Salimo 102:1-28
Pemphero la munthu woponderezedwa pamene ali pamavuto* ndipo akutula nkhawa zake kwa Yehova.+
102 Inu Yehova, imvani pemphero langa.+Imvani kufuula kwanga kopempha thandizo.+
2 Musandibisire nkhope yanu pamene ndili pamavuto aakulu.+
Tcherani khutu lanu kwa ine.*Ndiyankheni mofulumira pamene ndikuitana.+
3 Chifukwa masiku a moyo wanga akuzimiririka ngati utsi,Ndipo mafupa anga akutentha kwambiri ngati ngʼanjo.+
4 Mtima wanga wakhala ngati udzu umene wawauka nʼkuuma,+Chifukwa sindikulakalaka kudya chakudya.
5 Chifukwa chakuti ndikubuula mokweza mawu,+Ndangotsala mafupa okhaokha.+
6 Ndikufanana ndi mbalame yamʼchipululu yotchedwa vuwo.Ndakhala ngati nkhwezule yamʼmabwinja.
7 Ndikusowa tulo.Ndili ngati mbalame imene ili yokhayokha padenga.+
8 Tsiku lonse adani anga amandinyoza.+
Anthu amene amanditonza amagwiritsa ntchito dzina langa potemberera ena.
9 Ndikudya phulusa ngati chakudya,+Ndipo zakumwa zanga ndi zosakanikirana ndi misozi.+
10 Izi zili choncho chifukwa cha mkwiyo ndi ukali wanu,Popeza munandikweza mʼmwamba kuti munditaye.
11 Masiku a moyo wanga ali ngati chithunzithunzi chimene chimazimiririka,+Ndipo ndafota ngati udzu.+
12 Koma inu Yehova, mudzakhalapobe kwamuyaya,+Dzina lanu lidzakhalapobe* ku mibadwo yonse.+
13 Ndithudi inu mudzanyamuka nʼkusonyeza Ziyoni chifundo,+Chifukwa imeneyi ndi nthawi yoti mumusonyeze kukoma mtima kwanu.+Nthawi yoikidwiratu yakwana.+
14 Atumiki anu amasangalala ndi miyala ya mpanda wake,+Ndipo amakonda ngakhale fumbi lake.+
15 Mitundu ya anthu idzaopa dzina lanu, inu Yehova,Ndipo mafumu onse apadziko lapansi adzaopa ulemerero wanu.+
16 Chifukwa Yehova adzamanganso Ziyoni.+Iye adzaonekera mu ulemerero wake.+
17 Adzamvetsera pemphero la anthu osauka.+Iye sadzapeputsa pemphero lawo.+
18 Zimenezi zalembedwera mʼbadwo wamʼtsogolo,+Kuti anthu amene akubwera mʼtsogolo* adzatamande Ya.
19 Iye amayangʼana pansi ali pamalo ake apamwamba omwe ndi oyera,+Yehova amayangʼana dziko lapansi ali kumwamba,
20 Kuti amve kuusa moyo kwa mkaidi,+Komanso kuti amasule anthu amene aweruzidwa kuti akaphedwe.+
21 Wachita izi kuti dzina la Yehova lilengezedwe mʼZiyoni+Komanso kuti atamandidwe mu Yerusalemu,
22 Pamene mitundu ya anthu komanso maufumuAdzasonkhana pamodzi kuti atumikire Yehova.+
23 Anandilanda mphamvu zanga nthawi yake isanakwane.Anafupikitsa masiku a moyo wanga.
24 Ine ndinati: “Inu Mulungu wanga,Musachotse moyo wanga ndisanakalambe,Inu amene mudzakhalapo ku mibadwo yonse.+
25 Munakhazikitsa maziko a dziko lapansi kalekale,Ndipo kumwamba ndi ntchito ya manja anu.+
26 Zimenezi zidzatha, koma inu mudzakhalapobe.Mofanana ndi chovala, zonsezi zidzatha.
Mofanana ndi zovala zimene zatha, mudzapezerapo zina ndipo nazonso zidzatha.
27 Koma inu simusintha ndipo mudzakhalapo mpaka kalekale.+
28 Ana a atumiki anu adzakhala motetezeka,Ndipo ana awo adzakhala motetezeka pamaso panu.”+
Mawu a M'munsi
^ Kapena kuti, “pamene wafooka.”
^ Kapena kuti, “Weramani ndipo mundimvetsere.”
^ Mʼchilankhulo choyambirira, “Chikumbutso chanu chidzakhalapobe.”
^ Mʼchilankhulo choyambirira, “anthu amene adzalengedwe.”
