1. Haʼátʼíí biniinaa diné éí tʼóó bił naaki dahólǫ́?

NAHAGHAʼ ałtah áátʼeełii ląʼí dahólǫ́, éí nihí Oodlání daniidlı̨́įgo Diyin bił yáʼátʼéehii bikʼehgóó worship ádeilʼı̨́ daaní. Ákondi tʼóó bił naaki dahólǫ́! Éí kódaaní: “Tʼáásh łáʼí nahaghaʼ hólǫ́, doodaiiʼ tʼáá ałtso nahaghaʼísh Diyin bił yáʼátʼééh?” Jiihóvah Yá Halneʼé niidlı̨́įgi éísh tʼáá aaníinii bínaʼniiltin índa Jiihóvah tsʼídá worship álʼı̨́įgiísh bikʼehgo áʼíilʼı̨́? Díísh tʼáá aaníigo bééhózingo átʼé? Haaʼíshąʼ díí dadíníilʼįįł.

2. Yilʼaadii Paul éí tʼáá aaníinii bínaʼniltin haʼátʼíí biniyé tsʼídá yéigo yoodlą́ą́ ńtʼééʼ? (1 Thessalonians 1:5)

² Yilʼaadii Paul éí tʼáá aaníinii bínaʼniltinii tsʼídá yéigo yoodlą́ą́ ńtʼééʼ. (1 Thessalonians 1:5 yíníłtaʼ.) Tʼóó shił hóshǫ́ǫ dooleeł, doo nízin da. Paul éí Diyin Bizaad ayóó yaa ółtaʼ ńtʼééʼ. “Diyin God bizaad bee akʼeʼashchíinii tʼáá ałtso Diyin God ił halneʼgo bee akʼedaʼashchı̨́,” níigo yoodlą́. (2 Tim. 3:16) Íhojiiłʼaahgo haʼátʼíí bee hwééhózin? Jesus éí Mesáíyah nilı̨́įgi baa chʼíhootʼánę́ę bí átʼı̨́įgi doo neiniłʼingóó ííshjání áyiilaa, háálá religious leaders éí díí tsʼídá yitsʼą́ąjįʼ ádaatʼéé ńtʼééʼ. Éí tʼáá aaníígóó Diyin bee nidaniitin daaní, ndi Diyin yijoołáhígíí baa jookah. (Titus 1:16) Paul éí doo ákótʼée da. Diyin Bizaad biiʼdóó díidígíí tʼéiyá yinishdlą́ą doo, tʼáadoo niizı̨́įʼ da. Éí “Diyin God binahatʼaʼ,” bee naʼnishtin índa bikʼeh áníshtʼée doo nízin ńtʼééʼ.—Acts 20:27.

3. Niheʼoodląʼ bee bidziil doogo, tʼáásh ałtso naʼídíkid ił ííshjání ánéílʼı̨́į doo? (“ Jiihóvah Yinaashnishii índa Bintsékees—‘Doo Jóołtaʼ Ánéelą́ąʼ Da’,” ałdóʼ níníłʼı̨́.)

 ³ Łaʼ ádeinízingo tʼáá aaníigo oodląʼ bee nidazhʼnitinígíí éí azhą́ doo Diyin Bizaad biiʼdóó doo bee ił náháneʼ da ndi, tʼáá ałtso naʼídíkid bindahódíkidígíí ił ííshjání áńdajiłʼı̨́į doo. Díísh tʼáá aaníí bohónéedzą́ągo átʼé? Paul éí yił daʼoodlání ííłníigo éí “tʼáá ałtso nidaałkaah,” ndi ląʼígóó éí doo ayóó bikʼiʼdiishtįįh da, ní. (1 Thess. 5:21) “Tʼáá bighąądígi nihił béédahózin,” áádóó “biiʼ adéestʼı̨́ı̨́ʼ biiʼ doo hazhóʼó hootʼíinii biiʼ dzidéezʼı̨́ʼígi átʼéego dadíitʼı̨́ı̨́ʼ,” ní. (1 Cor. 13:9, 12) Paul éí doo tʼáá ałtso yikʼiʼdiyiitą́ą da, nihí ałdóʼ tʼáá ákótʼé. Ndi Paul éí Jiihóvah íiyisíí átʼéegi bee bééhózingi yikʼiʼdiitą́. Tʼáá aaníinii bínaʼniltin yéigo joodlą́!

