1. Łahda bił hajííjééʼígíí disfellowship álʼı̨́įgo bikʼee haajítʼée łeh?

ŁAHDAÁSH nighandóó congregation yitsʼá níyá? Ákótʼı̨́įgo ayóó ajéí yineesgai! Łaʼ sister Hilda wolyé éí kóní: “Shahastiin bił sikéego 41 years azlı̨́ı̨́ʼ áádóó shitsʼą́ą́ʼ ájídin. * Ákódzaago ayóó shijéí yidííłniiʼ. Ákondi shiyáázh éí congregation, áádóó beʼasdzą́ą́, índa baʼáłchíní yitsʼá níyáago, áajigo tsʼídá yéigo shijéí yidííłniiʼ.”

2-3. Psalm 78:40, 41 bikʼehgo, Jiihóvah bá ndaalʼaʼígíí łaʼ bitsʼą́ąjįʼ dah diigháahgo éí haitʼéego yaa nitsékees?

² Baa nitsóhkees Jiihóvah ałdóʼ bighan hazʼą́ą́dóó diyingo ndaalʼaʼí hatsʼą́ąjįʼ dah diikaigo baa yínííł jiniizı̨́ı̨́ʼ. (Jude 6) Áádóó Ízrel dineʼé ałdóʼ ałkʼidą́ą́ʼ honoojíidi nahódanitaahgo hatsʼą́ąjįʼ nídaadleehígíí baa yínííł jiniizı̨́ı̨́ʼ. (Psalm 78:40, 41 yíníłtaʼ.) Áko háiida ayóóʼííníʼnínígíí łaʼ Nihizhéʼé Jiihóvah yitsʼą́ąjįʼ dadiiyáago éí bí ałdóʼ yaa yínííł nízin. Díí baa chʼééná nilínígíí éí ná yaa ákonízin. Haʼátʼíí yee háánihidiʼyoołniihígíí índa yee níká adoolwołígíí éí naa aʼááh nízingo nichʼįʼ kwíidoolííł.

³ Baa náhódóotʼįįłii éí kótʼéego nihił hooʼaʼgo haadiiʼníiłgi éí haitʼéego Jiihóvah nihíká adoolwoł. Áádóó bił áłah néidleehígíí éí ałdóʼ haitʼéego nihíká adoojah. Ndi áłtséhígíí éí haitʼéego doo ákótʼéégóó nitsáhákees bitsʼąą áhátʼínígíí baa nídadíitʼįįł.

4. Amá dóó azhéʼé beʼawééʼ Jiihóvah yitsʼágháahgo haitʼéego ádaa nitsíkees łeh?

⁴ Amá dóó azhéʼé baʼáłchíní łaʼ Jiihóvah yitsʼágháahgo, háálá yitʼéego niheʼawééʼ bíká ahiʼniilchą́ąʼgo tʼáá Jiihóvah  yideiilkaal doo ńtʼééʼ jinízin łeh. Łaʼ brother Luke wolyé éí biyeʼ disfellowship ályaago kóní: “Áhóótʼįįdii biniinaa tʼáá shí akʼéháshtʼááh, áádóó shijéí yineesgai biniinaa tʼóó yishcha łeh.” Sister Elizabeth wolyéego éí łaʼ tʼáá ákótʼéego bił hooʼaʼ, yínííł nilı̨́įgo kóní: “Amá nishłı̨́įgi haaʼí lá doo ákótʼéégóó íʼiishłaa? Shiyáázh daatsʼí tʼáadoo hazhóʼó nanítą́ąʼ da.”

5. Łaʼ Jiihóvah yitsʼą́ąjįʼ dah diigháahgo háísh bikʼíhótáah doo?

⁵ Díí béénílniih doo, Jiihóvah éí tʼáá nihí íiniidzingo ádá nihodidiitʼáłígíí free will éí nihainílá. Díí binahjįʼ éí Jiihóvah bá neilʼaʼ dooleeł doodaiiʼ doo bá neilʼaʼ da díníidzįįłígíí éí tʼáá nihí bee nihíhólnííh. Łaʼ ániid nooséełii bimá dóó bizhéʼé doo hazhóʼó bineesą́ą da ndi, Jiihóvah bá naashʼaʼ dooleeł daniizįįh. Índída łaʼ bimá dóó bizhéʼé yáʼátʼéehgo diyin kʼehgo naʼnitin bee dabineesą́ ndi, hóyáanii daazlı̨́įʼgo tʼáá aaníinii naʼnitin yitsʼá heeskai. Áko baa nitsídzíkeesgo éí Jiihóvah baa ádidíítʼáałgo bá neiilʼaʼ dooleełígíí tʼáá nihí bee nihíhólnííh. (Josh. 24:15) Amá dóó azhéʼé chʼééná nohłı̨́įgo díí átʼéego bee akʼíhótáah dooígíí éí niʼ kódoohłííł!

