1. Diyin Bizaad bee naneetą́ʼígíí baptize ályaago 2 Corinthians 3:1-3 haitʼéego baa ahééh niidzin doo? (Naaltsoos bikááʼdę́ʼígíí níníłʼı̨́.)

TERRITORY biiʼdóó congregationgi Diyin Bizaad bee nanitinii éí łaʼ baptize ályaago ayóó baa hózhǫ́ǫ łeh. (Matt. 28:19) Áádóó ni éí naʼnítinii nilı̨́įgo éí nanínítą́ʼígíí ninááł baptize ályaago ayóó baa hózhǫ́ǫ łeh! (1 Thess. 2:19, 20) Díí bee bééhózingo éí ni índa brothers dóó sisters tʼáá bił yéigo bindashoołnishgo Jiihóvah yíhoołʼaahgo éí yikʼehgóó deeyáago baptize ábiʼdilyaa.—2 Corinthians 3:1-3 yíníłtaʼ.

2. (a) Haʼátʼíí baa nídadíitʼįįł, éí haʼátʼíí biniyé? (b) Diyin Bizaad bee naʼnitin haʼátʼíí átʼé? (Footnote níníłʼı̨́.)

² Nahasdzáán bikááʼgóó baa hózhǫ́ǫgo kʼad dı̨́ı̨́ʼ nááhai tʼáá nínádíziʼ bikʼeh 10 milliondóó baʼaan daatsʼí éí Diyin Bizaad bee naʼnitingi * report ánálʼįįh. Áádóó tʼáá éí biiʼ yihahígíí 280,000dóó baʼaan Jesus Christ yídahoołʼaahii ádaalneʼgo baptize ádabiʼdilneʼgo éí Jiihóvah Yá Dahalneʼé daaleeh. Áko tʼóó ahayóigo Diyin Bizaad bee nidínóotı̨́įłgi éí haitʼéego bíká adoolwołgo baptize ádadoolnííł? Jiihóvah éí diné tʼáá ałtso ídahoołʼaahii dadooleeł nízingo tʼahdii yá ashjaʼósin. Éí biniinaa wołí bee ádeetʼı̨́įgo díí baptize ádadoolníiłgo bíká anéiijah. Háálá nihodoogáałjįʼ koshídę́ę́ʼ hadziih!—1 Cor. 7:29a; 1 Pet. 4:7.

3. Diyin Bizaad bee naʼnitingi haitʼéego baa nídadíitʼįįł?

 ³ Íhoołʼaahii álnéehgi ílíinii átʼéego biniinaa Governing Body éí branch office bił nahazʼą́ą́góó éí łaʼ baptize ádoolníiłgo haitʼéego bíká adoolwołgi dadínóołʼįįł deidííniid. Naaki ahíłkééʼ díí biiʼdóó áádóó bikéédóó éí íhoołʼaahii álnéehgi daʼníłtsʼą́ą́dę́ę́ʼ pioneers, missionaries, dóó circuit overseers bitsʼą́ą́dóó ídahwiidiilʼááł. * (Prov. 11:14; 15:22) Éí Diyin Bizaad yíndaʼniłtinii índa ndeinitinígíí éí Diyin Bizaad bóhooʼaahgi haitʼéego yáʼátʼéehgo álʼı̨́į dooleełgi nihił ííshjání ádeidoolííł. Ídahoołʼaahii éí ashdlaʼ ałʼąą átʼéego ádajooníiłgo bee baptize há baa dahwiiztʼiʼgo íidoolíiłgi baa nídadíitʼįįł.

4. Chʼéʼédą́ąʼgi Diyin Bizaad yee naʼniitinígíí haʼátʼíí bee baa ákoniidzin doo?

⁴ Brothers índa sisters éí ndeinitinígíí tʼáá bichʼéʼédą́ąʼgi Diyin Bizaad yee ndaʼnitingo éí Diyin Bizaad bíhwiideeshʼááł dínóozįįł biniyé áhátʼı̨́. Ndi tʼóó kóníshgháníjįʼ áádóó doo tʼáá damóo náʼoodleełgo ninázhʼnítįįh da. Tʼáá yédígo yídínóodlįįł biniyé łaʼ éí biphone numberda yídayókiʼ doodaiiʼ text ííłʼı̨́įgo Diyin Bizaad biiʼdóó łaʼ saad yił chʼíneiʼáah łeh. Tʼáá kótʼéego díkwíida nídíziʼ, ndi éí Diyin Bizaad hazhóʼó bíhwiidooʼáałgi doo ánéeh da. Kótʼéego łaʼ Diyin Bizaad bee nazhnitingoósh Diyin yaa ádidootʼáałgo baptize ádoolníiłgo bá bohónéedzą́ągo ádoolnííł? Nda shı̨́ı̨́.

