1-2. (a) Armagédan éí haʼátʼíí biniyé bíká adéestʼı̨́ı̨́ʼ? (b) Haʼátʼíí baa nídadíitʼįįł?

NUCLEAR bee anaaʼ doodaiiʼ ayóó áhodooníiłgo bílaʼashdlaʼii ałtso yee íidoołdįįł hwiindzin. Diyin Bizaad doo ákótʼéego naʼnitin da, ndi éí anaaʼ bitsʼą́ą́dóó yáʼátʼéehgo hwiidooʼaał ní. Díí anaaʼ éí Armagédan wolyé, éí nihikʼihojidoodliiłgo baa hózhǫ́ǫ doogo átʼé. (Rev. 1:3) Anaaʼ Armagédan éí doo áʼdoołdįįł da, ndi yisdáʼdoonił!

² Diyin Bizaad áníigo anaaʼ Armagédan éí bílaʼashdlaʼii dahwéeʼaahgi niidoołtʼihgo bílaʼashdlaʼii yisdéídiyoonił. Éí doo yáʼádaashóonii íidoołdįįł áádóó tʼáá ákogi ádaatʼéii éí doo íidoołdįįł da. Áádóó nahasdzáán nidayiiłchxǫǫhii bitsʼąą bílaʼashdlaʼii yisdéidoonił. (Rev. 11:18) Díí hazhóʼó bikʼidiʼdiitı̨́ı̨́ł biniyé dı̨́įʼgo naʼídíkid baa nídadíitʼįįł: Armagédan haʼátʼíí óolyé? Bichʼįʼ hoolzhishgo haʼátʼíí áłtsé ádahodoonííł? Armagédan bitsʼą́ą́dóó yisdáákaii éí haitʼéego nihí ałdóʼ atah yisdádiidááł? Haitʼéego niheʼoodląʼ bidziil ííníilzingo bee yisdádiidááł?

3. (a) “Armagédan” haʼátʼíí óolyé? (b) Revelation 16:​14, 16 bikʼehgo haitʼéego nihił béédahózingo Armagédan éí nahasdzáán bikáaʼgi doo łahgo ahoolyée da?

³ Revelation 16:​14, 16 yíníłtaʼ. Armagédan éí Diyin Bizaad biiʼ tʼááłaʼídi choozʼįįd. Éí Hííbrew bizaad bitsʼą́ą́dę́ę́ʼ saad “Megído dah yiskʼid” jiníigo óolyé. (Rev. 16:16; ftn.) Megído éí ałkʼidą́ą́ʼ Ízrel dineʼé bikin haalʼáá ńtʼééʼ. (Josh. 17:11) Ndi Armagédan éí nahasdzáán bikáaʼgi doo  łahgo ahoolyée da. Éí yeeʼ “nahasdzáán tʼáá siʼą́ą́ nítʼééʼ bikááʼgóó aláahgo naatʼáanii danilíinii” áłah ályaago Jiihóvah yikʼiidoojahgo óolyé. (Rev. 16:14) Tʼáá átʼéé ńtʼééʼ naatʼáanii áłah ályaago tʼáá akǫ́ǫ́ bikééʼdóó anaaʼ hodooleełígíí éí ałdóʼ “Armagédan” bee deíníijíi doo. Armagédan éí anaaʼ átʼéego haitʼéego nihił béédahózin? Áłtsé éí, Megído dah yiskʼidii ádin. Naaki góneʼ éí, “nahasdzáán tʼáá siʼą́ą́ nítʼééʼ bikááʼgóó aláahgo naatʼáanii danilíinii,” bisiláo índa beeʼeldǫǫh tsoh ádaatʼéii Megído nahósʼaʼgi áłah ádoolníiłgo doo bíighah da. Tááʼ góneʼ éí, díí tʼah baa nídadíitʼįįłgo anaaʼ Armagédan éí “naatʼáanii” danilíinii Diyin bidineʼé nahasdzáán nidahoneesʼą́ą́góó kéédahatʼíinii hahgo yikʼiidoojah.