6. Nooséełii łaʼ biparent Diyin yitsʼágháahgo éí haa bííłʼįįh?

⁶ Łahda éí łaʼ parent nilínígíí diyin binaʼnitin índa bifamily yóóʼiidiʼaah. (Ps. 27:10) Ákótʼı̨́įgo áłchíní, bimá dóó bizhéʼé yichʼįʼ dadéezʼı̨́įʼgo yadaʼólí yę́ę atíyiiłʼįįh. Esther bizhéʼé disfellowship ályaago kóní: “Shizhéʼé éí diyin binaʼnitin yitsʼą́ąjįʼ dah diiyáago baa ákoniizı̨́ı̨́ʼ. Ákondi tʼáá ákójínéehgo éí Jiihóvah bitsʼá jiníyá. Tʼáá ákótʼée ndi, shizhéʼé éí ayóóʼííníshʼní, áko disfellowship ályaago áłahjįʼ baa shíniʼ áádóó shidíłʼá. Éí biniinaa chʼééná nídiniishdleeh.”

7. Tsíłkéí biparents łaʼ disfellowship ályaaígíí Jiihóvah haitʼéego baa nitsíkees?

⁷ Tsíłkéí nohłíinii nizhéʼé doodaiiʼ nimádaásh disfellowship ályaa? Bééhózinígo éí Jiihóvah nihaa bíniʼ índa nihí ałdóʼ tʼáá ákóniitʼé. Brothers índa sisters, Jiihóvah bikééʼ nisoozínígíí ayóó baa ahééh daniidzin. Béénílniih niparents yee ádá nihodeetʼáanii doo bee nóhólníih da. Jiihóvah ííshjání áyiilaago éí tʼáá áníiltso tʼááłáʼí niitínígo Diyin bidáahgi niheʼiinaʼ bee nihíhólnííh. Diyin God yaa ádeetʼáanii índa baptize ábiʼdiilyaii bá hoʼdiilzįʼígíí éí hąą niilyá.—Gal. 6:5.

8. Łahda hooghandóó Jiihóvah yitsʼá níyáhígíí bibaʼ ádajitʼéego éí haʼátʼíí ádajiłʼı̨́į doo? (“ Jiihóvah Baa Nánídááh” ałdóʼ níníłʼı̨́.)

⁸ Łahda nighandóó ayóóʼííníʼníinii Jiihóvah yitsʼágháahgo éí shı̨́ı̨́ Jiihóvah yaa nídoodáłígíí bíká nił chohooʼı̨́į łeh. Áko bibaʼ ánítʼéego haʼátʼíishąʼ baa nanináa doo? Nispiritual health tʼáá íiyisíí baa áhólyą́ą doo. Kónítʼı̨́įgo nighandóó bił háíníjéʼígíí éí good example bá áníłʼı̨́į doo, índa Jiihóvah yitsʼá níyáhígíí éí shı̨́ı̨́ ałdóʼ yaa ákodínóozįįł. Kónítʼı̨́įgo éí chʼééná nilínígíí bichʼįʼ haʼíínílníi doo. Díidi łaʼ ałkééʼ sinilígíí níká adoolwołgo baa nídadíitʼįįł.

9. Haitʼéegoshąʼ éí Jiihóvah bitsʼą́ą́dę́ę́ʼ nihidziil doo? (“ Łaʼ Ayóóʼííníʼnínígíí Jiihóvah Yitsʼágháahgo Díí Scriptures Níká Adoolwoł” ałdóʼ níníłʼı̨́.)

