Davide anagonjetsa Goliyati chifukwa ankadalira Yehova. (1Sa 17:45) Yehova amafuna kusonyeza mphamvu zake kwa atumiki ake. (2Mb 16:9) Kodi tingasonyeze bwanji kuti timadalira nzeru za Yehova m’malo momadalira mphamvu kapena nzeru zathu? Onani njira zitatu zotsatirazi:

• Tizipemphera nthawi zonse. Tisamangopemphera kuti Yehova atikhululukire tikalakwitsa chinachake koma kutinso atipatse mphamvu kuti tikwanitse kulimbana ndi mayesero. (Mt 6:12, 13) Tisamangopemphera kuti Yehova adalitse zomwe tasankha koma tizipempha kuti atitsogolere komanso atipatse nzeru tisanasankhe zochita.​—Yak 1:5

• Tizikhala ndi ndandanda yowerengera komanso kuphunzira Baibulo. Tiziwerenga Baibulo tsiku lililonse. (Sl 1:2) Tiziganizira kwambiri zitsanzo za m’Baibulo komanso tizigwiritsa ntchito zimene tikuphunzirapo. (Yak 1:23-25) Tizikonzekera tikamapita mu utumiki m’malo momangodalira luso limene tili nalo. Tizikonzekera misonkhano kukadali nthawi n’cholinga choti tikapindule mokwanira

• Tizichita zinthu mogwirizana ndi gulu la Yehova. Tizidziwa mfundo zatsopano zimene gulu likuyendera ndipo tizitsatira mwamsanga zinthu zikasintha. (Nu 9:17) Tizimvera akulu akamatipatsa malangizo komanso uphungu.​—Ahe 13:17

ONERANI VIDIYO YAKUTI PALIBE CHIFUKWA CHOTI TIZIOPA KUZUNZIDWA, KENAKO YANKHANI MAFUNSO OTSATIRAWA:

• Kodi abale ndi alongo ankaopa chiyani?

• Kodi n’chiyani chinawathandiza kuti athetse manthawa?