1. Aʼohgo ádaʼdólzinii haash yitʼéego Jiihóvah yaa nitsékees? Łaʼ baa chʼíhoníʼaah.

AʼOHGO ádaʼdólzinii Jiihóvah ayóóʼáyóʼní. Tʼáá ayáhígo ádeidolzinii tʼéiyá áhą́dígo yił kʼé ahidiʼní. Náánáłahjįʼ, “ádaa dahojiʼniihii éí nízaadi hatsʼą́ądi hólǫ́ǫgo haa nitsékees.” (Ps. 138:6) Tʼáá áníiltso Jiihóvah bił honiilzhǫ́ǫgo dóó beʼayóóʼóʼóʼniʼ niidzin doo. Díí biniinaa nihí ałdóʼ aʼohgo ádadíníilzin bíhwiidiilʼááł.

2. Haʼátʼíísh baa nídadíitʼįįł?

² Táaʼgo naʼídíkidígíí baa nídadíitʼįįł: (1) Aʼohgo ázhdólzin haʼátʼíísh óolyé? (2) Haʼátʼíísh biniyé díí bineilnish doo? (3) Aʼohgo ádíníilzingo haʼátʼíí bee nihá nantłʼa? Díí dadíníilʼįįł, aʼohgo ádíníilzin Jiihóvah bijéí bił honiilzhǫ́ dóó tʼáá nihí bee ádíká adiilwoł.—Prov. 27:11; Isa. 48:17.

3. Aʼohgo ázhdólzin haʼátʼíísh óolyé?

³ Aʼohgo ádólzin éí aʼohgo ádaa nitsáhákees índa doo ayóó ádaa hodzódlí doodaiiʼ doo ádaa dahaʼniih óolyé. Diyin Bizaad nihichʼįʼ ííshjání áyósin éí diné aʼohgo áʼdólzinii Jiihóvah dóó náánáłahjįʼ diné yił kʼé ahidiʼní. Tʼáá ałtso bilah átʼéego yaa ákonízin.—Phil. 2:​3, 4.

4-5. Łaʼ diné aʼohgo ádaʼdólzinii, haʼátʼíísh biniyé tʼóó ádaatʼı̨́?

⁴ Náánáłahjįʼ diné hoł nilı̨́ dóó haa áhwiinítʼı̨́įgo ázhdólzin  éí bizhéʼé dóó bimá nidabineeztą́ąʼgo ákódaatʼé. Ákondi, tʼáá ajéí biyiʼdi ádaa dadzódlíigo ádaa nitsídaahkees. Łaʼ diné aʼohgo ádaʼdólzin, ndi tʼóó ádaatʼı̨́.—Luke 6:45.

⁵ Náánáłaʼ diné éí ayóó áníshtʼé danízin índa doo tʼáá naʼníleʼdii hadaadzih, ákondi díí doo bee ádaa hodzódlíí áhyiłníi da. (John 1:​46, 47) Diné doo yinízinígíí éí tʼáá bí yee ádaa áhályą́. Tʼáá neidáago, bee ádaa ákoniidzingo tʼáá aʼohgo ádíníilzin doo.

6. 1 Corinthians 15:10gi átʼéego, yilʼaadii Paul áátʼįįdígíí haʼátʼíí bitsʼą́ą́dóó bídahwiidiilʼááł?

⁶ Yilʼaadii Paul áátʼįįdígíí baa nitsíníkees. Daʼníłtsʼą́ą́ʼgóó áłah nídaʼadleeh dooleełgóó Jiihóvah éí chiboosʼįįd. Jesus bikééʼ nidaakaiígíí éí yiláahgo tʼóó ahayóí nahalneʼgo daatsʼí íʼiilaa. Ndi, Paul doo aláahgo ádaa nitsékees da. Éí ání: “Daalʼaadii tsʼídá aʼohgo nilíinii nishłı̨́įgo bee ádaa nitséskees, yilʼaadii bee shiʼdójíii dooleełígíí doo bą́ą́h nishłı̨́į da, háálá Diyin God dayoodláanii áłah nádleehígíí atéshʼı̨́ı̨́ nítʼééʼ.” (1 Cor. 15:9) Áádóó Paul yee ádaa haadzííʼ, Jiihóvah bibee ajoobaʼ sheidiníʼánígíí binahjįʼ bił kʼé ahidishní. (1 Corinthians 15:10 yíníłtaʼ.) Paul aʼohgo yee ííshjání ádólzin. Kórinth dineʼé naaltsoos yichʼįʼ áyiilaa, azhą́ daʼoodlání bikʼijįʼ yádaałtiʼ ndi, éí doo yee ádaa haʼniih da.—2 Cor. 10:10.

