KODI ZINANGOCHITIKA ZOKHA?
Mapiko a Gulugufe Ndi Odabwitsa Zedi
POFUNA kuthandiza anthu kuti asamangodalira mafuta, asayansi akufuna kupeza njira zina zoti azipanga mphamvu za magetsi kuchokera kudzuwa. Wasayansi wina ananena kuti: “Pali njira yosavuta imene ingatithandize kuchita zimenezi. Tingathe kutengera zimene mapiko a agulugufe amachita.”
Timamba tomwe timakhala pamapiko a gulugufe tili ndi timabowo tooneka ngati timabowo ta chisa cha njuchi
Taganizirani izi: Pa nthawi yozizira agulugufe amatambasula mapiko awo n’kudziyanika padzuwa. Amachita zimenezi pofuna kuti azimva kutentha. Pali agulugufe a mtundu winawake amene mapiko awo amakoka komanso kusunga mphamvu yambiri ya dzuwa. Chimene chimathandiza kwambiri agulugufewa n’choti mapiko awo ali ndi mbali ina yakuda komanso m’mapikomo mumakhala timamba tosanjikizana. Timambati tili ndi tinthu tooneka ngati timabowo ta zisa za njuchi. Pakati pa tinthuti pamakhala timizire tooneka ngati V ndipo n’timene timachititsa kuti kutentha kwa dzuwa kudzilowa m’timabowoto. Zimenezi zimapangitsa kuti mapikowa azikhalabe akuda komanso kuti gulugufe azimva kutentha.
Magazini ina inanena kuti: “Ngakhale kuti mapiko a gulugufe ndi osalimba, asayansi ambiri akuganiza kuti kuona zimene mapikowa amachita kungawathandize kutulukira njira zina zopangira mphamvu za magetsi zambiri kuchokera ku madzi komanso dzuwa.” (Science Daily) Potengera mapiko a gulugufe, asayansi akuonanso kuti akhoza kupanga zipangizo zothandizira kuona komanso zopangira mphamvu za magetsi kuchokera ku dzuwa.
Kodi inuyo mukuganiza bwanji? Kodi zinangochitika zokha kuti agulugufewa akhale ndi mapiko otere, kapena pali winawake amene anawapanga?
Mwina Mungakondenso Kudziwa Izi
GALAMUKANI!
Agulugufe Ochita Zinthu Mogometsa
Kwa nthawi yaitali anthu ambiri a ku Ulaya akhala akuchita chidwi kwambiri ndi agulugufe enaake. Akatswiri ofufuza apeza zimene agulugufewa amachita nyengo yozizira ikamayamba.
KODI ZINANGOCHITIKA ZOKHA?
Luso la Agulugufe a Monarch Loyenda Ulendo Wautali—Kodi Zinangochitika Zokha?
Kodi luso la agulugufe a monarch loyenda ulendo wovuta komanso wautali kwambiri limasonyeza kuti anachita kulengedwa?
KODI ZINANGOCHITIKA ZOKHA?
Mbalame za Nthenga Zosasintha Mtundu
Kodi zimene zimachitika ndi nthenga za mbalamezi zithandiza bwanji akatswiri kupanga penti komanso zovala zosasuluka?
GALAMUKANI!
Tizipatso Tokongola Kwambiri ta Buluu
Tizipatso ta Pollia tilibe madzi alionse a buluu mkati mwake, koma timaoneka ta buluu wowala kwambiri ndipo palibenso zomera zina zomwe zimaoneka choncho. Kodi n’chiyani chimachititsa kuti tizipatsoti tizioneka motere?
GALAMUKANI!
Ubweya wa Katumbu
Nyama zambiri zam’madzi zimakhala ndi mafuta ambiri pansi pa khungu lake, omwe amathandiza kuti zizimva kutentha. Koma katumbu ali ndi ubweya wambiri womwe umamuthandiza kuti azimva kutentha.
