Kodi Munthu Atafuna Angasiye Kukhala wa Mboni za Yehova?
Ee. Munthu akhoza kusiya kukhala wa Mboni pogwiritsa ntchito njira ziwiri izi:
Kupempha. Munthu akhoza kulemba kalata kapena kungonena kuti sakufunanso kukhala wa Mboni za Yehova.
Zochita zake. Munthu angachite zinazake zomwe zingachititse kuti asakhalenso m’gulu lathu. (1 Petulo 5:9) Mwachitsanzo, munthuyo angalowe m’chipembedzo china n’kusonyeza kuti akufuna kupitiriza kukhala m’chipembedzocho.—1 Yohane 2:19.
Nanga bwanji ngati munthu wasiya kulalikira kapena kupita kumisonkhano yanu? Kodi mumamuona kuti wasiya kukhala wa Mboni?
Ayi, si choncho. Kusankha kusiya kukhala wa Mboni za Yehova n’kosiyana kwambiri ndi kungofooka. Nthawi zambiri, anthu amene asiya kupita kumisonkhano kapena kulalikira sikuti amakhala kuti akufuna kusiya kukhala a Mboni. Amakhala kuti angofooka chifukwa chokhumudwa ndi zinazake. Choncho timayesetsa kulimbikitsa ndiponso kuthandiza anthu oterewa. (1 Atesalonika 5:14; Yuda 22) Ngati munthu wotereyu akufuna kuthandizidwa, akulu amumpingo amamuthandiza mwauzimu.—Agalatiya 6:1; 1 Petulo 5:1-3.
Komabe udindo wa akulu si kukakamiza munthu kuti akhalebe wa Mboni za Yehova. Aliyense amasankha yekha pa nkhani ya chipembedzo. (Yoswa 24:15) Timakhulupirira kuti anthu ayenera kulambira Mulungu mwa kufuna kwawo komanso kuchokera mumtima.—Salimo 110:3; Mateyu 22:37.
Mwina Mungakondenso Kudziwa Izi
Mavidiyo Othandiza Muutumiki
Kodi a Mboni za Yehova ndi Anthu Otani?
Anthu ambiri amafuna atadziwa kuti a Mboni za Yehova ndi anthu otani. Onerani vidiyoyi kuti akuuzeni okha zimene amakhulupirira.
MAFUNSO OFUNSIDWA KAWIRIKAWIRI
Kodi a Mboni za Yehova Amapewa Anthu Amene Anatuluka M’chipembedzochi?
Nthawi zina zimakhala zoyenerera kuti munthu achotsedwe mumpingo ndipo zimenezi zimathandiza kuti munthuyo asinthe n’kubwereranso mumpingo.
KUYANKHA MAFUNSO A M’BAIBULO
Kodi Pali Vuto Ngati Munthu Atakhala Kuti Sali M’chipembedzo Chilichonse?
Kodi munthu angamalambire Mulungu payekha?
MAFUNSO OFUNSIDWA KAWIRIKAWIRI
Kodi a Mboni Amafuna Kuti Ndikamaphunzira Nawo Baibulo Nanenso Ndikhale wa Mboni?
A Mboni za Yehova akuphunzira Baibulo ndi anthu mamiliyoni ambiri padziko lonse kwaulere. Koma kodi mukamaphunzira Baibulo ndi ife ndiye kuti nanunso mukhala wa Mboni?
ZOKHUDZA IFEYO
Fikani Pamsonkhano
Dziwani zambiri zokhudza misonkhano yathu. Pezani malo apafupi amene kumachitikira misonkhano yathu.