4. Tʼáá aaníinii bínaʼniltinii haitʼéego yéigo yiniidlą́ągo ánósin doo, áádóó haʼátʼíí baa nídadíitʼįįł?

⁴ Jesus yikʼehgóó áʼiilaa yę́ę éí dííshjı̨́įdi Jiihóvah Yá Dahalneʼé ádaʼałʼínígíí bił ahąąh nideiʼnilgo éí bee łahgo éí tʼáá aaníinii bínaʼniltinii yéigo yiniidlą́ągo ánósin doo. Tʼáá aaníinii Oodlání danilíinii ádaatʼéegi baa nídadíitʼįįł. Éí (1) edaʼalyaii nahjįʼ ádayósin, (2) Jiihóvah bízhiʼ deidósin, (3) tʼáá aaníinii bínaʼniltin ayóóʼádayóʼní, áádóó (4) tsʼídá yéigo ayóóʼádaʼahóʼní.

5. Jesus éí kótʼéego Diyin worship álʼı̨́ níigo yee naʼneeztą́ąʼgi haitʼéego bitsʼą́ą́dóó bíhooʼaah? Éí haitʼéego bikʼehgóó áʼdiilnííł?

⁵ Jesus éí yáʼąąshdi áádóó nahasdzáán yikááʼ tádííyáhą́ądą́ą́ʼ Jiihóvah ayóóʼáyóʼníigo bąą tʼáá Bí tʼéiyá worship ííłʼı̨́ı̨́ ńtʼééʼ. (Luke 4:8) Bídahoołʼaahii  ałdóʼ Jiihóvah tʼéiyá worship ádaałʼı̨́ yidííniid. Jesus dóó bídahoołʼaahii bikééʼ naazíinii éí edaʼalyaii tʼáadoo chodayoosʼįįd da. Diyin éí níłchʼi jílı̨́, áko ázhnoolingi doo łaʼda yééhodoodlíił da! (Isa. 46:5) Saints dabidiʼníinii béédaʼalneʼgo bichʼįʼ sohodizingo baa ooldahígíishąʼ? Ten Commandments naaki góneʼígíí Jiihóvah ání: “Bidaʼalyaii doo ádá ádíílíił da; haʼátʼíhígíida yádiłhił biyiʼdi dahólóonii, doodaiiʼ nahasdzáán bikáaʼgi dahólóonii, . . . éí doo bichʼįʼ tséʼyaa náníljoł da doo.” (Ex. 20:4, 5) Diyin bił honishǫ́ǫ dooleeł danízinii éí edaʼalyaii doo ádá ádoolníił dago bił béédahózin.

6. Jiihóvah Yá Dahalneʼé haʼátʼíí yikʼehgo worship ádaʼałʼı̨́?

⁶ History yaa dahalneʼii éí ałkʼidą́ą́ʼ Oodlání yę́ę éí tsʼídá Diyin tʼéiyá worship ádeiłʼı̨́ı̨́ ńtʼééʼ daaní. Naaltsoos History of the Christian Church áníigo ałkʼidą́ą́ʼ Oodlání yę́ę éí áłah nádleehgi edaʼalyaii dahólǫ́ǫ doo dabidooʼniidgo éí “tsʼídá doo bił yáʼádaatʼéeh da doo.” Dííshjı̨́įdi Jiihóvah Yá Dahalneʼé éí ałkʼidą́ą́ʼ Oodlání yę́ę ádaʼałʼínę́ęgi átʼéego ádaʼałʼı̨́. “Saints” bedaʼalyaii doodaiiʼ angels doo bichʼįʼ sodadiilzin da, Jesus ndi ndagaʼ. Dah naatʼaʼí doodaiiʼ kééhwiitʼı̨́įgi bikéyah binahjįʼ worship ádaalʼínígíí ndi doo atah worship ádeilʼı̨́į da. Ni ałdóʼ atah íʼílééh nihidiʼníi ndi, Jesus ádííniid yę́ę bikʼehjí áʼdiilnííł. Jiihóvah “niDiyin God bichʼįʼ nahółáa doo.”—Matt. 4:10.