7. Łaʼ nihibrother aʼohgo ádólzingo haitʼéego ííshjání áyiilaa?

⁷ Brother Karl F. Klein, Governing  Body atah dah sidáá ńtʼééʼ, beʼiinaʼ baa haneʼígíí éí Jiihóvah bidineʼé yee hadaʼólní. Éí aʼohgo ázhdólzingo tʼáá aaníí ńtʼééʼ hweʼiinaʼ achʼįʼ nahwiiʼná biiʼ chʼízhníyáhígíí baa nahojisneʼ. 1922 yę́ędą́ą́ʼ, tsʼídá áłtsé hootah nahojilneʼ baa nízhdiidzá. Ákondi tʼáá íiyisíí há nantłʼago, naaki nááhai tʼóó neʼ kójiilaa. Áádóó Bétheldi, brother hachʼįʼ yáłtiʼgo yee atíhoolaa. Ade áhootʼé bikʼee tiʼhojoozniiʼ áádóó náasdi hashtʼe anájídzá. Áádóó naanish haa náádeetʼánígíí éí bízhneedlı̨́įgo ánáájiidlaa. Brother Klein bichʼįʼ nahwiisʼnááʼígíí yaa yáłtiʼ éí aʼohgo ádólzingo ííshjání áyiilaa. Éí baa haneʼígíí ląʼí brothers dóó sisters yéédaalniih. *

8. Aʼohgo ádólzinii éí Jiihóvah bił honiilzhǫ́ǫ doo, haitʼéego 1 Peter 5:6 bee akʼidiʼdootı̨́łígíí yee nihíká adoolwoł?

⁸ Aláahdi ílı̨́įgo, aʼohgo ádíníilzin Jiihóvah bił honiilzhǫ́ǫ doo. Yilʼaadii Peter nihichʼįʼ ííshjání áyiilaa. (1 Peter 5:6 yíníłtaʼ.) Peter yee haadzíʼígíí éí naaltsoos “Come Be My Follower” yaa chʼíhoníʼą́: “Ádaa hodzódlí éí poison nahalin. Éí báhádzid. Diné ayóó ádaa haʼniihgo éí God doo choyoołʼı̨́į da. Ákondi, diné aʼohgo ádólzinii éí Jiihóvah choyoołʼı̨́.” * Jiihóvah yaa bił hózhónígíí éí aláahdi ííníilzin doo!—Prov. 23:15.

9. Haʼátʼíísh biniyé diné bił áhą́dígo ádíníilzin doo?

⁹ Aʼohgo ádíníilzinígíí ląʼígo yee nihíká análwoʼ. Diné bił áhą́dígo ádíníilzin. Haʼátʼíísh biniyé? Haa daatʼéhígíí diné bił honílǫ́ baa nitsíníkees. (Matt. 7:12) Diné tʼáá bí tʼéí íinízinígíí éí doo bóhoneedlı̨́į da. Ákondi, nihibrothers dóó nihisisters “ahaa aʼááh danohsin, ałkʼisóó danohłı̨́įgo ayóóʼádaʼahíínóhʼní, nihá ádahwiinítʼı̨́ʼígo, índa aʼohgo ádaa nitsídaahkees” ííshjání ádayósin éí baa nihił dahózhǫ́. (1 Pet. 3:8) Díigi ádaatʼéhígíí éí bił ahą́dí ádaʼdiníilzin.

