HAASH yitʼéego oolkiłígíí nił bééhózin? Oolkiłígíí daatsʼí dínííłʼįįł. Tʼááłaʼí ahééʼílkid dóó 30 dah alzhin ałníníʼą́ bikʼijįʼ. Nikʼis éísh haʼátʼíí bididííniił, “Díkwíigo oolkił niłníigo?”

Diné tʼáá ałʼąą átʼéego ádaaní. Łaʼ hó daaní, “1:30” doodaiiʼ “13:30” daaníi łeh. Náánáłahgóó ádaaní, “ałnííʼ naaki,” éí tádiin dah alzhin naakijįʼ adooleeł áhyiłní.

Diyin Bizaad biiʼ baa dahaneʼ yę́ę éí haitʼéego diné náʼoolkiłí yikʼehgo nidaakai ńtʼééʼ? Ląʼí ałʼąą ádaatʼé. Diyin Bizaad Hííbrewjí saad éí “tʼah abínígo,” “ałníníʼą́ągo,” “ałnéʼéʼáahgo,” dóó “iʼííʼą́ągo” ákótʼéego chodeiyoołʼı̨́. (Genesis 8:11; 19:27; 43:16; Deuteronomy 28:29; 1 Kings 18:26) Łahda Diyin Bizaad tsʼídá tʼáá ákótʼéego oolkiłígíí chodayoołʼı̨́į łeh.

Ałkʼidą́ą́ʼ Ízreldi, hadaʼasídígíí hólǫ́ǫ́ ńtʼééʼ, tłʼéeʼgo tʼáá íiyisíí hadaʼasíidgo bídį hóóyééʼ. Ízrel dineʼé tááʼ ałkééʼ níjaaʼgo hadaʼasíidgo niyiiłkaah ńtʼééʼ. Hadaʼasííd óolyé. Judges 7:19 “tłʼéʼííłníiʼgo hadaʼídéesʼı̨́ʼí” éí baa daa ííníiltaʼ. Áko Jesus biʼdizhchı̨́ baa hoolzhiizh, Jew dineʼé dı̨́ı̨́ʼ ałkééʼ níjaaʼgo hadaʼasííd ńtʼééʼ. Gríik dineʼé dóó Rome dineʼé díí ałdóʼ ákótʼéego ádaʼałʼı̨́ı̨́ ńtʼééʼ.

Hastóí akʼedaʼashchínígíí éí Jesus beʼiinaʼ yaa dahalneʼgo éí ałdóʼ tłʼéeʼgo hadaʼasídí yaa dahalneʼ. “Ayííłką́ągo,” dı̨́įʼgo hadaʼasídígíí baa hoolzhiizh, Jesus táłkááʼgóó joogááł tsinaaʼeeł biyiʼ ídahoołʼaahii naháaztą́ągo bichʼįʼ joogááł. (Matthew 14:25) Áádóó Jesus haneʼ bee akʼidiʼdootı̨́įłii yee haadzííʼ: “Kin bee bóhólníihii tsʼídá ákohgo aniʼįįhii doogáłígíí bił bééhózingo, haʼasíid doo, áko bighan doo bitsʼą́ą́ʼ wótsid átʼéégóó íidoolííł.”—Matthew 24:43.

Jesus díí dı̨́įʼgo hadaʼasíidgo yaa chʼíhoníʼą́ bídahoołʼaahii hadaʼísídółʼı̨́ı̨́ʼ yidííniid. Bídahoołʼaahii ííłní hadaʼísídółʼı̨́ı̨́ʼ háálá “éí kin bee bóhólníihii nídoodááł bijínígíí doo nihił béédahózin da, iʼííʼą́ągo daatsʼí, tłʼéʼííłníiʼgo daatsʼí, naaʼahóóhai bikąʼí ádííniidgo daatsʼí, abínígo daatsʼí nídoodááł.” (Mark 13:35) Áłtsé haʼasídígíí, “iʼííʼą́ągo,” éí hííłchʼįʼ nilééh náhástʼéí oolkiłjįʼ. Naaki góneʼé, éí “tłʼéʼííłníiʼgo” haʼasídii, éí náhástʼéidi oolkiłgo nilééh tłʼéʼííłnííʼjįʼ. Tááʼ góneʼ haʼasídígíí, “naaʼahóóhai bikąʼí ádííniidgo,” éí tłʼéʼííłnííʼ nilééh abínígo táadi oolkił. Táadi haʼasídígíí góneʼ naaʼahóóhai bikąʼí ádííniidgo bitłʼééʼ góneʼ Jesus bidiiłtsood. (Mark 14:72) Dı̨́ı̨́ʼ góneʼ haʼasídígíí, “abínígo,” éí táadi oolkił nilééh jóhonaaʼéí hayaajįʼ.

Íídą́ą́ʼ diné oolkiłígíí bee ádaadin ndi dííshjı̨́įdi éí oolkiłígíí nihee hólǫ́, ákondi íídą́ą́ʼ éí oolkiłígíí bił béédahózin ńtʼééʼ.