhiizhdę́ę́ʼ, hazhóʼó diyingo tsínídazhdookos dóó hazhóʼó akʼeh dahwiiniilʼı̨́ éí nihá yinízin.—Isa. 48:​17, 18; Rom. 2:4.

Díísh jı̨́, nahasdzáán bikááʼ tʼáá átʼéé ńtʼééʼ bił dahodóʼní, tʼáá ałtso diné akʼeh dahółʼı̨́į doo biniyé. Jesus kǫ́ǫ́ naaghá yę́ędą́ą́ʼ, kʼad nihił hoolzhishígíí bił yóóʼahodoogááł “ayóó átʼéego achʼįʼ nahwiiʼnáa doo” yaa nááhásneʼ. (Matt. 24:21) Náasdi díí łaʼ nihichʼįʼ chʼétʼą́ éí ałkʼidą́ą́ʼ bidahoolyaa yę́ę éí kʼad dííshjı̨́įdi tʼáá ákotʼéego ánáhodoonííł bichʼįʼ náá hoolzhish. Jesus kótʼéego yaa chʼíhoníʼą́ éí tʼáá náhwiistʼą́ą́ ńtʼééʼ nihináágóó ákóhooníłígíí baa ákoniidzin.—Matt. 24:​3-12; Luke 21:​10-13.

Jiihóvah éí bílaʼashdlaʼii tʼáá ałtso bikʼeh dahółʼı̨́į doo yóʼní. Yikʼeh dahółʼínígíí éí iiná hoolʼáágóó yee nídaʼdooldįįł áádóó náasdi yee nihikʼihojidlíi doo yinízin. (2 Pet. 3:13) Jiihóvah yee haadzíʼígíí éí bee haʼííníilní. Jiihóvah yisdádiidááł éí nihaidiníʼą́. Díí baa haneʼígíí éí “bee bóhólníihgo bił hazʼáanii baa haneʼ yáʼátʼéehii” bééhodoolnííł. Jesus éí kótʼéego yee haadzííʼ, “ałʼąą dineʼé tʼáá ałtso bee hwéédahodoozįįł biniyé bee hoł dahodoonih”. (Matt. 24:14) God éí tʼáá aaníí daboodlánígíí hazhóʼó hashtʼeyiilaa, 240 kéyah bikááʼgóó éí díí baa nidahwiilneʼ. Jiihóvah éí tʼáá ałtso bílaʼashdlaʼii dabíistsʼą́ą́ʼ dóó yisdázhdookah yá yinízin.—Zeph. 1:​14, 15; 2:​2, 3.

Áko baa ákonínízin, Jiihóvah éí tʼáá íídą́ą́ʼ ádahodooníłígíí alą́ąjįʼ yee nihił halneʼ. Díí éí ílı̨́: Bílaʼashdlaʼii éísh Diyin God bikʼeh dahółʼı̨́? Tʼahdoo nihoolzhiizh ládą́ą́ʼ, Diyin God bá nanilʼaʼgo ląʼída diné bíká adiilwoł.