10. Aʼohgo ázhdólzingo haash yitʼéego hweʼiinaʼ doo há nantłʼa da doo?

¹⁰ Aʼohgo ázhdólzingo éí hweʼiinaʼ doo há nantłʼa da doo. Łaʼda tʼáadoo  leʼé doo ákótʼée da niidzinígíí níilʼı̨́ dóó íilnééh. Naatʼáanii Sálaman ání: “Nidaalʼaʼí éí łı̨́ı̨́ʼ yikʼi dah naazdáago yiiłtsą́, áádóó naatʼáanii danilíinii naalʼaʼígi átʼéego tʼáá niʼ nidaakai.” (Eccl. 10:7) Diné tʼáá leʼé dayiichįįh ndi, éí doo bee baa haʼniih da. Índa diné tʼáadoo dayiichįįh da ndi, aláahdi baa dahaʼniih. Ákondi, niheʼiinaʼ hazhóʼó yiiltʼih ndi tʼáadoo átʼéhé da éí Sálaman yaa ákoniizı̨́ı̨́ʼ. (Eccl. 6:9) Aʼohgo ádíníilzin doogo éí iiná tʼáá ákótʼé niidzin.

11. Hazhóʼó éʼélʼı̨́ bee nihichʼįʼ yáʼátiʼ, haash yitʼéego bikʼehgo ádiiʼnííł?

¹¹ Tʼáá ákwíí jı̨́ aʼohgo ádíníilzingo ííshjání ííníilzin. Díí táaʼgo baa nitsíníkees. Hazhóʼó éʼélʼı̨́ bee nihichʼįʼ yáʼátiʼ. Díí béénílniih, haada yitʼéego shąʼ asésiih niidzin doo, díí biniyé łaʼda nihichʼįʼ yáʼátiʼ. Łaʼda nihichʼįʼ haadzihgo doo niidzin da łeh. Ánihidííniidígíí bee baa néitʼı̨́į łeh. Ndi aʼohgo ádíníilzingo éí hazhóʼó yísíníiltsʼą́ąʼgo beʼdiilnííł.

12. Proverbs 27:​5, 6 bikʼehgo, haʼátʼíísh biniyé achʼįʼ yáʼátiʼ baa ahééh niidzin doo? Łaʼ baa chʼíhoníʼaah.

¹² Diné aʼohgo ádólzinii éí achʼįʼ yáʼátiʼ yaa ahééh nízin. Kingdom Halldi nanináago baa nitsíníkees. Tʼáá díkwíí shı̨́ı̨́ nihibrothers dóó nihisisters bił ahił dahoolneʼ ńtʼééʼ. Łaʼ yitsʼá nínílóozgo chʼiyáán niwokʼiz góneʼ siʼą́ nidííniid. Doo baa yá ninizı̨́ı̨́ʼ! Ákondi baa ahééh ninizı̨́ı̨́ʼ. Tʼáá íídą́ą́ʼ nááná łahda yee shił hodoolnih ńtʼééʼ. Ákótʼéego, nihibrother doodaiiʼ nihisister nihichʼįʼ yáʼátiʼgo éí bee aʼohgo ádíníilzingo baa ahééh niidzin.—Proverbs 27:​5, 6 yíníłtaʼ; Gal. 4:16.

13. Náánáłaʼ naanish baa náádítʼáahgo, haitʼéego aʼohgo ádíníilzingo ííshjání ádiilnííł?

¹³ Náánáłaʼ naanish baa náádítʼááh. Jason éí elder nilı̨́įgo ání: “Náánáłaʼ naanish baa náádítʼáahgo, kótʼéego baa nitséskees łeh, shí laʼ tʼáadoo shikʼi hodiiniiʼ da.” Łaʼdaásh ákónítʼée łeh? Ląʼígo Jiihóvah bá neiilnishgo éí yáʼátʼééh. (1 Tim. 3:1) Ákondi, nihintsékees baa áhwiilyą́ą doo. Doo bee ádaa ákoniidzingóó éí ádaa hodzódliʼ nihijéí biiʼ hodooleeł. Łaʼ brother éí kótʼéego yaa nitsékees, ‘Shí naanish aláahgo  hazhóʼó ádeeshlííł jinízin.’ Doodaiiʼ hweʼasdzą́ą́ éí kótʼéego yaa nitsékees, ‘Shahastiin éí aláahgo yééhósin jinízin.’ Ákondi, nihí éí aʼohgo ádíníilzin díí ádaa hodzódlí bitsʼąą ániitʼée doo.