7. Jiihóvah Yá Dahalneʼé éí haʼátʼíí yee ałʼąą ádaatʼé?

⁷ Diné tʼóó ahayóí éí churchgóó nidaʼnitinii bił ayóó ádaatʼéego bindaʼnitin dayíistsʼą́ą́ʼ. Áko díí nidaʼnitinii diyinii nilı̨́ nahalingo yaa nitsídaakees. Tʼóó ahayóí diné baa áłah nádleeh, binaaltsoos nidayiiłniih, áádóó yá yee akééʼ naazíinii yá béeso tsʼídá tʼóó ahayóí bá adayiinííł. Yee nidaʼnitinii éí łaʼ tsʼídá yéigo dayoodlą́ągo bikééʼ naazı̨́. Jesus dajiiłtsą́ nahalingo díí nidaʼnitinii ákótʼéego yaa nitsídaakees! Ndi, łahjí Jiihóvah Yá Dahalneʼé éí náánáłaʼ dinégo doo yikééʼ naazı̨́į da. Nihá álą́ąjįʼ naazíinii nihił danilı̨́. Jesus yee naʼneeztą́ąʼii baa ákodaniidzin: “Nihí tʼáá ánółtso ałkʼisóó danohłı̨́.” (Matt. 23:8-10) Náánáłaʼ bílaʼashdlaʼii, éí religious doodaiiʼ political leaders danilı̨́į ndi, doo worship ádeilʼı̨́į da. Yee akééʼ naazíinii ndi, doo bee akééʼ nisiidzı̨́į da. Bílaʼashdlaʼii bił nidaaztʼiʼii doo bee akééʼ ninéilwoʼ da. Díí binahjįʼ bee bééhózingo éí Oodlání nishłı̨́ daaníinii doo bił ahéniiltʼée da.—John 18:36.

8. Haʼátʼíí biniyé Jiihóvah éí bízhiʼ ayóó átʼéego ádoolnííł índa diné tʼáá ałtso bee bił dahodoonih nízin?

⁸ Jesus kóníigo łah sodoolzin: “ShiTaaʼ, nízhiʼ ayóó átʼéego ánílééh.” Áádóó Jiihóvah tʼáá Bí yáʼąąshdę́ę́ʼ ayóó íitsʼaʼgo shízhiʼ ayóó átʼéii ádeeshlííł nidooʼniid. (John 12:28) Jesus éí nahalneʼgóó tádígháahgo Bizhéʼé bízhiʼ ayóó átʼéego áyiilaa. (John 17:26) Tʼáá ákótʼé tʼáá aaníinii Oodlání danilínígíí ałdóʼ yaa bił dahózhǫ́ǫgo Diyin bízhiʼ chodayoołʼı̨́, áádóó náánáłahjįʼ diné yee yił dahalneʼ.

9. Ałkʼidą́ą́ʼ Oodlání yę́ę éí Diyin bízhiʼ bił danilı̨́įgi haitʼéego ííshjání ádayiilaa?

⁹ First century C.E. yę́ędą́ą́ʼ Oodlání tʼóó hodeezlı̨́ı̨́ʼdóó bikʼijįʼ ‘Diyin tsʼídá átsé doo Jew dineʼé danilíinii yaa joozbaʼ.’  (Acts 15:14) Éí Oodlání danilínígíí Diyin bízhiʼ chodayoołʼı̨́įgo áádóó náánáłahjįʼ yee yił dahalneʼgo yaa bił dahózhǫ́. Nidahalneʼgóó índa Diyin Bizaad ádeiléehgo Diyin bízhiʼ chodayoosʼįįd. * Áko éí binahjįʼ tʼáá bí tʼéiyá Diyin bízhiʼ ííshjání ádayiilaa.—Acts 2:14, 21.

10. Jiihóvah Yá Dahalneʼé tʼéiyá Diyin bízhiʼ haitʼéego yee naazı̨́?

¹⁰ Jiihóvah Yá Dahalneʼé éísh Diyin bízhiʼ yee naazı̨́? Díí baa nitsíníkees: Dííshjı̨́įdi ląʼí religious leaders éí Diyin bízhiʼ hólǫ́ǫgi nideiniłʼin. Diyin Bizaad translate ádeiléehgo Diyin bízhiʼ nahjįʼ kódayiilaa, índa dabichurch góneʼ doo chooʼı̨́ı̨́góó ádayósin. * Ákoósh Jiihóvah Yá Dahalneʼ tʼéiyá Diyin bízhiʼ bił danilı̨́? Tsʼídá tʼáá nihí tʼéiyá tʼáá náhwiistʼą́ą́góó Diyin bízhiʼ diné bee bił dahwiilneʼ! Wołí bee ádeitʼı̨́įgo Jiihóvah Yá Dahalneʼé nihidiʼníigi bikʼehgóó ádaniitʼé. (Isa. 43:10-12) 240 milliondóó baʼaan ánéelą́ąʼdi New World Translation of the Holy Scriptures ádeiilyaa, éí Diyin bízhiʼ nahjįʼ hahasdzoh yę́ęgóó yízhiʼ Jiihóvah biih nídahasdzoh. Áádóó 1,000 ánéelą́ąʼdi saad ałʼąą bee yádaatiʼígíí bee naaltsoos Diyin Bizaad binahjįʼ bee naʼnitingo ádaalneʼgo éí Jiihóvah bízhiʼ chooʼı̨́įgo ádeilʼı̨́!

