Masiku ano anthu aulemu akusowa, ndipo ena amachita kudabwa akaona wina akuchita zinthu mwaulemu.

Mwachitsanzo, anthu ambiri sasonyeza ulemu kwa anzawo, makolo awo, achikulire ngakhalenso kwa apolisi, mabwana awo ndi aphunzitsi. Kuwonjezera pamenepo, anthu amalemba komanso kulankhula mawu achipongwe okhudza anthu ena pa intaneti. Nkhani ina imene inalembedwa m’magazini inayake (Harvard Business Review) inanena kuti “n’zoonadi kuti anthu ambiri” ndi opanda ulemu. Inanenanso kuti anthu “akupereka malipoti oti ena awachitira zinthu zamwano ndipo akhala akupereka malipoti amenewa kwa kanthawi ndithu tsopano.”