4. Diyin éí haʼátʼíí biniyé akéeʼdi biʼanaʼí Megído yił ałhąąh niinínil?

⁴ Jiihóvah éí haʼátʼíí biniyé akéeʼdi anaaʼ ayóó átʼéii Megído yił ałhąąh niinínil? Megído dóó yíldzis góyaa Jézriyel nahósʼaʼgi ląʼídi ałkʼidą́ą́ʼ nidaʼahijigą́ą́ ńtʼééʼ. Anaaʼ nidahadleeʼgo łahda Jiihóvah bidineʼé yíká análwoʼ ńtʼééʼ. Éí “Megído tooh ílíní bibąąhgi” anaaʼ hólǫ́ǫgo Ízrel biʼánihwiiʼaahii Bérak éí Kéínan dineʼé bisiláo Sísera wolyéego ooʼishgo yikʼeh dadeesdlı̨́įʼgi Diyin éí bíká eelwod. Bérak dóó Diyin bá hojilneʼí jílíinii Déborah akʼeh deesdlı̨́įʼgi Jiihóvah yichʼįʼ yaa ahééh niizı̨́ı̨́ʼ. Kódajiníigo dahojíítáál: “Yádiłhiłdę́ę́ʼ sǫʼ . . . Sísera yił daʼahoogą́ą́ʼ. Kíshan tooh nílínígíí adabisʼéél.”—Judg. 5:​19-21.

5. Anaaʼ Armagédan éí haitʼéego łah átʼée doo?

⁵ Bérak dóó Déborah kótʼéego sin nizhníłtʼiʼ: Jiihóvah “nílíinii, bíniʼdii nidaʼanaʼí tʼáá ałtso ádadoodįįł! Nidi ayóóʼádahóʼníinii éí hózhónígo haʼííʼą́ nahalingo náás yikah doo.” (Judg. 5:31) Armagédandi Diyin bidaʼanaʼí ałdóʼ tʼáá kótʼéego ádadoodįįł, ndi Diyin ayóóʼádayóʼníinii éí yisdádookah. Diyin bidineʼé éí doo atah daʼahigą́ą da doo. Bee daʼahijigánígíí ndi doo ndeijaah da doo! Díí anaaʼ łah átʼé. Jiihóvah índa yáʼąąshdę́ę́ʼ bisiláo ‘yaa dadzólíigo bił hodéesyéelgo’ ádabósingo yee dabidziil doo.—Isa. 26:3; Rev. 19:​11-15.

6. Armagédan bee Jiihóvah éí haitʼéego biʼanaʼí yikʼeh didoodleeł?

⁶ Armagédandi Diyin éí haitʼéego biʼanaʼí yikʼeh didoodleeł? Díí éí niʼ nidahaʼnáago, nílótsoh, índa atsiniltłʼish anídahataʼgoda shı̨́ı̨́ choidoołʼįįłgo átʼé. (Job 38:​22, 23; Ezek. 38:​19-22) Bidaʼanaʼí éí tʼóó ałkʼiidoojahgoda íidoolííł. (2 Chron. 20:​17, 22, 23) Diyin bá ndaalʼaʼída éí doo yáʼádaashóonii ałtso nideidoołtsił. (Isa. 37:36) Haashı̨́ı̨́tʼéego Diyin áʼdoolíiłgi, Bí éí akʼeh didoodleeł. Bílaʼashdlaʼii bikʼijįʼ danílínígíí ałtso íidoołdįįł. Tʼáá ákogi ádaatʼéii éí yisdádookah.—Prov. 3:​25, 26.

7-8. (a) 1 Thessalonians 5:3 éí naatʼáanii haʼátʼíí daaníi doo, ní? (b) Haitʼéego díí yoochʼííd bááhádzidii átʼé?

⁷ ‘Jiihóvah bijı̨́ beidoołkáłígíí’ tʼáá bítséedi éí “hashtʼehodítʼée yeeʼ áádóó yáʼádahootʼééh” dahaʼníi doo. (1 Thessalonians 5:3 yíníłtaʼ.) 1 Thessalonians 5:2 * éí ‘Jiihóvah bijı̨́ beiníłką́ągi’ níigi éí “ayóó átʼéego achʼįʼ nahwiiʼná [great tribulation]” ááhyiłní. (Rev. 7:14) Díí kʼadę́ęgo éí haitʼéego nihił béédahózin doo? Diyin Bizaad áníigo éí naatʼáanii tʼáá altso “hashtʼehodítʼée yeeʼ áádóó  yáʼádahootʼééh” daaníigo, éí great tribulation baa hoolzhiizh doo.

