Abale amagwira ntchito mwakhama kwambiri kuti akonze zitsanzo za zimene tinganene ndipo ofalitsa ambiri amaona kuti zimawathandiza akakhala mu utumiki m’gawo lawo. Koma popeza kuti zinthu zimasiyanasiyana m’mayiko, ofalitsa ali ndi ufulu wogwiritsa ntchito njira ina kapena nkhani ina imene ingakope chidwi cha anthu a m’gawo lawo akakhala mu utumiki. Komabe, zimenezi sizikukhudza ntchito yapadera yolalikira, ndipo abale ndi alongo kulikonse ayenera kutsatira malangizo onse okhudza ntchitoyi. Cholinga chathu ndi kukwaniritsa zimene Yesu anatiuza zoti tilalikire uthenga wabwino wa Ufumu.​—Mt 24:14.

Ofalitsa akamakamba nkhani za ophunzira, azigwiritsa ntchito nkhani zimene zili mu zitsanzo za zimene tinganene zomwe zili mu Kabuku ka Msonkhano wa Utumiki Komanso Moyo Wathu. Komabe, ngati asonyeza kuti akhoza kusintha mafunso, lemba, kapena zimene zikuchitika mu vidiyo kuti zigwirizane ndi mmene zinthu zilili m’deralo, akhoza kutero. Zimenezi zikusintha malangizo amene anali mu ndandanda ya utumiki wa June 2020 patsamba 8.