NYIMBO 75
“Ine Ndilipo! Nditumizeni”
-
1. Anthu ena amanyoza
Dzina loyera la M’lungu.
Amati ali ndi nkhanza
Kapena kulibe M‘lungu.
Ndani akaliyeretse
Dzina la Yehova M’lungu?
(KOLASI 1)
‘Ndilipo! Nditumizeni.
Ndikawauza za inu.
Uwu ndi mwayi waukulu.
Ine nditumizeni.’
-
2. Ena samaopa M’lungu
Akumati akuchedwa.
Ena samamulambira
Amakonda Kaisara.
Ndani akawachenjeze
Za nkhondo ya M’lungu wathu?
(KOLASI 2)
‘Ndilipo! Nditumizeni.
Ine ndikawachenjeza.
Uwu ndi mwayi waukulu.
Ine nditumizeni!’
-
3. Anthu akudandaula,
Zoipa zikuchuluka.
Iwo akufunitsitsa
Atadziwa choonadi.
Ndani akawatonthoze?
Ndani akawathandize?
(KOLASI 3)
‘Ndilipo! Nditumizeni.
Ndikaphunzitse ofatsa.
Uwu ndi mwayi waukulu.
Ine nditumizeni.’
(Onaninso Sal. 10:4; Ezek. 9:4.)