⁸ Naatʼáanii tʼáá altso haʼátʼíí biniyé kódaaníi doo? Oodląʼ yá naazíiniísh atah kódaaníi doo? Daatsʼí. Éí yeeʼ demons bitsʼą́ą́dóó yoochʼííd átʼé. Díí bááhádzid, háálá tʼáá aaníí nihił hasihgo hashtʼehodítʼé hwiindzin doo. Ndi tsʼídá tʼah doo áhánééhgóó ayóó áhodooníiłii átʼéego baa hoolzhiizh. Éí “tʼáadoo hooyání bee íʼdooldįįłii bikʼi hwiidooleeł, asdzání iʼniiłchíihgo bił náhodíníigahígi átʼéego” ádoonííł. Ákoshąʼ Jiihóvah bikeeʼ naazíinii? Great tribulation hadooltʼihgi doo bił béédahózin da, tsídadidoołyis shı̨́į ndi, tʼáá íídą́ą́ʼ yiniyé hashtʼedadítʼé.

9. Diyin éí haitʼéego Séítan hooʼáłígíí ałkééʼ yooniłgo íidoołdįįł?

⁹ Nóah bíyoołkááłdą́ą́ʼ ádzaa yę́ęgi átʼéego Jiihóvah éí doo ákótʼéego Séítan hooʼáłígíí tʼáá ałtso íidoołdįįł da. Naaki ałkééʼ nínilgo áʼdoolííł. Bábilan ayóó átʼéii doo tʼáá aaníinii oodląʼ áłtsé íidoołdįįł. Áádóó Armagédango Séítan hooʼáałgi tʼáá átʼé íidoołdįįł: éí bílaʼashdlaʼii binahatʼaʼ, bisiláo dah yinéłígíí, índa naalyéhé baa nidahaniihii. Díí naakigo áhodooníłígíí baa nídadíitʼįįł.

10. Revelation 17:​1, 6 dóó 18:24 bikʼehgo Jiihóvah éí haʼátʼíí biniyé Bábilan ayóó átʼéii íidoołdįįł?

¹⁰ ‘Ałjiłnii náʼáyóí átʼéii baa náhódóotʼįįł.’ (Revelation 17:​1, 6; 18:24 yíníłtaʼ.) Bábilan ayóó átʼéii éí Diyin bízhiʼ doo bił nilı̨́ı̨́góó biyoochʼíidgo tʼáá ádzaagóó yaa halneʼ. Ałjiłnii nahalingo Jiihóvah yinaʼaloʼgo bílaʼashdlaʼii binahatʼaʼ yikééʼ ahidíízı̨́. Bibee adziilii yee bidineʼé yaa nahodídá. Ląʼí diné neestseed, éí Diyin bá ndaalʼaʼí ndi neistseed. (Rev. 19:2) Jiihóvah éí haitʼéego áhodoołdįįł?

11. Łichxíiʼgo “naaldlooshii naayééʼ nilíinii” háí átʼı̨́? Díí éí Diyin haitʼéego Bábilan ayóó átʼéii yikʼijįʼ choidoołʼįįł?

¹¹ Jiihóvah éí “naaldlooshii naayééʼ nilíinii łichxíiʼgo . . . bideeʼ neeznáá” choidoołʼįįłgo “ałjiłnii náʼáyóí átʼéii” íidoołdįįł.  Díí naaldlooshii naayééʼ nilíinii éí United Nations átʼé. Adeeʼ neeznááʼgóóígíí éí kʼad bílaʼashdlaʼii binahatʼaʼ átʼé. Diyin kʼad niizı̨́įʼ góneʼ éí bílaʼashdlaʼii binahatʼaʼ Bábilan yikʼiidoojahgo íidoolííł. Éí “doo ajílı̨́ı̨́góó índa tʼáá jilchíʼígo ádahodoolíiłgo” bee jitʼíinii hagha deidoonił índa doo yáʼáshóonii jílı̨́įgi ííshjání ádeidoolííł. (Rev. 17:​3, 16) Díí łaʼa jı̨́ nahalingo tsı̨́įłgo áhoʼdidooldįįł. Áko bikééʼ adahidíízíinii yę́ę yikʼee tsídadidoolyis. Háálá éí kójíníi łeh: “Asdzą́ą́ naatʼááh nishłı̨́įgo dah sédá! Doo bąąh áhásdįįdii nishłı̨́į da, atínáhodinidleeh éí tsʼídá doo yideestséeł da!”—Rev. 18:​7, 8.

