MOYO WATHU WACHIKHRISTU
Kumbukirani Mkazi wa Loti
Kodi n’chifukwa chiyani mkazi wa Loti anayang’ana kumbuyo pamene ankathawa ku Sodomu? Baibulo silifotokoza chifukwa chake. (Gen. 19:17, 26) Koma tikaona nkhani yochenjeza imene Yesu ananena, n’kutheka kuti ankaganizira kwambiri zinthu zimene anasiya. (Luka 17:31, 32) Kodi tingatani kuti tipewe zimene mkazi wa Loti anakumana nazo? Sitiyenera kulola kuti kufunafuna chuma kutilepheretse kuchita zinthu zofunika kwambiri. (Mat. 6:33) Yesu ananena kuti “simungathe kutumikira Mulungu ndi Chuma nthawi imodzi.” (Mat. 6:24) Koma bwanji ngati tikuona kuti kufunafuna chuma kwayamba kutilepheretsa kuchita zinthu zokhudza kulambira? Tiyenera kupempha kuti Yehova atithandize kuona zimene tifunika kusintha komanso kuti atipatse mphamvu yochitira zimenezi.
GANIZIRANI MFUNDO ZA M’VIDIYO YA MBALI ZITATU YAKUTI KUMBUKIRANI MKAZI WA LOTI, NDIPO YANKHANI MAFUNSO OTSATIRAWA:
-
Kodi zochita zanga zingasonyeze bwanji kuti ‘ndimakumbukira mkazi wa Loti’?
Kodi zimene Gloria ankauzidwa ndi mayi ake zinakhudza bwanji maganizo, zolankhula komanso zochita zake?
-
Kodi nkhani ya mkazi wa Loti ikutipatsa chenjezo lotani?
-
Kodi kutsatira mfundo za m’Baibulo kunathandiza bwanji Joe ndi banja lake?
-
Kodi kucheza ndi anthu olakwika kuntchito kunamusokoneza bwanji Anna?
-
N’chifukwa chiyani tiyenera kuchita zinthu molimba mtima anthu ena akamatikakamiza kuti tizifunafuna chuma?
-
Kodi Gloria ndi Brian anachita chiyani kuti ayambirenso kuona kuti zinthu zokhudza kulambira n’zofunika kwambiri?
-
Kodi ndi mfundo za m’Baibulo ziti zimene zasonyezedwa m’vidiyoyi?
