Zitsanzo za Ulaliki
GALAMUKANI!
Funso: Zikuoneka kuti achinyamata ambiri masiku ano akudwala matenda ovutika maganizo. Kodi mukuganiza kuti n’chiyani chingathandize kuchepetsa vutoli?
Perekani Magaziniyo: Magazini iyi ikufotokoza mfundo zimene zingathandize achinyamata amene akudwala matendawa ndiponso mmene makolo awo angawathandizire.
KUPHUNZITSA CHOONADI
Funso: Kodi n’chiyani chingatithandize kuti tikhale ndi banja losangalala?
Lemba: Aef. 5:33
Zoona Zake: Banja limayenda bwino mwamuna ndi mkazi akamakondana ndiponso kulemekezana.
KODI BAIBULO LILI NDI UTHENGA WOTANI? (bm)
Funso: Anthu ambiri amene talankhula nawo amadandaula chifukwa cha zinthu zoipa zimene zikuchitika m’dzikoli. Kodi mukuganiza kuti Mulungu adzathetsa mavutowa?
Lemba: Sal. 37:11
Perekani Kabukuko: Baibulo limanena kuti posachedwapa Mulungu athetsa mavuto. Limafotokozanso mfundo zimene zingatithandize kulimbana ndi mavuto athu panopa. Kabuku aka kakufotokoza zambiri pa nkhaniyi.
LEMBANI ULALIKI WANUWANU
Potengera zitsanzozi, konzani njira imene mungagwiritse ntchito.
Mwina Mungakondenso Kudziwa Izi
GALAMUKANI!
N’chifukwa Chiyani Achinyamata Ambiri Akudwala Matenda Ovutika Maganizo?
Werengani nkhaniyi kuti mudziwe zizindikiro zake ndiponso zimene zimayambitsa matendawa. Onani zimene makolo komanso anthu ena angachite kuti athandize achinyamatawa.
MABUKU
Mmene Moyo Unayambira—Mafunso 5 Ofunika Kwambiri
Onani zimene umboni umanena kenako musankhe nokha kukhulupirira kuti zinthu zinachita kulengedwa kapena zinakhalako zokha.
ZIMENE ACHINYAMATA AMAFUNSA
Kodi Zinthu Zinachita Kulengedwa?—Gawo 1: N’chifukwa Chiyani Ndimakhulupirira Kuti Kuli Mulungu?
Kodi mungakonde kuti muzifotokozera ena molimba mtima zimene mumakhulupirira zoti kuli Mulungu? Werengani nkhaniyi kuti mupeze mfundo zimene zingakuthandizeni kuyankha ngati munthu wina wakufunsani zimene mumakhulupirira.