5. Jesus éí íhoołʼaahii álnéehgi Luke 14:28-33 góneʼ haʼátʼíí nihíká adoolwoł ní?

⁵ Jesus éí łaʼda íhoołʼaahii deeshłeeł nízingo éí kótʼéego ázhdoolííł níigo haneʼ bee akʼiʼdidootı̨́įłii yee ííshjání áyiilaa. Éí łaʼda dego nízaadgóó atłʼingo yaʼiiʼáago ádeeshłííł nízingo áádóó aláahgo naatʼáanii éí náánáłaʼ aláahgo naatʼáanii yichʼįʼ anaaʼ ííléehgo yaa haadzííʼ. Áádóó Jesus ání, “Daʼ doósh áłtsé dínóodaałgo bą́ą́h adooleełígíí yiidóołtah.” Áko éí ałtso íidoolííł áádóó naatʼáanii éí ‘daʼ doósh áłtsé dínóodaał da áádóó yaa tsídookos’ éí siláo daatsʼí yídaaghah dínóozįįł. (Luke 14:28-33 yíníłtaʼ.) Tʼáá ákótʼé Jesus bił bééhózingo éí łaʼda íhoołʼaahii deeshłeeł nízingo éí Jesus bikééʼ oodáał dooleełgi hazhóʼó baa tsízdookos. Áko íhoołʼaahii dooleeł hwiindzingo éí tʼáá damóo náʼoodleeł naniitin doo. Éí haitʼéego álʼı̨́į doo?

6. Naniitinígíí hazhóʼó íhwiidoołʼáałgi haitʼéego naniitin doo?

 ⁶ Áłtsé éí chʼéʼétiingi naʼnitinígíí tʼáá nízaadgóó nináʼnítı̨́ı̨́h. Éí Diyin Bizaad náánáłaʼ chʼínáádaastʼánígíí łaʼ bił chʼínáádadíítʼaał. Nanitinígíí éí tʼáá nízaadgóó shił nááhoolneʼ doo nízingoda, haaʼída díníikeełgo díí hazhóʼó bee ahił hodiilnih bididííniiłda. Éí bił yáʼátʼéehgo binahjįʼ bee bééhózingo nanitinígíí éí tʼáá aaníí Diyin Bizaad bíhwideeshʼááł nízingo átʼı̨́į doo. Áádóó tʼáá tsı̨́łígo íhwiidoołʼáałgo éí damóo náʼoodleełígíí biiʼ naakidi Diyin Bizaad bíhwiidooʼáałgoósh tʼáá bíighah bididííniił. Ndi tʼááłáhídi doodaiiʼ naakidi tʼáá damóo náʼoodleeł bikʼeh doo tʼóó íhooʼaah da.

7. Diyin Bizaad bee naʼnítingi haitʼéego tʼáá bítséedi hazhóʼó biniyé hashtʼéédiitʼįįh doo?

⁷ Naʼnítinii nilı̨́įgi éí Diyin Bizaad bee naʼnítingi tʼáá bítséedi hazhóʼó biniyé hashtʼéédiitʼįįh. Éí bee niʼdíníitı̨́łígíí áádóó Diyin Bizaad biiʼ saad hadahasdzoígíí néiníłtah. Íiyisíí bee naʼnitinii hazhóʼó baa ntsídííkos. Title, subheadings, ndaʼídíkidígíí, Diyin Bizaad biiʼdóó yídóoltahígíí, nidaashchʼąąʼígíí, índa ndaalkidgo bá ádaalyaago bíká adoolwołígíí baa tsídííkos. Áádóó díidi lá haitʼéego doo nantłʼagóó bá ádeeshłíiłgo yikʼidiʼdootı̨́įłgo yikʼehgóó áʼdoolííł nínízingo tʼáá alą́ąjįʼ baa tsídííkos.—Neh. 8:8; Prov. 15:28a.