12. Diyin éí bílaʼashdlaʼii binahatʼaʼ haʼátʼíí doo yee há hwiidoołʼaał da? Éí haʼátʼíí biniinaa?

¹² Diyin éí bidineʼé, bílaʼashdlaʼii binahatʼaʼ ábidoołdįįłgi doo yá hazʼą́ą da. Diyin bízhiʼ yaa bił dahózhǫ́ǫgo Bábilan ayóó átʼéii yitsʼá heeskai. (Acts 15:​16, 17; Rev. 18:4) Diné ałdóʼ yíká anájahgo díí yitsʼá heeskai. Kótʼéego éí Bábilan binaałniih “doo bił ałtsʼą́ą́ʼ daʼjíłkʼiiz da doo.” Bábilan ayóó átʼéii bitsʼąą haa ádahayą́ą doo ndi, hweʼoodląʼ dabidziilgo tʼéiyá hadaʼjólníi doo.

13. (a) Háí éí Gag átʼı̨́? (b) Ezekiel 38:​2, 8, 9 bikʼehgo Gag éí haitʼéego Armagédan haidoołtʼih?

¹³ Gag wolyéii akʼiijeeh. (Ezekiel 38:​2, 8, 9 yíníłtaʼ.) Oodląʼ doo tʼáá aaníinii ałtso ásdįįd dóó bikʼijįʼ, éí ayóó átʼéego nahóółtą́ągo tʼiis tʼáá sáhí ííʼáago ályaaígíí nahalingo Diyin bidineʼé naazı̨́į doo. Séítan yéigo báhodoochįįł. Éí demons bitsʼą́ą́dóó “álílee kʼehgo bee éédahózinii” ádayoolíiłgo íidoolííł. Áko nahasdzáán bikááʼgóó naatʼáanii ahił danidlı̨́įgo Jiihóvah bidineʼé yikʼiidoojah. (Rev. 16:​13, 14) Díí naatʼáanii ahił danidlínígíí éí ‘Méígag bikéyahdę́ę́ʼ Gag’ wolyé. Áko Jiihóvah bidineʼé bikʼi jiijéeʼgo Armagédan hadootʼih.—Rev. 16:16.

14. Gag éí haʼátʼíí baa ákozhdínóozįįł?

¹⁴ Gag éí “atsʼíís tʼéí hoł hólǫ́,” éí hosiláo dah yinéłígíí ááhyiłní. (2 Chron. 32:8)  Bábilan ayóó átʼéii bidiyin danilíinii éí “naaldlooshii naayééʼ nilíinii” índa “bideeʼ neeznáágóóígíí” tʼáadoo yitsʼą́ąjįʼ yisdáhóónil da! (Rev. 17:16) NihiDiyin Jiihóvah badaʼííníidlí, éíyeeʼ doo ádahojilyą́ą da nihidoʼníi ndi. Áko Gag éí tsı̨́įłgo hakʼeh dadidiidleeł danízin doo. ‘Kʼos kéyah bikʼi diilkǫʼ nahonílingo’ Jiihóvah bidineʼé yikʼiidoojah. (Ezek. 38:16) Ndi Gag éí tsístłʼah jookaigo baa ákodazdínóozįįł. Tónteel Łichíiʼdi Féro nahalingo Gag éí Jiihóvah bił dah ahijigą́ągo hoł béédahodoozįįł.—Ex. 14:​1-4; Ezek. 38:​3, 4, 18, 21-23.

15. Jesus éí haitʼéego akʼeh didoodleeł?

¹⁵ Christ éí yáʼąąshdę́ę́ʼ bisiláo yił Diyin bidineʼé yichʼą́ą́h nidookahgo Gag yikééʼ adahideezíinii yę́ę íidoołdįįł. (Rev. 19:​11, 14, 15) Jiihóvah íiyisíí biʼanaʼí Séítanshąʼ? Séítan biyoochʼídígíí biniinaa naatʼáanii danilíinii Diyin bidineʼé yikʼiijéeʼgo Armagédan háátʼiʼ. Éí hó índa demons bił 1,000 nááhaijįʼ aʼáán doo nihoodzą́ą́ góyaa hadaʼdinítą́ągo Jesus ahodiyoołtłʼił.—Rev. 20:​1-3.

16. (a) “Diyin bééhojísingo” éí haitʼéego ííshjání ázhdoolííł? (b) Jiihóvah yéédahósinii éí Armagédan áhooníiłgo haa dahodiʼdoolnííł?

