Jiihóvah Aa Nitsíkeesígi Átʼéego Diné Baa Nitsídaakees
“Diné badahojoobáʼíii yaa nitsíkeesii éí bikʼihojidlí!”—PSALM 41:1.
SIN: 130, 107
1. Jiihóvah bá ndaalʼaʼí éí haitʼéego ayóóʼádaʼahóʼní?
JIIHÓVAH bá ndaalʼaʼí nahasdzáán bikááʼgóó kéédahatʼínígíí éí tʼááłaʼ hazʼą́ą́dóó łáʼí danilı̨́įgo dah yiikah. Éí brothers dóó sisters danilı̨́įgo ayóóʼádaʼahóʼní. (1 John 4:16, 21) Nitsaadóó ádaałtsʼíísíjįʼ ádaatʼéii yee ahíłká anájah. Éí saad yáʼádaatʼéehii yee ałchʼįʼ yádaałtiʼ doodaiiʼ ałhaa dajoobaʼ. Ádaniitʼéiigi bee ałhaa nitsídeikeesgo éí Nihizhéʼé Jiihóvah bedaʼiilʼı̨́.—Ephesians 5:1.
2. Jesus éí Bizhéʼé bibee ayóóʼóʼóʼní haitʼéego yeʼiilaa?
2 Jesus éí Bizhéʼé tsʼídá nizhónígo yeʼiilaa. Tʼáá áłahájįʼ diné yaa joobaʼ. Kóní: “Dziil nihigháanii áádóó nihiyéél dandaazii tʼáá ánółtso hágo, shaa hohkááh, áko háádaałyı̨́įhgo ánihideeshłííł.” (Matthew 11:28, 29) Jesus beʼiilʼı̨́įgo índa ‘badahojoobáʼíii baa nitsíikeesgo’ Jiihóvah bił dahoniilzhǫ́, nihí ałdóʼ nihił dahózhǫ́. (Psalm 41:1) Nihighan hazʼą́ą́dóó, nihibrothers dóó nihisisters, índa bił nidahwiilneʼígíí haitʼéego baa nitsíikees dooígi baa nídadíitʼįįł.
NIHIGHAN HAZʼĄ́ĄGI
3. Ahastiin éí haitʼéego beʼasdzą́ą́ átʼéiigi bee baa nitsíjíkees doo? (Áłtsé eelkidígíí níníłʼı̨́.)
3 Ahastiin éí haghan hazʼą́ą́dóó á ádajítʼée doo, áádóó aa áhojilyą́ągi bee ííshjání ájósin doo. (Ephesians 5:25; 6:4) Diyin Bizaad áníigo ahastiin éí hweʼasdzą́ą́ átʼéiigi bee baa nitsíjíkeesgo baa ákozhnízin doo. (1 Peter 3:7) Ahastiin aa ákonízinii éí hoł bééhózingo ląʼígóó hweʼasdzą́ą́ átʼéiigi doo ákójítʼée da, doo ndi bilááh ájítʼée da. (Genesis 2:18) Hweʼasdzą́ą́ bintsékees índa asdzání ílíinii nilı̨́įgo baa nitsíjíkees. Canadadę́ę́ʼ łaʼ bá ahastiin kótʼéego yaa haadzííʼ: “Nitséskeesgi doo yee sheinítʼı̨́į da, éí ‘Tʼáadoo ákótʼéego nitsíníkeesí,’ doo shiłníi da. Áłahájįʼ nizhónígo shíistsʼą́ą́ʼ. Haʼátʼíí shı̨́ı̨́ hazhóʼó hashtʼeʼ baa ntsídookosgi joobaʼgo yee shíká análwoʼ.”
