Kodi nthawi zonse Yehova amadziwa zinthu zimene zili zabwino kwa ife? Inde. Tikamakhulupirira zimenezi, n’kumatsatira malangizo ake, timasonyeza kuti ndife anzeru. (Miy 16:3, 9) Komabe timakhala pangozi yoti tikhoza kusiya kumudalira ngati malangizo ake akusemphana ndi zimene ife tikuganiza. Tikhoza kumadalira kwambiri nzeru za Yehova tikamaganizira zinthu zimene analenga.​—Miy 30:24, 25; Aro 1:20.

ONERANI VIDIYO YAKUTI KODI ZINANGOCHITIKA ZOKHA? MMENE NYERERE ZIMAPEWERA KUTCHINGIRANA NJIRA, KENAKO YANKHANI MAFUNSO OTSATIRAWA:

• Kodi nyerere zambiri zimagwira ntchito yotani tsiku lililonse?

• Kodi nyerere zimapewa bwanji kutchingirana njira?

• Kodi anthu angaphunzirepo chiyani pa mmene nyerere zimayendera?

ONERANI VIDIYO YAKUTI KODI ZINANGOCHITIKA ZOKHA? MMENE NJUCHI IMAULUKIRA, KENAKO YANKHANI MAFUNSO OTSATIRAWA:

• Kodi anthu amene amayendetsa ndege zing’onozing’ono amakumana ndi mavuto otani?

• Kodi njuchi zimakwanitsa bwanji kuuluka bwinobwino osakankhidwa ndi mphepo yamphamvu?

• Kodi anthu m’tsogolomu angadzapindule bwanji potengera nzeru za njuchi?

Kodi kumene mumakhala mwaona umboni wotani wokhudza nzeru za Yehova pa zinthu zimene analenga?