KHALANI MASO
Anthu Ayamba Kusiya Kukhulupirira Andale—Kodi Baibulo Limanena Zotani?
M’mayiko osiyanasiyana padziko lonse, muchitika zisankho m’chaka cha 2024. Komabe, anthu ambiri ayamba kusiya kukhulupirira anthu andale.
Anthu ambiri a ku America omwe anayankha nawo mafunso pa kafukufuku wina ananena kuti “andale ambiri amafuna kukhala pa udindo ndi zolinga zadyera” m’malo modzipereka kuti athandize anthu onse.” a—Pew Research Center, September 19, 2023.
Achinyamata ambiri asiya kukhulupirira anthu andale.
“Masiku ano achinyamata amakonda kudera nkhawa kwambiri zopeza njira zothetsera mavuto, koma akafunsidwa mafunso pa kafukufuku wokhudza zandale akumayankha kuti andale sakutha kupeza njira zothetsera mavuto.”—The New York Times, January 29, 2024.
“Kafukufuku wina akusonyeza kuti achinyamata akumakhulupirira anthu amene akumaposita mavidiyo pa intaneti kuposa mmene amakhulupirira andale.”—The Korea Times, January 22, 2024.
Kodi tiyenera kukhulupirira kuti andale angathe kukonza zinthu kuti tsogolo lathu likhale labwino? Kodi tiyenera kukhulupirira ndani?
Muzisamala ndi anthu omwe mumawakhulupirira
Ndi bwino kuti anthu azisamala ndi anthu omwe amawakhulupirira. Baibulo limanena kuti “munthu amene sadziwa zambiri amakhulupirira mawu alionse, koma wochenjera amaganizira zotsatira za zimene akufuna kuchita.”—Miyambo 14:15.
Kuti mudziwe mfundo zimene zingakuthandizeni kuzindikira ngati uthenga umene mwalandira uli wolondola kapena ayi, werengani nkhani yakuti “Samalani Kuti Musamapusitsike Ndi Nkhani Zabodza.”
Komanso, ngakhale andale ataoneka kuti ndi oona mtima komanso ali ndi zolinga zabwino, sangakwanitse kuchita zonse zimene akufuna. N’chifukwa chake Baibulo limatichenjeza kuti:
“Musamakhulupirire anthu olemekezeka kapena mwana wa munthu amene sangabweretse chipulumutso.”—Salimo 146:3.
Mtsogoleri yemwe mungamukhulupirire
Baibulo limafotokoza kuti Mulungu wasankha mtsogoleri wodalirika kwambiri, Yesu Khristu. (Luka 1:32, 33) Yesu ndi Mfumu ya Ufumu wa Mulungu, womwe ndi boma lomwe likulamulira kumwamba.—Mateyu 6:10.
Onani chifukwa chake muyenera kukhulupirira Yesu komanso zimene adzachite kuti athetse mavuto amene tikukumana nawo. Werengani nkhani yakuti “Kodi Mfumu ya Ufumu wa Mulungu Ndi Ndani?” ndi yakuti “Kodi Ufumu wa Mulungu Udzachita Chiyani?”
a Pew Research Center, “Americans’ Dismal Views of the Nation’s Politics,” September 2023.
Mwina Mungakondenso Kudziwa Izi
NKHANI ZINA
Kodi Katangale Adzatha M’Boma?
Onani zifukwa zitatu zomwe zikutitsimikizira za boma linalake lapadera kuti silidzachita zachinyengo.
NKHANI ZINA
Tiziyembekezera Kuti Zinthu Zidzakhala Bwino M’tsogolo
N’chifukwa chiyani tinganene kuti malonjezo a m’Baibulo ndi osiyana ndi malonjezo komanso maganizo a anthu?
MFUNDO ZOFUNIKA ZA M'BAIBULO
Kodi Ufumu wa Mulungu N’chiyani?
Ali padziko lapansi, Yesu anafotokoza kwambiri za Ufumu wa Mulungu kuposa nkhani ina iliyonse. Kwa zaka zambiri otsatira ake akhala akupempherera Ufumu umenewu kuti ubwere.
KUYANKHA MAFUNSO A M’BAIBULO
Kodi Zidzatheka Bwanji Kuti Padziko Lonse Lapansi Padzakhale Mtendere?
Werengani nkhaniyi kuti mudziwe zimene Mulungu walonjeza zoti Ufumu wake udzabweretsa mtendere padziko lapansili.
MFUNDO ZOFUNIKA ZA M'BAIBULO
Kodi Tingadziwe Bwanji Kuti Baibulo Limanena Zoona?
Ngati Baibulo linachokeradi kwa Mulungu, ndiye kuti liyenera kukhala losiyana kwambiri ndi mabuku ena onse.
ZOKHUDZA IFEYO
Pemphani Kuti Tidzakuyendereni
Mutha kukhala ndi mwayi wokambirana nkhani inayake ya m’Baibulo kapena kudziwa zambiri zokhudza Mboni za Yehova.