11. Ałkʼidą́ą́ʼ Oodlání yę́ę tʼáá aaníinii bínaʼniltinii ayóóʼádayóʼníigi haitʼéego ííshjání ádayiilaa?

¹¹ Jesus éí Diyin índa Diyin ádooníiłgi tʼáá aaníigo bínaʼniltingi ayóóʼáyóʼní. Tʼáá éí yikʼehgo beʼiiná yiniłtʼiʼ, áádóó yee naʼneeztą́ą́ʼ. (John 18:37) Bikééʼ deíkááh yę́ę ałdóʼ tʼáá ákódaatʼéé ńtʼééʼ. (John 4:23, 24) Yilʼaadii Peter éí Oodlání ídlı̨́įgo éí “tʼáá aaníígóó honítʼiʼii” yiłníí ńtʼééʼ. (2 Pet. 2:2) Ałkʼidą́ą́ʼ Daʼoodlání yę́ę tʼáá aaníinii bínaʼniltinii ayóóʼádayóʼníigo biniinaa éí diné bibee óʼoołʼįįłii índa kótʼéego yeeʼ daaníinii yitsʼą́ąjįʼ kódaatʼéé ńtʼééʼ. (Col. 2:8) Dííshjı̨́įdi tʼáá aaníinii Oodlání danilíinii yéigo ádaatʼı̨́įgo “tʼáá aaníinii yikʼehgo dayíkáahgo” Jiihóvah Bizaad yikʼehgo daʼoodląʼ índa beʼiiná deíłtʼééh.—3 John 3, 4.

12. Łahgóó doo ákótʼéégóó bikʼiʼdiitą́ą́ ńtʼéeʼgo Governing Body haitʼéego hashtʼéédayiiłʼįįh, éí haʼátʼíí biniyé ákódayiiłʼįįh?

¹² Jiihóvah Yá Dahalneʼé éí Diyin Bizaad tʼáá ałtsojįʼ yikʼidadiʼyiitįįhgo átʼé, doo haʼníi da. Diyin Bizaad bínaʼniltingi doodaiiʼ congregation bił nahazʼą́ą́góó bikʼi adéestʼı̨́įʼgi łahgóó nidaʼiisihgo átʼé. Háálá Diyin Bizaad áníigo éí náás hoolzhishgóó Diyin bidineʼé akʼidadiʼyiitįįhgo bił hoolzhish doo. (Col. 1:9, 10) Jiihóvah éí tʼáá aaníinii bínaʼniltinii tʼáá hazhóʼógo ił ííshjání áyoolííł, áko tʼóó haʼíinilníigo nihił chʼídiʼyiidlaad. (Prov. 4:18) Áko Governing Body éí łahgóó doo ákótʼéégóó bikʼiʼdiitą́ą́ ńtʼéeʼgo éí tʼáá ákǫ́ǫ́ tsı̨́įłgo hashtʼéédayiiłʼįįh. Church bił nidahazʼą́ą́góó diné yee yił dahóshǫ́ǫ doo biniyé łahgóó hashtʼéédaʼádleʼ. Ndi Jiihóvah bidineʼé éí Diyin áhą́dí bił ídlı̨́ índa Jesus éí kótʼéego Jiihóvah worship álʼı̨́ níigo áyiilaa yę́ę bikʼehgo éʼélʼı̨́. (Jas. 4:4) Łahgóó hashtʼééhoolʼįįhgo éí diné bintsékees doo bikʼehgo álʼı̨́į da, ndi Diyin Bizaad éí hazhóʼó bikʼidaʼdiitą́. Tʼáá aaníinii bínaʼniltinii ayóóʼádeíníiʼní!—1 Thess. 2:3, 4.

13. Ałkʼidą́ą́ʼ daʼoodlání yę́ę haʼátʼíí ayóó bee béédahoʼdílzin ńtʼééʼ, áádóó Jiihóvah Yá Dahalneʼé haitʼéego ííshjání ádeiłʼı̨́?