8. Diyin Bizaad bee nanitinígíí bá sodiilzin dooleełgo Colossians 1:9, 10 góneʼ éí yilʼaadii Paul haitʼéego yee haadzííʼ?

⁸ Áádóó ałdóʼ nanitinígíi bá índa haʼátʼíí shı̨́ı̨́ bee bichʼįʼ anáhóótʼiʼii yídin nilíinii Jiihóvah bichʼįʼ bá náʼiinikąąh. Tʼáá ni ałdóʼ Diyin Bizaad biiʼdóó hazhóʼó bee naʼnishtingo éí nabinishtinígíí bijéí biih hwiileehgo íidoolíiłgi Jiihóvah bee shíká anílyeed bidiníigo sodílzingo bee néinikąąh. (Colossians 1:9, 10 yíníłtaʼ.) Haaʼígi lá doo yikʼidiʼdootı̨́įł da doodaiiʼ doo bił yáʼátʼéeh da dooleeł nínízingo bá baa ntsídííkos. Béénílniih díí baptize ádoolnííł biniyé naʼnítin.

9. Naʼnitinii éí neinitinígíí íhoołʼaahgi yiniyé hashtʼéédiitʼįįh dooleełgi haitʼéego bee bíká anijílwoʼ doo? Łaʼ chʼíníʼaah.

⁹ Naniitinígíí tʼáá ahą́ą́h Diyin Bizaad bee naniitingo éí Jiihóvah dóó Jesus bá áátʼįįdgi áádóó ląʼígo bínááhwiideeshʼááł  nízin dooleeł bá daniidzin. (Matt. 5:3, 6) Bíká adoolwołgo éí naniitinígíí hazhóʼó yíhoołʼaahígíí yaa ntsíkees doo. Áko tʼáá bítséedi yiniyé náʼółtahgo bee bíká anánílwoʼ doo áádóó éí haitʼéego éí tʼáá bí sizı̨́įgi bíká adoolwoł. Haitʼéego bee bíká adiilwoł? Kótʼéego áníłʼı̨́į doo bidiníigo bił ííshjání ánéinilʼįįh. Ndaʼídíłkidígi éí kótʼéego bikʼi nánítááh bidiní. * Áádóó índa íiyisíí yee naʼnitinígíí éí highlight ádanileʼ bidiní. Áádóó tʼáá ni baa nitsíníkeesígi átʼéego ííshjání áníłʼı̨́. Áko kótʼéego éí yíhoołʼaahígíí nizhónígo yikʼidiʼyiitįįhgo átʼéegi bee bééhózin. Łahgo ałdóʼ bee bíká anáádiilwoł.

10. Tʼáá ákwíí jı̨́ Diyin Bizaad jółtaʼgo haʼátʼíí biniyé ílíinii átʼé, éí haitʼéego yéigo baa íhooʼaah doo?

¹⁰ Diyin Bizaad bee nanitinii éí doo tʼáá damóo náʼoodleeł nabiʼdinitin da. Éí Jiihóvah bił ałchʼįʼ yájíłtiʼ doo. Éí tʼáá ákwíí jı̨́ Diyin Bizaad jółtaʼgo Diyin jíistsʼą́ą́ʼ. (Josh. 1:8; Ps. 1:1-3) Website jw.org biiʼdóó “Bible Reading Schedule” wolyéhígíí print álʼínígíí chooʼı̨́įgi bił ííshjání ádíílííł. * Diyin Bizaad yíníłtaʼgo hazhóʼó baa nitsinikees bidiní. Éí Jiihóvah yee átʼéii yee nahonitingi áádóó baa íhojiiłʼaahígíí éí haitʼéego bikʼehgóó ájítʼée doo.—Acts 17:11; Jas. 1:25.

11. Naniitinígíí éí sohodizingi haitʼéego bee naniitin doo, áádóó haʼátʼíí biniyé tʼáá ałhą́ą́h Jiihóvah yichʼįʼ sodilzin doo?

