Salimo 126:1-6
Nyimbo Yokwerera Kumzinda.
126 Yehova atabwezeretsa anthu a ku Ziyoni kuchokera ku ukapolo,+Tinkangoona ngati tikulota.
2 Pa nthawiyo tinasekaNdipo tinasangalala kwambiri.+
Pa nthawi imeneyo anthu a mitundu ina anayamba kuuzana kuti:
“Yehova wachitira anthu amenewa zinthu zazikulu.”+
3 Yehova watichitira zazikulu,+Ndipo tasangalala kwambiri.
4 Inu Yehova, bwezeretsani anthu athu amene anagwidwa ukapolo,Ngati mmene mvula imadzazitsira mitsinje ya ku Negebu.*
5 Amene akukhetsa misozi pofesa mbewuAdzakolola akufuula mosangalala.
6 Amene akupitabe kumunda, ngakhale kuti akulira,Atasenza thumba lake la mbewu,Ndithu adzabwerako akufuula mosangalala,+Atasenza mtolo wake wa zokolola.+
Mawu a M'munsi
^ Kapena kuti, “imadzazitsira makhwawa akumʼmwera.”