⁹ Diyin kʼehgo iiná yéigo bidinilkaal. Ní índa náánáłaʼ nifamily member bił neʼoodląʼ yéigo bindaałnish. Haitʼéegoshąʼ? Diyin Bizaad tʼáá áłahjįʼ yíníłtaʼ índa nabikʼítsíníłkees. Áádóó Kingdom Halldi áłah náʼádleehgo nánídááh. Joanna, hazhéʼé dóó hasister Jiihóvah yitsʼá níʼáázh éí ájíníí lá: “Ábigeil, Esther, Job, Jóseph, índa Jesus baa ííníshtaʼgo shił hodéezyéelgo áshósin łeh. Díí ádaatʼįįdígíí binahjįʼ shijéí índa shintsíkeesgi bąąh shíniʼ yę́ę yiniłkʼee. Nihioriginal songs bee hashtaałgo éí ayóó shíká análwoʼ.”

10. Psalm 32:6-8 binahjįʼ haitʼéego nidaʼdiiłʼáhígíí bichʼįʼ haʼííníilníi doo?

¹⁰ Nidaʼdiiłʼáhígíí tʼáá ałtso Jiihóvah bee bił hoolneʼ. Nidaʼdiiłʼáhígíí nide ánátʼı̨́įgo áłahjįʼ Jiihóvah bichʼįʼ sodílzin. God ayóóʼóóʼníinii éí néiiníkąąhgo díí nił hazʼánígíí haitʼéego ná yaa nitsíkees, índa “díníyáágóó bínandínéeshtįįł áádóó bínaninishtin doo” niłní. (Psalm 32:6-8 yíníłtaʼ.) Niłnínígíí yee níká adoolwoł. Łahda shı̨́ı̨́ nijéí neezgaiígíí Jiihóvah bee bił hodiilnihgi tʼą́ą́ʼ nilı̨́į łeh. Ákondi nijéí neezgaiígíí éí Jiihóvah tʼáá íiyisíí yaa ákonízin. Ayóóʼánóʼníigo binahjįʼ nijéí tłʼááhdę́ę́ʼ niʼdiiłʼáhígíí bee shił hoolneʼ niłní.—Ex. 34:6; Ps. 62:7, 8.

11. Hebrews 12:11 bikʼehgo haʼátʼíí biniyé éí Jiihóvah bí hashké bee ayóóʼóʼóʼní baʼííníidlíi doo? (“ Disfellowshipping—Jiihóvah Bee Ayóóʼóʼóʼní Átʼé” ałdóʼ níníłʼı̨́.)

¹¹ Elders yee ándahwiidiiʼaahii bikʼeh honíłʼı̨́. Disfellowshipping éí Jiihóvah biarrangement átʼé. Éí hashké bee naʼnitinígíí congregationgi índa bąąhági ááníiłii  baa yáʼátʼééh. (Hebrews 12:11 yíníłtaʼ.) Łaʼ congregation biiʼdóó áníi łeh, elders doo ákótʼéégóó disfellowship ádayiilaa. Béénílniih elders éí tʼáá aaníí áhóótʼįįdígíí yee nidaalnish. Náánáłaʼdę́ę́ʼ éí facts doo tʼáá ałtso hoł béédahózin da. Elders éí Jiihóvah yaa nidahodiyiiʼaahgo diyin kʼehgo judicial decisions ádeileʼ.—2 Chron. 19:6.

12. Łaʼ Jiihóvah bidecision yikʼehgo ádaatʼéhígíí éí haitʼéego disfellowship ályaaígíí bíká adoolwoł?

¹² Elders łahda nighandóó disfellowship ádeiyiilaago éí yee nidahodiiʼaahígíí bikʼeh honíłʼı̨́įgo éí disfellowship ályaaígíí Jiihóvah yaa nídoodáałgi bíká adiilwoł. Elizabeth ání: “Nihiyáázh neeyánígíí éí doo bichʼįʼ yádeiiltiʼgóó ádeiilyaa, áko ayóó nantłʼa. Shiyáázh Jiihóvah yaa náádzáago ájíní, ‘Disfellowship áshiʼdiilyaaígíí éí tʼáá ákótʼé.’ Áádóó náás hodeeshzhiizhgo éí disfellowship áhoʼdiilyaaígíí háká eelwod índa bitsʼą́ą́dóó íhojoołʼą́ą́ʼ.” Elizabeth ánáádíʼní: “Jiihóvah bidiscipline shił nilı̨́.” Áádóó bahastiin Mark ánáádooʼniid: “Nihiyáázh áníílá, biniinaa nánísdzáhígíí éí tsʼídá Jiihóvah bikʼeh honołʼı̨́įgo hoolzhiizh, áko nihí éí ayóó baa nihił hózhǫ́.”