¹¹ Tʼáá ákwíí jı̨́ Jiihóvah bił ałchʼįʼ yáníłtiʼ bidiní. Study iʼnoołaago éí sodizin bee ąą ánáłʼįįh áádóó ałchʼįʼ ánáłʼįįh. Áko éí bił sonídílzįįh índa bá sodílzin. Nisodizin yiyíistsʼą́ąʼgo éí Jesus bízhiʼ binahjiʼ tʼáá bí Jiihóvah yichʼįʼ sodílzingo yíhwiidoołʼááł. (Matt. 6:9; John 15:16) Nanitinígíí éí Diyin Bizaad tʼáá ákwíí jı̨́ yółtaʼgo áádóó sodílzingo éí Diyin yił ahánígo nilı̨́į doo. (Jas. 4:8) Díí tʼáá ákwíí jı̨́ kótʼéego eʼełʼı̨́įgo éí Diyin baa ádítʼáahgi áádóó baptize ádoolníiłgi bíká adoolwoł. Haʼátʼíí ałdóʼ bíká adoolwoł?

12. Nazhnitinígíí ahánígo Jiihóvah yił kʼéʼahidiʼníi dooleełgi haitʼéego bee bíká anijílwoʼ doo?

¹² Haʼátʼíí biniyé Diyin Bizaad yíhoołʼaahii éí bintsíkees dóó bijéí nayiiłnáa doo? Jó, nihijéí éí íiniidzinii índa ooʼníigi  éí bee haʼátʼíí shı̨́ı̨́ ádiiʼníiłgi yee nanihiiłná. Jesus éí ląʼígóó diné neineeztą́ą́ʼ, áko éí yee naʼneeztą́ʼígíí bił yáʼádaatʼééh ńtʼééʼ. Háálá éí Jesus ajéí naʼiiłnáago naʼneeztą́ʼígíí biniinaa diné bikééʼ deíkai. (Luke 24:15, 27, 32) Nanitinígíí éí Jiihóvah tʼáá aaníí hólǫ́ǫgi yaa ákonízin doo. Áko éí yił kʼéʼahidiʼníi doo. Áádóó Bizhéʼé, biDiyin, índa biKʼis nilı̨́įgo yaa nitsékees doo. (Ps. 25:4, 5) Diyin Bizaad bee naʼnitingo nihiDiyin átʼéiigi tʼáá aaníigo íinisin. (Ex. 34:5, 6; 1 Pet. 5:6, 7) Tsʼídá haʼátʼíí shı̨́ı̨́ bee ahił hołneʼígíí éí bitsʼą́ą́dóó Jiihóvah tsʼídá átʼéiigi ííshjání áníłʼı̨́. Jiihóvah tsʼídá nizhónígo yee átʼéii bibee ayóóʼóʼóʼniʼ, bibee ajoobaʼ, aa aʼááh nízingi éí díí nanitinígíí yaa ahééh nízingo bee bíká anánílwoʼ. Jesus áníigo éí “tsʼídá aláahgo áádóó alą́ąjįʼ bikʼeh óʼooʼníiłii” éí Jiihóvah ‘nihiDiyin God ayóóʼííníiʼníi’ doo. (Matt. 22:37, 38) Nanitinígíí tsʼídá yéigo Diyin ayóóʼáyóʼníi dooleełgo ánílééh.

13. Jiihóvah átʼéiigi éí nanítinii bee bíká adoolwołii łaʼ chʼíníʼaah.

¹³ Nanitinígíí bił ałchʼįʼ yáníłtiʼgo tʼáá ni tsʼídá Jiihóvah ííniʼníigi bee yáníłtiʼ. Áko éí díí binahjįʼ tʼáá bí nizhónígo Jiihóvah yił kʼéʼahidiʼníi dooleełgo átʼéegi yee ádaa ákodínóozįįł. (Ps. 73:28) Naaltsoos biiʼdóó baa íhoołʼaahígíí doodaiiʼ Diyin Bizaad biiʼdóó Jiihóvah bibee ayóóʼóʼóʼniʼ, bihódząʼ, tʼáá ákogi éʼétʼéii, doodaiiʼ beʼadziil ííshjání ííłʼı̨́įgo éí nijéí nayiiłnáago áádóó índa bił ííshjání ádíílííł. Díí łaʼ tʼóó ahayóigo ádaatʼéego biniinaa Jiihóvah ayóóʼííníshʼní bidiníigo bił ííshjání áníłʼı̨́. Áádóó náánáłahgo ałdóʼ díí nanitinígíí bíká anáádoolwołgo baptize bá bohónéedzą́ą doo.

