MOYO WATHU WACHIKHRISTU
Kodi Mumagwiritsa Ntchito Laibulale ya JW?
Laibulale ya JW ndi yaulere ndipo ingakuthandizeni kupanga dawunilodi zinthu monga Baibulo, magazini, mavidiyo ndi zinthu zina zongomvetsera kuti muzizigwiritsa ntchito mufoni, tabuleti kapena pakompyuta.
KODI MUNGAIPEZE BWANJI?: Pitani pa Intaneti pamalo amene pamapezeka pulogalamu yopangira dawunilodi mapulogalamu osiyanasiyana. Kenako mungapange dawunilodi Laibulale ya JW, n’kuisunga m’chipangizo chanu. Mukatero tsegulani pulogalamuyi ndi kupanga dawunilodi mabuku kapenanso zinthu zina zomwe mukufuna. Ngati kunyumba kwanu kulibe netiweki ya intaneti, mukhoza kupita ku Nyumba ya Ufumu, kunyumba kwa mnzanu, kapenanso mungakalipire kumalo ena kumene kuli netiweki ya intaneti m’dera lanu. Mukapanga dawunilodi mabuku n’kuwasunga m’chipangizo chanu, simufunikiranso kupita pa intaneti kuti muwawerenge. Komabe popeza kuti nthawi ndi nthawi papulogalamuyi amaikapo zinthu zina zatsopano, muyenera kumapita pa intaneti kuti muone zomwe aikapo.
KODI INGAKUTHANDIZENI BWANJI? Mungathe kugwiritsa ntchito Laibulale ya JW pophunzira Baibulo panokha komanso pamisonkhano yampingo. Ndi yothandizanso kwambiri mu utumiki makamaka polalikira mwamwayi ngakhale kwa anthu omwe safuna kuwalalikira.
Mwina Mungakondenso Kudziwa Izi
NTCHITO YOLALIKIRA
Webusaiti ya JW.ORG Ikuthandiza Anthu Kumva Uthenga wa M’Baibulo
A Mboni za Yehova, ana ndi akulu omwe, akusangalala kugwiritsa ntchito webusaiti yawo yomwe ndi yosavuta kugwiritsa ntchito pouza anthu ambirimbiri uthenga wabwino wa Ufumu wa Mulungu.
ZOKUTHANDIZANI ZA PA INTANETI
JW Library
Werengani ndi kuphunzira Baibulo pogwiritsa ntchito Baibulo la Dziko Latsopano. Yerekezerani zimene Mabaibulo ena amanena.