Hweʼasdzą́ą́ doo biniʼjiloʼ da, háálá ayóóʼájóʼní índa doo yáʼádaatʼéehii jijoołá
4. Hweʼasdzą́ą́ átʼéiigi baa nitsíjíkeesgo náánáłahjįʼ asdzání haitʼéego baa nitsíjíkees doo?
4 Ahastiin éí náánáłahjįʼ asdzání doo bidázhnoolníi da doo. Éí doo bił áhízhdilchid da, social media doodaiiʼ Internet biiʼjįʼda doo tʼóó bíniʼ bee nijinée da doo. (Job 31:1) Hweʼasdzą́ą́ doo biniʼjiloʼ da, háálá ayóóʼájóʼní, Jiihóvah ałdóʼ ayóóʼájóʼní índa doo yáʼádaatʼéehii jijoołá.—Psalm 19:14; Amos 5:15 yíníłtaʼ.
5. Eʼasdzą́ą́ éí hahastiin átʼéiigi haitʼéego bá baa nitsíjíkees doo?
5 Ahastiin éí Jesus Christ ayóóʼóʼóʼní yee há atsiiʼ nilínígi átʼéego beʼjíłʼı̨́į doo. Ákójítʼéego éí hweʼasdzą́ą́ “ił ídlı̨́” doo bá nantłʼagóó yee hachʼįʼ átʼée doo. (Ephesians 5:22-25, 33) Áko eʼasdzą́ą́ éí hahastiin hoł nílı̨́įgo congregationgi binaanish ádaatʼéii doodaiiʼ achʼįʼ anáhóótʼiʼii hashtʼedoolníiłgi binaanish hólǫ́ǫgo bá baa ákozhnízingo baa jijoobaʼ doo. Britaindę́ę́ʼ ahastiin łaʼ ání: “Łahda, shichʼooní doo ákóníshtʼéégóó yee shaa ákoniizįįh. Áko Proverbs 20:5 áníigi binahjįʼ áʼjíłʼı̨́įgo bikʼíhoolzhiizhgo índa éí bee hoł hodeeshnihii ádaatʼéii shijéí biiʼdę́ę́ʼ baa nitséskeesii ‘hajiiloh’.”
6. Áłchíní éí náánáłahdę́ę́ʼ diné baa nitsáhákeesgi índa dajoobaʼ dooleełgi haitʼéego bee naniitin doo? Áádóó éí haitʼéego bíká adoolwoł?
6 Azhéʼé dóó amá éí hazhóʼó ałhaa nitsíjíkeesgo haʼáłchíní binááł nizhónígo ájooníił doo. Éí náánáłahdę́ę́ʼ diné baa nitsáhákeesgi índa dajoobaʼ dadooleełígi haʼáłchíní bee nazhnitin doo. Kingdom Hall góneʼ doo naaníjoolwoł da bijiníigo bee nazhnitin doo. Doodaiiʼ ahínáʼiildahgi adaʼniidı̨́įhgo náás daazlı̨́įʼii bíniʼdii áłtsé náádaʼdiikááh bijiníi doo. Tʼáá ájíłtso brothers dóó sisters éí azhéʼé dóó amá łahdóó bíká aníjíjah doo. Áko áłchíní łahgo yáʼátʼéehii atʼįįhgo, éí łaʼda dáádílkał yá aa áyiiłʼįįhgoda, nizhóní ákótʼéego íʼiinilaa bidiiʼníi doo. Díí binahjįʼ yaa bił hózhǫ́ǫ Acts 20:35.
doo, áádóó éí “tʼáadoo leʼé azhʼníláii éí haa yílyáii bilááh átʼéego baa hózhǫ́,” haʼníigi yíhwiidoołʼááł.—ÁŁAH NÉIDLEEHGI
7. Haitʼéego éí diné léiʼ bijééhkałgo ájítʼéiigi Jesus há yaa ákoniizı̨́ı̨́ʼ? Jesus nihinááł kódzaago haʼátʼíí bitsʼą́ą́dóó bídahwiidiilʼááł?
