Salimo 96:1-13
96 Imbirani Yehova nyimbo yatsopano.+
Dziko lonse lapansi liimbire Yehova.+
2 Imbirani Yehova, tamandani dzina lake.
Tsiku ndi tsiku muzilengeza uthenga wabwino wa chipulumutso chake.+
3 Lengezani ulemerero wake pakati pa anthu a mitundu ina,Lengezani ntchito zake zodabwitsa pakati pa mitundu yonse ya anthu.+
4 Yehova ndi wamkulu komanso woyenera kutamandidwa kwambiri.
Iye ndi wochititsa mantha kwambiri kuposa milungu ina yonse.
5 Milungu yonse ya anthu a mitundu ina ndi milungu yopanda pake,+Koma Yehova ndi amene anapanga kumwamba.+
6 Pamene amakhala pali ulemu ndi ulemerero.+Mphamvu ndi kukongola zili mʼnyumba yake yopatulika.+
7 Mʼpatseni Yehova zimene akuyenera kulandira, inu mabanja a mitundu ya anthu,Mʼpatseni Yehova zimene akuyenera kulandira chifukwa cha ulemerero ndi mphamvu zake.+
8 Mʼpatseni Yehova ulemerero woyenera dzina lake.+Bweretsani mphatso ndi kulowa mʼmabwalo ake.
9 Gwadirani* Yehova mutavala zovala zokongola komanso zopatulika.*Dziko lonse lapansi linjenjemere pamaso pake.
10 Lengezani pakati pa anthu a mitundu ina kuti: “Yehova wakhala Mfumu.+
Dziko lapansi lakhazikika moti silingasunthidwe.*
Iye adzaweruza mitundu ya anthu mwachilungamo.”*+
11 Kumwamba kukondwere ndipo dziko lapansi lisangalale.Nyanja ichite mkokomo ndi zonse zimene zili mmenemo.+
12 Mtunda ndi zonse zimene zili pamenepo zikondwere.+
Pa nthawi imodzimodziyo, mitengo yonse yamʼnkhalango ifuule mosangalala+
13 Pamaso pa Yehova, chifukwa iye akubwera,*Iye akubwera kudzaweruza dziko lapansi.
Adzaweruza anthu okhala padziko lapansi mwachilungamo+Ndipo adzaweruza mitundu ya anthu mokhulupirika.+
Mawu a M'munsi
^ Kapena kuti, “Lambirani.”
^ Mabaibulo ena amati, “chifukwa cha ulemerero wa chiyero chake.”
^ Kapena kuti, “moti silingagwedezeke.”
^ Kapena kuti, “Iye adzateteza anthu pa mlandu wawo mwachilungamo.”
^ Kapena kuti, “wabwera.”