14. Mózes éí haʼátʼíí bitsʼą́ą́dóó bíhwiilʼą́ą́ʼ?

¹⁴ Mózes éí ląʼí bitsʼą́ą́dóó bídahwiilʼą́ą́ʼ. Naanish baa deitʼánígíí éí Ízrel dineʼé alą́ąjįʼ bá jizı̨́įgo chʼízhníʼeezh yaa ahééh niizı̨́ı̨́ʼ. Jiihóvah éí łaʼ naanish yee diníʼą́ągo, Mózes éí haa jiidzaa? Éí doo yaa łeʼnízin da. (Num. 11:​24-29) Diné yaa nídóotʼįįłgo bí éí aʼohgo ádólzingo náánáłahjįʼ bíká anídaalwoʼ. (Ex. 18:​13-24) Ízrel dineʼé hastóí háká anídaalwoʼ áyiilaa, áko tʼáá ałtso dabighangóó anáhidookahgo bił dahodéezyéel doo. Diné yíká análwoʼgo Mózes aláahdi ílı̨́įgo yee ííshjání áyiilaa. Mózes beʼiilʼı̨́į doo! Díí béédeilniih, Jiihóvah chinihółʼı̨́įgo aʼohgo ádíníilzin doo. Azhą́ Jiihóvah “aláahgo bóhólnííh nidi, aʼohgo ádaatʼéii yaa ntsíkees.”—Ps. 138:6.

15. Haitʼéego nihibrothers dóó nihisisters beʼiinaʼ łahgo ádaadzaa?

¹⁵ Náánáłahjigo naanish haa náádítʼááh. Ląʼí nááhai díí diné bindaanish yę́ę tʼáadoo hooyání łaʼ naanish baa náá dadeestʼą́. 2014 yę́ędą́ą́ʼ, district overseer dóó bichʼooní yił éí náánáłahjigo naanish baa dahideestʼą́. Áádóó tʼáá éí hahígíí biyiʼ, circuit overseer danílínígíí 70 béédááhaigo ałdóʼ bindaanish yę́ę neʼ kódayiilaa. Áádóó 80 béédááhaigo ałdóʼ éí coordinator of the body of elders doo danílı̨́į da. Béthel family łaʼ ałdóʼ náánáłahjigo  naanish haa náá dahideestʼą́. Łaʼ special full-time service naanish neʼ kódajiilaago, hatsʼíís bichʼįʼ anídahaztʼiʼígíí doodaiiʼ hooghan hazʼą́ągi bíká anijílwoʼgo biniyé.

16. Nihibrothers dóó nihisisters haitʼéego aʼohgo ádaʼdólzin ííshjání ádayósin?

¹⁶ Nihibrothers dóó nihisisters ániid naanish baa náá dahideestʼánígíí doo yídaneesdin da. Áłtséédą́ą́ʼ bindaanish yę́ę yídaneesdin dóó yídaneedlı̨́. Bindaanish ádeiyósin yę́ę łaʼ yaa dabíniʼ. Ákondi hazhóʼó hashtʼedayiilaa. Haʼátʼíí biniyé? Jó, éí biniinaa Jiihóvah ayóóʼádeiyóʼní. Jiihóvah alą́ąjįʼ ádeiyósin yaa ádaa deetʼą́, éí naanish doo alą́ąjįʼ ádeiyósin da. (Col. 3:23) Áádóó tʼáá náásgóó éí Jiihóvah yá ndaalʼaʼgo aʼohgo ádaʼdólzin ákótʼéego yídaneesdin. “Nihidaʼdiiłʼáhígíí tʼáá ałtso baa dahidohʼaah,” éí baa áhályą́ągo bił béédahózin.—1 Pet. 5:​6, 7.

17. Haʼátʼíísh biniyé aʼohgo ádeiyíníilzingo éí Diyin Bizaad bee haʼahónínígíí baa ahééh daniidzin?

¹⁷ Aʼohgo ádeiyíníilzingo éí Diyin Bizaad bee haʼahónínígíí baa ahééh daniidzin. Aʼohgo ádíníilzingo éí binahjįʼ diné nihídaneedlı̨́į doo. Niheʼiinaʼ doo nihá nantłʼa da. Áádóó aláahgo ílínígíí éí, Jiihóvah bił ahą́dí ádíníilzin doo. Azhą́ éí “Aghánáhóóʼáadi Hólóonii áádóó Ayóóʼátʼéii” ndi, bá nideilʼaʼ aʼohgo ádíníilzingo ayóóʼánihóʼníi doo. Díí nihił bééhózingo baa nihił dahózhǫ́!—Isa. 57:15.