Pitani ku nkhani yake # link, for screen reader ##

Pitani ku mitu ya nkhani

Lowani (imatsegula tsamba lina)

Mboni za Yehova

Sankhani chinenero Chichewa Lowani (imatsegula tsamba lina)

WERENGANI MU

CHUMA CHOPEZEKA M’MAWU A MULUNGU | YOBU 16-20

Tizilimbikitsa Anzathu Powayankhula Mokoma Mtima

YAMBANI

Tizilimbikitsa Anzathu Powayankhula Mokoma Mtima

Munthu wopereka malangizo ayenera kuyankhula molimbikitsa kwa ena

Yobu anavutika maganizo kwambiri, choncho ankafunika kulimbikitsidwa
Anzake atatu a Yobu sananene chilichonse chomulimbikitsa. Iwo ankangomuimba mlandu ndipo zinamusokoneza maganizo kwambiri

Yobu analira chifukwa cha mawu opweteka a Bilidadi

Yobu anadandaulira Mulungu kuti amuthandize kupezako mpumulo, ngakhale kufa kumene
Yobu ankakhulupirira kwambiri kuti akufa adzauka ndipo anakhala wokhulupirika nthawi yonse yomwe anakumana ndi mavuto

ANTHU AMENE ANKAIMBA MLANDU YOBU

Elifazi:

N’kutheka kuti anali wochokera ku Temani, m’dziko la Edomu. Lemba la Yeremiya 49:7 limasonyeza kuti Temani anali malo a nzeru za Aedomu
Zikuoneka kuti Elifazi yemwe anali wamkulu komanso wodalirika pa anzake atatu a Yobu omwe ankati abwera kudzamulimbikitsa, ndi amene anali woyamba kuyankhula. Iye anayankhula maulendo atatu komanso kwa nthawi yaitali kuposa anzake aja

Mabodza amene ananena:

Ananyoza Yobu chifukwa cha kukhulupirika kwake n’kunena kuti Mulungu sakhulupirira atumiki ake (Yobu 4, 5)
Ananena kuti Yobu anali munthu wodzikuza, woipa komanso wosaopa Mulungu (Yobu 15)
Ananena kuti Yobu anali munthu waumbombo ndi wopanda chilungamo ndipo ananenanso kuti anthu ndi opanda ntchito kwa Mulungu (Yobu 22)

Bilidadi:

Anali mbadwa ya ku Shuwa. Ayenera kuti ankakhala kufupi ndi mtsinje wa Firate
Iye anali wachiwiri kuyankhula ndipo nayenso anayankhula maulendo atatu. Mawu ake anali opweteka kwambiri kuposa a Elifazi

Mabodza amene ananena:

Ananena zinthu zosonyeza kuti ana a Yobu anachimwa ndipo anayenera kufa ndiponso kuti Yobu sankakhulupirira Mulungu (Yobu 8)
Ananena zinthu zosonyeza kuti Yobu anali wochimwa (Yobu 18)
Ananena kuti anthu amangodzivuta akamayesetsa kukhala okhulupirika (Yobu 25)

Zofari:

Zofari anali wa ku Naama, dera lomwe mwina linali kumpoto chakumadzulo kwa dziko la Arabia
Iye anali wachitatu kuyankhula ndipo ndiye anayankhula mawu opweteka kwambiri kuposa anzake onse. Iye anangoyankhula kawiri kokha

Mabodza amene ananena:

Ananena kuti Yobu ankayankhula zopanda nzeru ndipo anamuuza kuti asiye kuchita zoipa (Yobu 11)
Ananena zinthu zosonyeza kuti Yobu anali munthu woipa ndipo ankasangalala ndi kuchita machimo (Yobu 20)

NDANDANDA YA UTUMIKI KOMANSO MOYO WATHU WACHIKHRISTU

Tizilimbikitsa Anzathu Powayankhula Mokoma Mtima

Chichewa

Tizilimbikitsa Anzathu Powayankhula Mokoma Mtima

https://cms-imgp.jw-cdn.org/img/p/202016123/univ/art/202016123_univ_sqr_xl.jpg

Mwakopera

Tumizirani Wina pa Imelo