13. Chʼééná nilı̨́įgo haʼátʼíí níká adoolwoł?

¹³ Nikʼis nił hazʼą́ągi yaa ádahonízinígíí bił yadaniłtiʼ. Brothers índa sisters nił chohooʼı̨́ ádaa nohsinígíí bił nanildeeh. (Prov. 12:25; 17:17) Joanna ání: “Tʼáá sáhí ashtʼį nahalin. Ndi shikʼis shídaneedlínígíí éí haʼííníshní ádashósin.” Ákondi bił áłah nánídleehígíí yádaałtiʼgo tʼóó nówehda doo yáʼátʼéehgo anóhsingoshąʼ?

14. Haʼátʼíí biniinaa doo ákwii ádaʼahołʼı̨́ı̨́ ńtʼéʼígíí ahá yóóʼadahidohʼaah doo?

¹⁴ Nibrothers dóó sisters bichʼįʼ haʼíínílní. Jó, nihizaad bee nidaʼiyiilzííh. (Jas. 3:2) Éí biniinaa łaʼda doo tʼáá ákónéehgo saad yee hadziihgo nihíniʼ yiyiiłʼaah. Ákótʼı̨́įgo éí yilʼaadii Paul ádííniidii béénílniih: “Ałchʼįʼ hadaʼíínółní, łaʼda bichʼįʼ saad dahosoołı̨́įʼgo bił kʼé nídaʼahididoohʼniił; . . . doo ákwii ádaʼahołʼı̨́ı̨́ nítʼéeʼii ahá yóóʼadahidohʼaah.” (Col. 3:13) Łaʼ sister bikʼéí disfellowship ályaago kóní: “Łaʼda brothers áká iishyeed niizįįhgo doo ákótʼéego hadziihgo, éí Jiihóvah shíká análwoʼgo bá yóóʼahidishʼaah.” Congregation éísh haitʼéego łaʼ hooghangi Jiihóvah tʼáá yikééʼ naazínígíí bíká azhdoojah?

15. Disfellowship ályaaígíí bifamily éí haʼátʼíí bíká adoolwoł?

¹⁵ Tʼáá ałtsojįʼ ałchįʼ hadaʼíínółní. Sister Miriam wolyéego habrother disfellowship ályaago meetingdi níjídáahgo ájíní: “Diné haʼátʼíí yaa yádaałtiʼ dooígíí bąąh shíniʼ. Ndi shibrother disfellowship ályaaígíí shígi átʼéego ałdóʼ yaa dabíniʼ. Shił chʼééná danízinígíí baa ahééh nisin.”  Náánáłaʼ sister ání: “Nihiyáázh disfellowship ályaa yę́ędą́ą́ʼ danihikʼis nihaa heeskaigo nihaa dajoozbaʼ. Łaʼ saad bee hadoodzihígíí ádin, daaní. Naaltsoos hayiʼiyoołnííh dooleełígíí shichʼįʼ ádayiilaa, índa łaʼ éí shił daacha. Ákótʼéego shíká ííjééʼígíí éí ayóó shíká eelwod!”

16. Congregationgi haitʼéego tʼáá náásgóó áká aníjíjah doo?

¹⁶ Łahda bighandóó disfellowship ályaago éí congregationdóó tʼáá náásgóó áká anáhjah. Jó, niheʼayóóʼóʼóʼní índa saad bee haʼahóníinii tʼáá íiyisíí yídin danilı̨́. (Heb. 10:24, 25) Łaʼ hooghandóó disfellowship íilʼįįhgo congregationdi akʼeh dahółʼínígíí éí nihitsʼą́ądi ndaakai daniizįįh. Éí tsʼídá ákónééh lágo! Ániid nooséełii bimá índa bizhéʼé Jiihóvah yitsʼáʼashgo, éí tʼáá íiyisíí saad bee haʼahóníinii deinízin. Maria éí bahastiin disfellowship ályaa áádóó baʼáłchíní yóóʼíídiiʼą́, éí kóní: “Dashikʼis éí hooghandi shaa nídaakahgo chʼiyáán nihá áńdayiiłʼįįh. Índa Diyin Bizaad wóltaʼ yee nihíká anájah. Shijéí neezgaiígíí shichʼįʼ aa aʼááh danízingo shił daacha łeh. Aseezı̨́ dahaleehgo éí shichʼą́ą́h yádaałtiʼ. Éidí tʼáá íiyisíí bee haʼííníshní!”—Rom. 12:13, 15.

