KHALANI MASO
N’chifukwa Chiyani Ndale Zimagawanitsa Kwambiri Anthu?—Kodi Baibulo Limanena Zotani?
Padziko lonse, anthu ambiri sagwirizana pa nkhani za ndale. Bungwe la Pew Research Center linachita kafukufuku mu 2022 m’mayiko 19, ndipo linapeza kuti “65 peresenti ya akuluakulu m’mayikowa ananena kuti pamakhala kutsutsana kwambiri pakati pa anthu amene amatsatira zipani zosiyana.”
Kodi mwaona kuti m’dera limene mukukhala anthu akugawanika kwambiri chifukwa chosiyana pa nkhani za ndale? N’chifukwa chiyani zili choncho? Kodi pali njira yothetsera vutoli? Taonani zimene Baibulo limanena.
Zimene zimapangitsa anthu kugawanika
Baibulo linaneneratu kuti m’nthawi yathu ino, yomwe imatchedwa kuti “masiku otsiriza” anthu ambiri adzakhala ndi makhalidwe omwe azidzawapangitsa kuti asamagwirizane.
“Masiku otsiriza adzakhala nthawi yapadera komanso yovuta. Pakuti anthu adzakhala odzikonda, . . . osafuna kugwirizana ndi anzawo.”—2 Timoteyo 3:1-3.
Ngakhale kuti anthu ambiri amachita khama kuthandizira maboma kuti aziyenda bwino, komabe zimenezi sizimatheka. Zimakhala zovuta kwa anthu amene ali ndi maganizo osiyana kuti agwire ntchito limodzi ndi anzawo pothetsa mavuto ndipo nthawi zina sizitheka n’komwe. Ndiye zotsatirapo zake zimapereka umboni wa zimene Baibulo linaneneratu kalekale.
“Munthu wapweteka munthu mnzake pomulamulira.”—Mlaliki 8:9.
Komabe Baibulo linaneneratu njira yothetsera vutoli. Pali boma lolamuliridwa ndi winawake amene adzachotse mavuto onse omwe amapangitsa anthu kuti azivutika.
Mtsogoleri woyenerera yemwe amasamala za anthu
Baibulo limanena kuti mtsogoleri woyenerera yemwe angathetseretu mavuto onse ndi Yesu Khristu. Iye ali ndi mphamvu, ulamuliro komanso ndi wofunitsitsa kubweretsa mgwirizano ndi mtendere kwa anthu onse.
“M’masiku ake, wolungama adzaphuka, ndipo padzakhala mtendere wochuluka.”—Salimo 72:7.
“Mitundu yonse ya anthu idzamutumikira.”—Salimo 72:11.
Yesu ndi mtsogoleri wabwino ndipo amasamala za anthu komanso akufuna kuwathandiza, makamaka omwe akuchitiridwa zinthu zopanda chilungamo.
“Adzalanditsa wosauka amene akufuula popempha thandizo, wosautsika ndi aliyense wopanda womuthandiza. Adzamvera chisoni munthu wonyozeka ndi wosauka, ndipo adzapulumutsa miyoyo ya anthu osauka. Adzawombola miyoyo yawo ku chipsinjo ndi chiwawa.”—Salimo 72:12-14.
Dziwani zambiri zokhudza Ufumu wa Mulungu lomwe ndi boma la kumwamba lotsogoleredwa ndi Yesu. Dziwani zimene mungachite kuti mupeze madalitso komanso mmene mungathandizire Ufumu wake.
Onerani vidiyo yakuti, Kodi Ufumu wa Mulungu N’chiyani?
Werengani nkhani yakuti, “Ufumu wa Mulungu Ndi Boma Lopanda Chinyengo.”
Mwina Mungakondenso Kudziwa Izi
KUYANKHA MAFUNSO A M’BAIBULO
Kodi Baibulo Linaneneratu za Mmene Anthu Adzidzaganizira ndi Kuchitira Zinthu Masiku Ano?
Baibulo linaneneratu kuti anthu adzasintha n’kuyamba kukhala ndi makhalidwe oipa.
KUYANKHA MAFUNSO A M’BAIBULO
Kodi Chizindikiro cha “Masiku Otsiriza” Kapena Kuti Nthawi “ya Mapeto” N’chiyani?
Baibulo linaneneratu zinthu zambiri zomwe zidzachitika pa nthawi yofanana pokwaniritsa chizindikiro cha masiku otsiriza.
NKHANI ZINA
Kodi Katangale Adzatha M’Boma?
Onani zifukwa zitatu zomwe zikutitsimikizira za boma linalake lapadera kuti silidzachita zachinyengo.
Mfundo Zofunika za M'Baibulo—Mavidiyo
Ufumu wa Mulungu Unayamba Kulamulira mu 1914
Zaka zoposa 2,500 zapitazo, Mulungu anapatsa mfumu yamphamvu loto lonena za ulosi umene ukukwaniritsidwa panopa.
NSANJA YA OLONDA
Kodi Mfumu ya Ufumu wa Mulungu Ndi Ndani?
Anthu ambiri amene analemba mabuku a m’Baibulo anafotokoza zinthu zokhudza munthu amene adzakhale Mfumu ya Ufumu wa Mulungu. Koma pali munthu mmodzi yekha yemwe anasonyeza kuti anthuwo ankanena za iyeyo.
ZOKHUDZA IFEYO
Pemphani Kuti Tidzakuyendereni
Mutha kukhala ndi mwayi wokambirana nkhani inayake ya m’Baibulo kapena kudziwa zambiri zokhudza Mboni za Yehova.
