Mapemphero ovomerezeka ali ngati zofukiza zonunkhira zomwe zinkafukizidwa nthawi ndi nthawi pamaso pa Yehova ku kachisi. (Sl 141:2) Tikamauza Atate wathu akumwamba m’pemphero kuti timawakonda komanso kuwayamikira, kuwauza zimene zikutidetsa nkhawa komanso zimene tikufuna ndiponso kuwapempha kuti azititsogolera, timasonyeza kuti timaona kuti ubwenzi wathu ndi iwowo ndi wamtengo wapatali. Yehova amaona kuti mapemphero apagulu achidule amene amaperekedwa pa misonkhano yathu ndi mbali yofunika pa kulambira kwathu. Komabe, Yehova ayenera kuti amasangalala kwambiri ngati, pamene tikupemphera patokha, timamuuza zonse za mumtima mwathu komanso kwa kanthawi ndithu.​—Miy 15:8.

ONERANI VIDIYO YAKUTI NDIMAKONDA KUPEMPHERA, KENAKO YANKHANI MAFUNSO OTSATIRAWA:

• Kodi M’bale Johnson wachita ma utumiki osiyanasiyana ati m’gulu la Yehova?

• Kodi pemphero linathandiza bwanji M’bale Johnson kudalira Yehova?

• Kodi mwaphunzira chiyani kuchokera pa zimene zinachitikira m’baleyu?