MOYO WATHU WACHIKHRISTU
Akhristu Oona Amadziwika Chifukwa cha Chikondi—Muzisangalala ndi Choonadi
KODI ZIMENEZI N’ZOFUNIKA BWANJI? Potengera chitsanzo cha Yesu, tiyenera kumayesetsa kuchitira umboni choonadi chokhudza zolinga za Mulungu. (Yoh. 18:37) Tiyeneranso kumasangalala ndi choonadi, kulankhula zoona komanso kupitirizabe kuganizira zinthu zilizonse zoona ngakhale kuti tikukhala m’dziko limene anthu ambiri ndi achinyengo komanso opanda chilungamo.—1 Akor. 13:6; Afil. 4:8.
KODI TINGACHITE BWANJI ZIMENEZI?
-
Tisamamvetsere kapena kufalitsa nkhani zamiseche.—1 Ates. 4:11
-
Tisamasangalale anthu ena akakumana ndi mavuto
-
Tizisangalala ndi zinthu zabwino komanso zolimbikitsa
ONERANI VIDIYO YAKUTI ‘MUZIKONDANA’—MUZISANGALALA NDI CHOONADI, OSATI NDI ZOSALUNGAMA, KENAKO YANKHANI MAFUNSO OTSATIRAWA:
-
Kodi Debbie anasonyeza bwanji kuti ‘ankasangalala ndi zosalungama’?
-
Kodi Alice anasintha bwanji nkhani imene Debbie ankakamba n’kuyamba kukambirana zolimbikitsa?
-
Kodi ndi zinthu zina ziti zolimbikitsa zimene tingakambirane?
Muzisangalala ndi choonadi, osati ndi zosalungama