17. Haitʼéego éí elders áká anídaajah doo?

¹⁷ Elders nohłíinii ashjaʼáhooníiłii bee faithful family members bidziilgo ádeinósin. Disfellowship ádaalyaii bifamily members éí saad hayiʼiyoołníihii bee bíká adoolwołgo éí nihąąh naazlá. (1 Thess. 5:14) Áłah náʼádleehdi hahalzhishgo índa ííłtsogo saad yáʼátʼéehii bee bichʼįʼ yádaałtiʼ. Baa nánídaahgo bił sodílzin. Nahaneʼgi bił nidanilnish doodaiiʼ family worship baa naakaigo invite áńdaałʼįįh. Diyin kʼehgo naʼniłkaadii éí Jiihóvah bidibé chʼééná nízinii, aa aʼááh hwiindzin, ayóóʼóʼóʼní, índa ił ídlı̨́ bee bíká anídaajah doo.—1 Thess. 2:7, 8.

18. 2 Peter 3:9 bikʼehgo disfellowship ábiʼdiilyaaígíí God haazhdoonííł hóʼní?

¹⁸ Jiihóvah éí “tsʼídá doo łaʼ ázhdoodįįł da nízingo, nidi tʼáá ádzíłtso łahgo  átʼéego tsíńdazdookosgo habąąhági átʼéii bitsʼáhizhdookah” nihóʼní. (2 Peter 3:9 yíníłtaʼ.) Azhą́ háiida nitsaago iisih ndi, Jiihóvah éí asiihígíí beʼiinaʼ ílı̨́įgo yaa nitsíkees. Díidi baa nitsíníkees, Jiihóvah ayóó átʼéego nihá nináʼídlá éí biYeʼ beʼiinaʼ nihá ninéidiníʼą́. Áko háiida bąąhági átʼı̨́įgo Jiihóvah yaa joobaʼgo shaa nídoodááł yóʼní. Jó éí díí łaʼ illustration baa haneʼ éí łaʼ ayeʼ yóóʼííyáá ńtʼééʼ áádóó náádzá, éí bikʼehgo ázhdoolííł hóʼní. (Luke 15:11-32) Łaʼ éí Jiihóvah yitsʼáhaaskai, ákótʼée ndi ayóóʼábóʼníinii binahjįʼ yaa ná heeskai. Congregation ałdóʼ nádzáhígíí bił danílı̨́. Elizabeth éí ałdóʼ ákótʼéego yá haadzííʼ éí biyáázh Jiihóvah yaa nádzáago ayóó átʼéego bił hóshǫ́. Áhóótʼįįdígíí yaa nitsíkeesgo ání: “Nihibrothers dóó sisters tʼáá nihił chohooʼı̨́įgo ádanihósinígíí éí ayóó baa ahééh nisin.”

19. Haʼátʼíísh biniyé Jiihóvah baʼííníidlíi doo?

¹⁹ Jiihóvah tʼáá áłahjįʼ badaʼííníidlí. Nihaa aʼááh nízingo kótʼéego dahinohná nihiłní. Tʼáá ałtso ayóóʼádabóʼnínígíí índa yichʼįʼ dahodísinígíí éí yichʼįʼ baa áhwiinítʼı̨́ dóó joobaʼii azhéʼé nilı̨́. Doo tsʼííd átʼéégóó nichʼįʼ náhwidiiʼnáahgo éí doo nitsʼá dínóochéeł da. (Heb. 13:5, 6) Shą́ą́ʼ Mark kóní: “Jiihóvah tsʼídá doo nihikʼi dínéeshchéeł da, nihichʼįʼ nahwiiʼnáa ndi doo yóóʼanihidideeshʼáał da.” Jiihóvah éí “tsʼídá aláahdi átʼéego adziilii” nihaa hidishʼaah doo ałdóʼ nihiłní. (2 Cor. 4:7) Tʼáá aaníí, azhą́ shı̨́ı̨́ háiida ayóóʼííníiʼníinii Jiihóvah yitsʼá níyáa ndi, ni éí nił chohooʼı̨́ índa neʼoodląʼ bąą dah sínítı̨́.