Salimo 114:1-8
114 Isiraeli atatuluka mu Iguputo,+Nyumba ya Yakobo itatuluka pakati pa anthu olankhula chilankhulo chachilendo,
2 Yuda anakhala malo ake opatulika,Ndipo Isiraeli linakhala dziko limene ankalilamulira.+
3 Nyanja inaona zimenezi ndipo inathawa,+Yorodano anabwerera mʼmbuyo.+
4 Mapiri anadumphadumpha ngati nkhosa zamphongo,+Zitunda zinadumphadumpha ngati ana a nkhosa.
5 Nʼchiyani chinakupangitsa kuti uthawe, nyanja iwe?+
Nʼchifukwa chiyani iwe Yorodano unabwerera mʼmbuyo?+
6 Nanga inu mapiri, nʼchifukwa chiyani munkadumphadumpha ngati nkhosa zamphongo?Inunso zitunda, nʼchifukwa chiyani munkadumphadumpha ngati ana a nkhosa?
7 Iwe dziko lapansi, njenjemera chifukwa cha Ambuye,Chifukwa cha Mulungu wa Yakobo,+
8 Amene amasintha thanthwe kukhala dambo la madzi,Komanso mwala wa nsangalabwi kukhala akasupe a madzi.+