7 Łah Jesus Diikápolisgi naagháago “diné łaʼ bijééhkał índa ałtʼandzihgo yił” haadaaskai. (Mark 7:31-35) Jesus éí díí diné náyííłdzííʼ, ndi doo diné bináał da. Haʼátʼíí biniinaa? Jó diné éí bijééhkał, áko hasłą́ągi doo ayóó bił yáʼáhootʼéeh da. Jesus éí diné kótʼéiigi yá yaa ákoniizı̨́ı̨́ʼ, áko jílʼáhígíí “bitsʼą́ądi tʼáá sáhí” yił niníʼáazhgo náyííłdzííʼ. Nihí doo náʼííldziih da, ndi nihibrothers índa nihisisters ádaatʼéiigi bá baa nitsíikeesgo baa jiiniibaʼ doo. Yilʼaadii Paul ání: “Haaʼíshąʼ ayóóʼádaʼííníiʼníigo índa naanish yáʼátʼéehii baa neiikaigo ałkʼi nideiildzilgo ahídaniidlı̨́į doo.” (Hebrews 10:24) Jesus éí díí diné bijééhkał yę́ę ájítʼéii yá yaa ákoniizı̨́įʼgo yaa joozbaʼ. Nizhónígo nihinááł áʼjiilaa!
Ayóóʼóʼóʼní bee náás daazlı̨́įʼii índa atsʼíís doodaiiʼ yínííł bee bichʼįʼ anídahaztʼiʼii bíká anéiijah
8. Náás daazlı̨́įʼii índa atsʼíís doodaiiʼ yínííł bee bichʼįʼ anídahaztʼiʼii haitʼéego baa jiiniibaʼ doo? (Łaʼ chʼíníʼaah.)
8 Náás daazlı̨́įʼii índa atsʼíís doodaiiʼ yínííł bee bichʼįʼ anídahaztʼiʼii éí ádaatʼéiigi bee baa nitsíníkees. Ayóóʼóʼóʼní bee nihibrothers dóó nihisisters kódaatʼéhígíí áłah náʼádleehgóó áádóó nahaneʼgóó bee bíká anéiijah. Azhą́ shı̨́ı̨́ doo nihá bíighah da ndi, doodaiiʼ tʼáá bí éí ląʼígóó doo yíneelʼą́ą da ndi bíká anéiilwoʼ. (Matthew 13:23) Ayóóʼóʼóʼní éí tsʼídá aláahdi bee ádaʼáhíiníʼní, tʼáadoo leʼé tsı̨́įłgo łaʼ doolníiłgi éí ndagaʼ. (John 13:34, 35) Michael wolyéego ił ndaabąąsígíí yiiʼ sidá, éí haghan hazʼą́ą́dóó índa habrothers ayóó bichʼįʼ ahééh jinízingo ájíní: “Tʼáá átʼé áłah náʼádleehgi náshdááh áádóó nahaneʼgóó atah naashá, háálá shibrothers tʼáá ałtso shíká anájah. Diné dahólǫ́ǫ́góó nahaneʼ íiyisíí shił yáʼátʼééh.”
9. Nihibrothers dóó nihisisters náás daazlı̨́įʼii éí Béthelgi dabighango éí ádaatʼéiigi haitʼéego bá baa tsíhodeeskééz?
9 Ląʼí nihibrothers dóó nihisisters náás daazlı̨́įʼii áádóó bitsʼíís bichʼįʼ anídahwiiztʼiʼii Béthelgi dabighan. Ayóóʼádabóʼníigo bikʼi dadéezʼı̨́įʼii éí nahaneʼgóó áʼdoolníiłgi éí naaltsoos achʼįʼ álʼı̨́įgo áádóó béésh bee haneʼí chooʼı̨́įgo yá áńdayiilʼįįh. Łaʼ éí Bill, 86 binááhai, éí nízaadi dabighanígíí bichʼįʼ áníʼjiilʼįįhgo ájíní: “Kótʼéego naaltsoos achʼįʼ álʼı̨́įgo baa ahééh daniidzin.” Nancy kʼadę́ę 90 honáháahgo ájíní: “Naaltsoos achʼįʼ álʼı̨́įgi éí Diyin Bizaad baa haneʼii átʼé nisin. Tʼáá aaníinii haneʼii diné deididootsʼı̨́ı̨́ł hwiindzin.” Ethel, éí 1921 yę́ędą́ą́ʼ hoʼdizhchı̨́, ájíní: “Áłahjįʼ shitsʼíís daneezgai. Ééʼ deesháałgi łahda ayóó shá Proverbs 27:11.
