Mukhoza kumaganiza kuti mudzakhala wachinyamata mpaka kalekale ndiponso kuti simudzakumana ndi mavuto amene amabwera chifukwa chokalamba. (Mlal. 12:1) Ngati ndinu wachinyamata, kodi mumaona kuti muli ndi nthawi yambiri moti mukhoza kudikira kaye musanakwaniritse zolinga zanu potumikira Yehova?

Kumbukirani kuti “zinthu zosayembekezereka zimagwera” tonsefe, kuphatikizapo achinyamata. (Mlal. 9:11) Komanso “simukudziwa kuti moyo wanu udzakhala wotani mawa.” (Yak. 4:14) Choncho musachedwe kukwaniritsa zolinga zanu potumikira Yehova popanda zifukwa zomveka. Lowani ‘pakhomo lalikulu la mwayi wautumiki’ lidakali lotseguka. (1 Akor. 16:9) Mukachita zimenezi, simudzanong’oneza bondo ngakhale pang’ono.

• Kuphunzira chinenero china kuti muzilalikira anthu achinenerocho

• Kuchita upainiya

• Kupita kusukulu yophunzitsa Baibulo

• Kugwira nawo ntchito zomangamanga

• Kutumikira pa Beteli

• Kukhala woyang’anira dera