Tikamawerenga Baibulo, tingathe kugwiritsa ntchito zinthu zothandiza pophunzira zosiyanasiyana kuti timvetse zomwe tikuwerengazo. Komabe timafunika kufufuza zambiri. Timafuna kupeza mfundo zothandiza zokhudza makhalidwe a Yehova zomwe zingachititse kuti tizimukonda kwambiri. Kuti tichite zimenezi, tiyenera kumadzifunsa kuti: ‘Kodi zimene ndikuwerenga m’Baibulozi, zikundiphunzitsa chiyani zokhudza Yehova?’

Tingathe kufufuza umboni wosonyeza kuti Yehova ndi wachikondi, wanzeru, wachilungamo komanso wamphamvu, omwe ndi makhalidwe ake akuluakulu. Komabe Yehova ali ndi makhalidwe ena ambiri kuwonjezera pa amenewa. Kodi mungapeze kuti mfundo zokhudza makhalidwe ake?

Mungapeze makhalidwe enanso oposa 50, mu Watch Tower Publications Index pamutu wakuti “Jehovah,” ndipo kenako pakamutu kakuti “Qualities by Name.” Muzifufuza makhalidwe amene akugwirizana ndi nkhani ya m’Baibulo yomwe mukuwerenga. (Ngati ndi Buku la Mboni za Yehova Lofufuzira Nkhani lokha lomwe mungalipeze, pitani pamutu wakuti “Yehova Mulungu,” kenako pakamutu kakuti “Makhalidwe a Yehova.”)