nantłʼa.” Azhą́ ákójítʼée ndi, béésh bee haneʼí chojoołʼı̨́įgo Diyin Bizaad baa hojilneʼ áádóó baa nínáájídáahgo bił nináhojilnihii łaʼ hwee hólǫ́. Barbara, 85 honááhai, ájíní: “Shitsʼíís tʼáá íiyisíí doo yáʼátʼéeh dago biniinaa hootahgóó tʼáá ahąąh nahaneʼ dooleeł yę́ęgi ayóó shá nantłʼa. Ndi béésh bee haneʼí beego tʼéiyá diné bił nidahashneʼ. Ahéheeʼ, Jiihóvah!” Tʼáadoo náháhí díí náás daazlı̨́įʼii Diyin Bizaad yaa ndahalneʼgo 1,228 ahéédaʼiiskid, 6,265 naaltsoos achʼįʼ álʼı̨́įgo ádaʼiilaa, 2,000 ánéelą́ąʼdi béésh yee dahólneʼ, áádóó 6,315 ánéelą́ąʼgo naaltsoos ndeiizniiʼ! Kótʼéego ádaʼiilaago ayóó átʼéego Jiihóvah bił dahojííshǫǫd!—10. Áłah néiidleehgi nihibrothers hazhóʼó ídahoołʼaahgi haitʼéego bee aa nitsíikees doo?
10 Oodlání áłah nádleehgi bee aa nitsíníkees. Aa nitsíikeesgo éí nihibrothers áłah néidleehgi hazhóʼó ídahoołʼaahgo bá ííníilzin doo. Doo naʼníiltłʼa da doo biniyé áłah aleehgi tʼah doo bee hahalzhííshgóó ákwíí neidáa doo. Łahda éí tʼáadoo nidaodlíi naʼnółtłʼa yileehgo biniinaa doo hąh ákwii neidáa da łeh. Ndi tʼáá ahąąh doo hąh ákwii neidáágóogo éí nihibrothers naníiltłʼa dooleełgi baa nitsíikees doo. Béénílniih, Jiihóvah dóó Jesus éí ahínéekahgi wóshdę́ę́ʼ yah aninááh nihiłní. (Matthew 18:20) Nihibrothers nihił danílı̨́į doogo áłah néidleehgi tʼah doo bee hahalzhííshgóó ákwii neidáa doo!
11. Brothers éí áłah náʼádleehgi bee nidíʼnóotįįłii łaʼ hąąh niilyáhígíí haʼátʼíí biniyé 1 Corinthians 14:40 bikʼehgóó áʼjíłʼı̨́į doo?
11 Nihibrothers hazhóʼó baa nitsíikeesgo Diyin Bizaad áníigi bikʼeh ániitʼée doo: “Bíniʼdii tʼáá ałtsoní yáʼátʼéehgo índa hashtʼehodítʼéego baa naʼaldeeh.” 1 Corinthians 14:40) Brothers éí áłah náʼádleehgi naʼnitin ánízahjįʼ bá hazʼą́ąjįʼ áníʼjiiłʼįįhgo bikʼehgóó áʼjíłʼı̨́į doo. Éí hakééʼdóó hanáádoohdzihígíí áádóó tʼáá átʼé ákwii áłah nilínígíí ałdóʼ baa nitsíjíkees doo. Áłah ílı̨́įgi bilááhgóó oʼoolkidgo łaʼda bee díníiltłʼa. Łaʼ nízáádę́ę́ʼ nídaakah, áádóó łaʼ tʼóó akééʼ iih nídaajah. Áádóó łaʼ bichʼooní doo oodlání danilı̨́į da, áko ákwii oolkiłgo nízhdoodááł hodóʼníi łeh.
