Salimo 20:1-9
-
Kupulumutsidwa kwa mfumu yodzozedwa ya Mulungu
-
Ena amadalira magaleta ndi mahatchi, “koma ife timadalira dzina la Yehova” (7)
-
Kwa wotsogolera nyimbo. Nyimbo ya Davide.
20 Yehova akuyankheni pa tsiku la mavuto.
Dzina la Mulungu wa Yakobo likutetezeni.+
2 Akutumizireni thandizo kuchokera kumalo ake opatulika+Ndipo akuthandizeni ali ku Ziyoni.+
3 Akumbukire nsembe zanu zonse zimene munapereka monga mphatso.Alandire mosangalala* nsembe zanu zopsereza. (Selah)
4 Akupatseni zimene mtima wanu umalakalaka+Ndipo achititse kuti mapulani anu onse ayende bwino.*
5 Tidzafuula mosangalala chifukwa cha mmene mwatipulumutsira,+Tidzakweza mbendera zathu mʼdzina la Mulungu wathu.+
Yehova akwaniritse zopempha zanu zonse.
6 Tsopano ndadziwa kuti Yehova amapulumutsa wodzozedwa wake.+
Amamuyankha kuchokera kumwamba kwake koyera,Pomupulumutsa modabwitsa ndi dzanja lake lamanja.+
7 Ena amadalira magaleta ndipo ena amadalira mahatchi,+Koma ife timadalira dzina la Yehova Mulungu wathu.+
8 Anthu amenewo akomoka ndipo agwa,Koma ife tadzuka ndipo taimirira.+
9 Inu Yehova, pulumutsani mfumu!+
Tsiku limene tidzapemphe kuti atithandize, Mulungu adzatiyankha.+
Mawu a M'munsi
^ Mʼchilankhulo choyambirira, “Aone ngati mafuta.”
^ Kapena kuti, “zolinga zanu zonse ziyende bwino.”