14. Hebrews 10:24, 25 éí naniitinígíí áłah náʼádleehígíí haitʼéego yaa nitsékees dooleełgo ííshjání ííłʼı̨́?

¹⁴ Tʼáá áníiltso éí Diyin Bizaad bee naniitinígíí baptize ádoolnííł daniidzin éí łahgo bee bíká adiilwołgo éí áłah náʼádleehgóó ałnáánídááh bidiiʼníi doo. Ndaʼnitingo dayiichįįhígíí éí daaníigo tʼáá akǫ́ǫ́ tsxı̨́įłgo meetingóó ałnánádááh yileehgo éí tʼáadoo hodinaʼí beʼoodląʼ dínísééh. (Ps. 111:1) Łaʼ ndaʼnitinígíí éí hooghangi Diyin Bizaad bee nandiʼnitinígíí dóó áłah náʼádleehdi bóhooʼaahígíí tʼáá áłah ayóó ílı̨́įgo átʼé deiłní. Hebrews 10:24, 25 bił yíníłtaʼgo éí meetingóó ałnáánídáahgo kótʼéego níká análwoʼ doo bidiníigo bee bił hólneʼ. Kingdom Hallgi Áłah  Náʼádleehígíí éí Haitʼéego Ánáʼálʼįįh? * wolyéego naalkidígíí bił dínííłʼįįł. Tʼáá damóo náʼoodleeł áłah náʼádleehígíí ílíinii átʼéego yaa nitsékees dooleełgo bee bíká anánílwoʼ.

15. Naniitinígíí éí áłah náʼádleehgóó naniná bidiiʼníigo haitʼéego bee bíká anéiilwoʼ doo?

¹⁵ Nanitinígíí éí meetingóó tʼah doo dighááhgóó doodaiiʼ tʼáá łááhídá ałnáánídáahgo, haitʼéego bíká adiilwoł? Tʼáá ániidígo meetingdi łaʼ baa íhwiiniłʼą́ʼígíí baa nił hózhǫ́ǫgo bee bił hodíílnih. Kótʼéego binááł meeting bóhoneedlı̨́įgo baa hoolneʼgo akǫ́ǫ́ deeshaał dínóozįįł. Bee Haʼídéesʼı̨́įʼii doodaiiʼ Naaltsoos Bee Íhooʼaahígíí łaʼ baa dííłtsos. Éí áłah náʼádleehdi baa ínááhwiidooʼáłígíí bee bił hodíílnih. Áádóó háiidígíí baa íhwiideeshʼááł nínízin bididííniił. Nanitinígíí tsʼídá áłtsé meetingi níyáago tsʼídá tʼah doo ákótʼéego áłah aleehgo yiyiiłtséeh da áádóó yíhoołʼaahígíí yaa ákoniizįįh. (1 Cor. 14:24, 25) Áádóó yáʼátʼéehgo łaʼ yikʼehgo yigáał dooleełígíí yił ahééhodoosįįłgo áko éí baptize ábidiʼdoolníiłgi bíká adoolwoł.

16. Diyin Bizaad bee naʼniitingi éí baptism biniyé, áko haitʼéego naʼniitin doo? Díí bikééʼdóó haʼátʼíí baa nínáádadíitʼįįł?

¹⁶ Diyin Bizaad bee naʼnitingi éí baptize bohónéedzą́ą dooleełgi haitʼéego bee naʼniitin doo? Tʼáá ałtso Diyin Bizaad bindaʼniiltinígíí éí díí íhooʼaahgi ílíinii átʼéego baa nitsíníkeesgo tʼáá damóo náʼoodleeł yínááhoołʼaah doo biniyé hashtʼéédiitʼįįh bidiiʼníi doo. Tʼáá ákwíí jı̨́ Jiihóvah bił ałchʼįʼ yáníłtiʼ áádóó tʼáá ni bił kʼéʼahidiʼníi dooleełgi binanilnish, índa congregationgi áłah náʼádleehgóó ałnáánídááh bidiiʼníigo ałdóʼ bá bíniidlı̨́į doo. (Page 12gi, “Nanítinígíí Baptize Ádoolníiłgo éí Díí Yeʼoolíił Doogo Bee Bíká Anánílwoʼ” níníłʼı̨́.) Díí bikééʼdóó éí Diyin Bizaad yee naʼnitinii ashdlaʼ hazʼą́ągo Diyin Bizaad bee nazhnitinígíí baptize ádoolníiłgi baa nídadíitʼįįł.