(12. Haʼátʼíí biniyé elders nihił danilı̨́? (“ Nihilą́ąjįʼ Naazı̨́įgo Nidanihinitinii Nihił Danilı̨́” níníłʼı̨́.)
12 Elders éí congregation índa nahaneʼ binaʼanishgi daaląʼí, áko nihił danilı̨́ índa ayóóʼádeíníiʼní. (1 Thessalonians 5:12, 13 yíníłtaʼ.) Tʼáá ałtsoní ná ádaaníiłgi bee bichʼįʼ ahééh nínízingo átʼé. Áko bikʼehgóó áníshtʼéego bikééʼ sézı̨́į doo nínízin. Háálá éí tʼáá áłahjįʼ nihikʼi “hadaʼídéesʼı̨́įʼgo yee nihindaalnishígíí Diyin God yee yił nídahalneʼ.”—Hebrews 13:7, 17.
NAHANEʼGI
13. Jesus éí diné yaa nitsíkees ńtʼééʼ yę́ęgi haʼátʼíí bitsʼą́ą́dóó bíhwiidiilʼááł?
13 Isaiah kóníigo Jesus yaa chʼíhoníʼą́: “Lókʼaaʼ yiskʼisii nidi doo kʼíidootih da, índa bee hoolʼiní biih yítʼiʼígíí tʼóó bilid nidi doo yidínóołtsis da.” (Isaiah 42:3) Jesus éí diné ayóóʼáyóʼníigo aa aʼááh bee hólǫ́. Diné éí “lókʼaaʼ yiskʼisii” doodaiiʼ “bee hoolʼiní biih yítʼiʼígíí tʼóó bilid” nahalingo yínííł ndaakaii índa adziilii bee ádaadinii Jesus yaa ákonízin. Áłchíní yázhí ndi Jesus bił honishłǫ́ǫ doo danízin ńtʼééʼ. (Mark 10:14) Jesus éí diné ayóó yaa ákonízin áádóó neineeztą́ą́ʼ ńtʼééʼ yę́ęgi átʼéego nihí éí doo tsʼídá ákótʼéego ádaʼdiilníił da! Ndi nidahwiilneʼgóó haitʼéego éí diné bichʼįʼ yéiiltiʼgi, áádóó haa nízahjįʼ bił nahwiilneʼgi baa ákoniidzin doo.
Saad choiniilʼı̨́įgi índa yéiiltiʼgi nihá áhwiinítʼı̨́įgo aa aʼááh niidzin doo
14. Saad bee yéiiltiʼgi, haʼátʼíí baa nitsíikees doo?
14 Haitʼéego éí diné bichʼįʼ yéiiltiʼ doo? Bindaʼadloʼgo naanish deíłyeedii, nahatʼáágóó dah naazdáii, índa diyin béédahoniilzin daaníigo ánaazíinii, éí tsʼídá tʼóó ahayóí diné tʼóó ‘yichʼįʼ nidahwiiłná áádóó doo yíká ííjéeʼ da.’ (Matthew 9:36) Éí biniinaa ląʼí náánáłahjįʼ diné yaʼádahoolí índa ił chohooʼı̨́ bee ádaadin. Áko biniinaa saad choiniilʼı̨́įgi índa yéiiltiʼgi nihá áhwiinítʼı̨́įgo aa aʼááh niidzin doo! Diné nihił danilı̨́įgo baa nitsídeikeesgo átʼé, áádóó Diyin Bizaad yáʼátʼéehgo chodeiiniilʼı̨́, áko éí haneʼ bee bił dahwiilneʼígíí dideestsʼı̨́ı̨́ł dadínóozįįł.