¹³ Ałkʼidą́ą́ʼ daʼoodlání yę́ę éí tsʼídá yáʼátʼéehgo ádaatʼéiigi ayóó bee béédahoʼdílzin ńtʼééʼ, ndi tsʼídá aláahdiígíí éí ayóóʼádaʼahóʼní. Jesus ádííniid: “Ayóóʼádaʼahíínóhʼníigo shídahoołʼaahii danohłı̨́įgo diné tʼáá ałtso bił béédahózin doo.” (John 13:34, 35) Dííshjı̨́įdi tʼáá náhwiistʼą́ą́góó Jiihóvah Yá Dahalneʼé łáʼí danílı̨́įgo ayóóʼádaʼahóʼní. Tsʼídá doo łaʼ ádajítʼéhígi átʼéego éí daʼníłtsʼą́ą́dę́ę́ʼ dineʼé índa nihee ádaʼoolʼįįłii bee tʼááłaʼ haʼoojééʼ nahalingo dah yiikah. Tʼáá ałtso áłah néidleehgóó bee bééhózin. Díí bee bééhózingo éí Jiihóvah worship ádeilʼı̨́įgi yaa bił hózhǫ́ǫgo átʼéego yéigo deiniidlą́.

14. Ephesians 4:32 éí haitʼéego yéigo ayóóʼádaʼahííníiʼní nihiłní?

¹⁴ Diyin Bizaad ánihiłníigo tsʼídá yéigo “ayóóʼádaʼahíínóhʼní.” (1 Pet. 4:8) Łaʼda saad doo yáʼátʼéehii yee nihichʼįʼ haadzih ndi, ahá yóóʼanídahidiitʼaah áádóó ałchʼįʼ hadaʼííníilníi doo. Índa brother dóó sister bichʼįʼ nihił hadleeʼ. (Ephesians 4:32 yíníłtaʼ.) Kótʼéego ayóóʼóʼóʼní bee daʼahííníitąʼgo éí bee bééhózingo nihí éí tʼáá aaníinii Oodlání daniidlı̨́.

15. Ałkʼidą́ą́ʼ Oodlání ádaʼałʼínę́ęgi átʼéego haitʼéego náánáłahgóó bikʼeh ádaʼiilʼı̨́?

¹⁵ Ałkʼidą́ą́ʼ Oodlání ádaʼałʼínę́ęgi átʼéego náánáłahgóó bikʼeh ádaʼiilʼı̨́. Éí daalʼaadii Jiihóvah bidineʼé dah yikahgi ádaʼałʼínę́ęgi tʼáá benáłtʼéego ádaʼiilʼı̨́, éí traveling overseers, elders, índa ministerial servants bee dahólǫ́ǫ́ ńtʼéʼígi átʼéego nihí ałdóʼ nihee dahólǫ́. (Phil. 1:1; Titus 1:5) Sex índa ahéʼáskéegi, dił dólzingi, doo hashtʼeʼtsíńdadikeesii congregation bitsʼąą baa áháyą́, díí ałkʼidą́ą́ʼ Oodlání yę́ę tʼáá bił aheełtʼéego baa nitsídeikees.—Acts 15:28, 29; 1 Cor. 5:11-13; 6:9, 10; Heb. 13:4.

16. Ephesians 4:4-6 haʼátʼíí bitsʼą́ą́dóó bídahwiilʼaah?

¹⁶ Jesus éí ląʼí nihí yeeʼ nídahoołʼaahii daniidlı̨́ daaníi doo, ndi éí doo shídahoołʼaahii dajílı̨́į da, ní. (Matt. 7:21-23) Diyin Bizaad ałdóʼ áníigo éí nihoogháahjįʼ yoołkáałgo ląʼí éí ‘Diyin kʼehgo dahiná nidahalin doo.’ (2 Tim. 3:1, 5) Ndi, Diyin Bizaad áníigo “oodlą́ tʼááłáʼí,” éí díidígíí Diyin bił yáʼátʼééh.—Ephesians 4:4-6 yíníłtaʼ.

17. Háísh éí Jesus índa oodlą́ tʼááłáʼígíí yikʼehgóó ádaʼałʼı̨́?

¹⁷ Háísh éí tʼáá aaníinii Oodlą́ yee dah yikah? Tʼáá íídą́ą́ʼ nihił ííshjání ályaago éí Jiihóvah Yá Dahalneʼé. Jesus éí worship aʼalʼı̨́įgi áʼiilaa yę́ęgi áádóó ałkʼidą́ą́ʼ Oodlání yę́ę díí yikʼehgo ádaʼiilaagi bee nihił ííshjání ályaa. Baa nihił dahózhǫ́, Jiihóvah bidineʼé daniidlı̨́įgi áádóó Jiihóvah índa ádeeshníił níigi tʼáá aaníigo nihił béédahózin! Áko tʼáá aaníinii bínaʼniltinii tsʼídá yéigo deiniidlą́ągo bąąh dah shiijéeʼ doo.