Kuyankha Mafunso a M’Baibulo
Kodi mungatani kuti mukhale makolo abwino?
Kodi mumaphunzitsa ana anu kuti azikonda Mulungu?
Makolo akamakondana komanso kulemekezana, ana awo amakula bwino. (Akolose 3:14, 19) Makolo abwino amakonda ana awo komanso amawayamikira ngati mmene Yehova ankachitira ndi Mwana wake.—Werengani Mateyu 3:17.
Yehova, yemwe ndi Atate wakumwamba, amamvetsera atumiki ake ndipo amamvetsa mavuto awo. Inunso muyenera kutengera chitsanzo chake. Ana anu akamakuuzani zinazake, muyenera kumvetsera ngakhale mutakhala kuti simukugwirizana ndi zimene akunenazo. (Yakobo 1:19) Muyeneranso kuyesetsa kuti muzimvetsa mmene ana anuwo akumvera.—Werengani Numeri 11:11, 15.
Mungatani kuti ana anu akule bwino?
Makolonu muli ndi udindo wopatsa ana anu malamulo oti azitsatira. (Aefeso 6:1) Pa nkhani imeneyinso muyenera kutengera chitsanzo cha Yehova. Yehova amatikonda ndipo amatipatsa malamulo omveka bwino. Amatiuzanso zimene zingachitike tikapanda kutsatira malamulowo. (Genesis 3:3) Yehova satikakamiza kutsatira malamulo ake. Koma amatiuza kuti tikatsatira malamulowo, zinthu zidzatiyendera bwino.—Werengani Yesaya 48:18, 19.
Muziyesetsa kuthandiza ana anu kuti azikonda Mulungu. Zimenezi zingawathandize kuti azichita zabwino ngakhale inuyo kulibe. Mulungu amatiphunzitsa potipatsa chitsanzo. Nanunso muzisonyeza chitsanzo chabwino kuti ana anu aziphunzira mosavuta.—Werengani Deuteronomo 6:5-7; Aefeso 4:32; 5:1.
Mwina Mungakondenso Kudziwa Izi
ANTHU OKWATIRANA KOMANSO MABANJA
Zimene Mungachite Kuti Mukhale Bambo Wabwino
Zimene mukuchita panopa monga mwamuna zimasonyeza kuti mudzakhala bambo wotani mwana wanu akadzabadwa.
BANJA LANU LIKHOZA KUKHALA LOSANGALALA
Zimene Mungachite Pophunzitsa Mwana Wanu
Muyenera kuthandiza ana kumvetsa malamulo anu komanso zifukwa zimene mumawalangira.
NSANJA YA OLONDA
Kuphunzitsa Ana Kuti Adzathe Kudziimira Paokha
GALAMUKANI!
Kodi Malangizo Abwino Olerera Ana Mungawapeze Kuti?
Mfundo 5 za m’Baibulo zothandiza makolo kulera bwino ana awo.
