Kuyambira mu 2018, magazini iliyonse yogawira ikumangofotokoza nkhani imodzi yokha. Magazini onsewa ali mu gulu la Zinthu Zophunzitsira. Choncho tikhoza kuwagwiritsa ntchito mu utumiki. Tikhoza kunyamula magaziniwa tikakhala pa ulendo kapena tikamapita kumsika. Ngakhale kuti magaziniwa sanakonzedwe kuti tizigwiritsa ntchito pophunzira Baibulo ndi anthu, angathandize munthu kuti ayambe kukhala ndi chidwi pa zinthu zauzimu.

Mukayamba kukambirana ndi munthu, musonyezeni lemba kenako tchulani nkhani ina yam’magazini imene munthuyo angachite nayo chidwi. Mwachitsanzo, ngati munthuyo ali ndi banja, ali pa chisoni kapena ali ndi nkhawa, munganene kuti: “Posachedwapa ndawerenga nkhani yabwino yokhudza zimene mukukumana nazozi. Kodi mungakonde kuiona?” Ngati ali ndi chidwi, ngakhale pa ulendo woyambawo, mukhoza kumupatsa magaziniyo kapena kumutumizira pachipangizo chamakono. Ngakhale kuti cholinga chathu chachikulu si kugawira magazini kapena mabuku, magazini angatithandize kupeza anthu amene akufuna kugwiritsa ntchito zimene aphunzira.​—Mac 13:48.