15. Bił nidahwiilneʼígíí haʼátʼíí bee baa ákoniidzin doo?
15 Diné bił nidahwiilneʼgo ląʼígóó bee baa ákoniidzin doo. Ił ídlı̨́ bee hazhóʼó naʼídíilkid doo. Pioneer łaʼ éí diné yił ndahalneʼígíí ayóó yádanízin, áko naʼídíłkidgi yee aa yistiʼ, háálá nabízhdíłkidígíí doo bił bééhózingóó
biniinaa yaa yádínóozįįł. “Diyin bízhiʼísh bééhonísin?” doodaiiʼ “God biNahatʼaʼísh nił bééhózin?”, doo jiníigo binaʼízhdíłkid da łeh. Ndi, kójíníi łeh, “Diyin Bizaad biiʼ bíhwiiłʼą́ąʼgo Diyin bízhiʼ hólǫ́ǫ́ lá. Éí nił ííshjání áshłéehgoósh tʼáá áko?” Díí doo tʼáá ałtsogóó bee naʼídíilkid da doo, háálá diné índa bibee ádaʼoolʼįįłii áłʼąą ádaatʼé. Bił nidahwiilneʼígíí tʼáá áłahájįʼ baa jiiníbaʼgo nihił nilı̨́įgo baa nitsíikees doo. Áko hazhóʼó bił áhééhodiilzįįł.16. Bił nidahwiilneʼígíí nihił danilı̨́įgo hahgo bitahgóó neiidáa doo?
16 Hahgo éí diné bitahgóó neiidáa doo? Hootahgóó tah diikáahgo diné doo ndanihólíi da łeh. Áko bí bá bohónéedzą́ą́ góneʼ baa diidááł. (Matthew 7:12) Łaʼísh éí nidaʼiinííshdóó bikʼijįʼ tʼáá dah ałhoshgo de ádiʼááh? Kótʼéego éí diné dahólǫ́ǫ́góó áłtsé nahwiilneʼ doo, doodaiiʼ łaʼda tʼáá bá bíighahígíí baa nínáádíídááł.
17. Bił nidahwiilneʼígíí nihił danilı̨́įgo haa nízáágóó bił nahwiilneʼ doo?
17 Haa nízáágóó éí łaʼ bił nahwiilneʼ doo? Naanish ląʼígóó dahólǫ́, áko łaʼ índída baa niidzáago tʼóó kóníshgháníjįʼ bił nahodiilnih. (1 Corinthians 9:20-23) Diné binaanish hólǫ́ǫ́ lá niidzingo éí nihá yaa ákoniizı̨́įʼgo, éí shaa nínáájídzáago índa hazhóʼó shił nahozhdoolnih dínóozįįłgoda átʼé. God bitsʼą́ą́dóó bee éʼétʼéii bee ániitʼéego éí “Diyin God bił deíníilníísh.” Jiihóvah choníhoołʼı̨́įgo tʼáá aaníí baa haneʼii łaʼda yíhwiidoołʼááł!—1 Corinthians 3:6, 7, 9.
18. Diné hazhóʼó baa nitsíikeesgo éí haʼátʼíí bee nihikʼihojidlíi doo?
18 Nihighan hazʼą́ą́dóó, nihibrothers dóó nihisisters índa bił nidahwiilneʼígíí hazhóʼó baa nitsíikees doo. Áko kʼad áádóó náasdi ląʼígóó bee nihikʼihojidlíi doo. Psalm 41:1, 2 ánínígi átʼéego: “Diné badahojoobáʼíii yaa nitsíkeesii éí bikʼihojidlí! Hachʼįʼ nahwiiʼnáago biyiʼdę́ę́ʼ Bóhólníihii [Jiihóvah] hááhwiiłteeh. Bóhólníihii [Jiihóvah] haa áhályą́ągo jiináago áhósin. Éí nihokáaʼgi hakʼihojidlíi dooleeł.”