¹⁶ Díkwíí shı̨́ı̨́ nááhai Jiihóvah bá neilʼaʼ ndi, Armagédan bitsʼą́ą́dóó yisdádiidáałgo éí ‘Diyin bééhoniilzin’ índa ‘nihiBóhólníihii Jesus baa haneʼ yáʼátʼéehii bikʼeh honiilʼı̨́į’ doo. (2 Thess. 1:​7-9) ‘Diyin bééhoniilzingo’ éí bił yáʼádaatʼéehii, doo bił yáʼádaatʼéehii, índa bibee hazʼáanii nihił bééhózin doo. Ayóóʼííníiʼníigo bikʼeh honiilʼı̨́, áádóó tʼáá bí tʼéiyá bichʼįʼ hodíníilzin doo. (1 John 2:​3-5; 5:3) Kwíitʼı̨́įgo éí Diyin nihééhósingi baa hózhǫ́. (1 Cor. 8:3) Háálá éí beego tʼéiyá Armagédan bitsʼą́ą́dóó yisdádiidááł!

17. “NihiBóhólníihii Jesus baa haneʼ yáʼátʼéehii,” haʼátʼíí óolyé?

¹⁷ “NihiBóhólníihii Jesus baa haneʼ yáʼátʼéehii”  éí Diyin Bizaad biiʼ tʼáá ałtso Jesus yee naʼneeztą́ą́ʼ yę́ę bił danítʼiʼ. Éí nizhóní haneʼ bikʼehgóó niheʼiinaʼ yiiltʼih doo. Éí God biNahatʼaʼ áłtsé ííníilzin, Diyin bibee hazʼáanii bikʼehgóó hiniiʼná, áádóó God biNahatʼaʼ baa nahwiilneʼgi bił danítʼiʼ. (Matt. 6:33; 24:14) Áádóó ałdóʼ éí Christ dabikʼis anoint ádaalyaaígíí bíká anéijah, háálá éí naanish nidaazii bąąh ndahaasyá.—Matt. 25:​31-40.

18. Christ bikʼis anoint ádaalyaaígíí haitʼéego áká anízhdoojah?

¹⁸ Anoint ádaalyaago Diyin yá ndaalʼaʼígíí éí ‘dibé náánáłaʼígíí’ yíká anídoojah. (John 10:16) Haitʼéego? Éí tʼah doo Armagédan áhánééhgóó tʼáá átʼé 144,000ígíí éí yáʼąąshgóó níłchʼi danilı̨́įgo náábidiʼdooljah. Bí daʼatahgo Gag ádeidoołdįįł áádóó Jiihóvah bidineʼé ‘tʼóó ahayóígíí’ yaa ádahodoolyąął. (Rev. 2:​26, 27; 7:​9, 10) Éí bił dahózhǫ́ǫgo anoint ádaalyaaígíí tʼah kǫ́ǫ́ nahasdzáán bikááʼ nijikai yę́ędą́ą́ʼ háká anájahgóó ádaatʼįįd!

19-20. Armagédan bichʼįʼ hoolzhishgo haitʼéego niheʼoodląʼ dabidziil doo?

¹⁹ Yéigo achʼįʼ nahwiiʼnáago kééhwiitʼı̨́, ląʼí Jiihóvah bidineʼé bichʼįʼ nidahwiiʼná. Ákótʼée ndi, nihił dahózhǫ́ǫgo hadaʼííníilní. (Jas. 1:​2-4) Sodizin tʼéiyá bee yisdáhóótʼiʼ. (Luke 21:36) Nihisodizin bikʼeh ániitʼéego tʼáá ákwíí jı̨́ Diyin Bizaad baa íhwiilʼaahgo nabikʼítsíilkees doo. Áádóó ádahodooníiłii ałdóʼ nabikʼítsíilkees doo. (Ps. 77:12) Díí íitʼįįłgo, índa nahwiilneʼgi éí niheʼoodląʼ índa ił chohooʼı̨́ bidziil áyósin!

²⁰ Bábilan ayóó átʼéii ásdįįdgo áádóó Armagédan ííłtsogo baa hózhǫ́ǫ doogo baa nitsíníkees! Íiyisíí baa hózhǫ́ǫ dooleełii éí Diyin bízhiʼ índa bí aláahdi bóhólníihii nilı̨́įgo ííshjání ályaa doo! (Ezek. 38:23) Diyin yéédahósinii, Diyin biYeʼ yikʼeh dahółʼíinii, áádóó nihoníyáajįʼ hadaʼólníinii éí Armagédan yaa bił dahózhǫ́.—Matt. 24:13.