‘Diyin God éí [doo bił dahatsʼíídgóó] bąąh nidahwiizkaadii biyiʼ iyoołniihii . . . yee hanihiʼiyoosniid.’​—2 Corinthians 7:6.

• Adziil bee. God “hanihiʼiyoosniid,” nihił hózhǫ́ǫgo ánánihidoodlííł. Hachʼįʼ anáhóótʼiʼ doo nahjįʼ kwíidoolíił da ndi, nisodizin yididootsʼı̨́įłgo adziil bee níká adoolwoł. (Philippians 4:13) God tʼáá íídą́ą́ʼ níistsʼą́ą́ʼ, Diyin Bizaad ání: “Yínííł ádajítʼéii Bóhólníihii hwíighahgi hólǫ́, áádóó [doo bił dahatsʼíídgóó bąąh nidahwiizkaadii] tídáánáanii yisdáyiinííł.” (Psalm 34:18) God shíká anilyeed bidiʼníigo nihidiitsʼaʼ, azhą́ shı̨́ı̨́ ánítʼéhígíí bee ádidííʼnííłígíí chʼééh sodilzin ndi.​—Romans 8:​26, 27.

• Diné yáʼátʼééh ádaatʼįįd yę́ę bidaʼiilʼı̨́. Diyin Bizaad łaʼ yikʼeʼashchínígíí God yichʼįʼ sodoolzin: “Tó hakʼi diilkǫʼ nahalingo shichʼįʼ nahwiiʼnánígíí biiʼdę́ę́ʼ . . . nánooshkąąh!” Díí psalmist yénálniih, God éí nihide áhootʼéhígíí doo nihikʼijįʼ yisʼą́ą da. God áyidííniid: ‘Doo ákwii [ádaatʼįįdígíí] baa ákonínízingo háishąʼ yíníłdzil doo? Nidi dandósin doo biniyé ádił niʼiidzííh yóóʼahidíʼaah.’​—Psalm 130:​1, 3, 4.

• Chohooʼı̨́. Tʼáá kʼad ndi haʼahóní yee níká adoolwoł, áádóó God tʼáá íídą́ą́ʼ yee ádee haadzííʼ, tʼáá ałtso achʼįʼ nahwiiʼná dóó ąąh nidahwiiłkaadii nahjįʼ kwíidoolííł. God yihodeezʼánę́ę yihodoolííł, “áłtséédą́ą́ʼ yę́ę [achʼįʼ nahwiiʼná dóó ąąh nidahwiiłkaadii] doo bééhániih da, doo nidi baa nitsáhákees da” doo.​—Isaiah 65:17.

Díí baa ákonínízin doo: God áká adoolwoł ndi, Jiihóvah Yá Dahalneʼé éí doo hoł hatsʼíídgóó hąąh nahóókaadgo azééʼ ííłʼíní ałdóʼ háká adoolwołgo yíká danitá łeh. (Mark 2:17) Áko azééʼ ííłʼíní choizhdoołʼįįłígíí tʼáá hó bee hóhólnííh doo.