Kodi a Mboni Amafuna Kuti Ndikamaphunzira Nawo Baibulo Nanenso Ndikhale wa Mboni?
Ayi, imeneyi si nkhani yokakamiza ngakhale pang’ono. Anthu ambiri amasangalala kuphunzira nafe Baibulo osati ndi cholinga choti alowe mpingo wathu. a Timaphunzira Baibulo ndi anthu pofuna kuwauzako zimene Baibulo limaphunzitsa. Inuyo mumasankha nokha kugwiritsa ntchito zimene mukuphunzirazo. Timadziwa kuti munthu aliyense ayenera kusankha yekha kuti azikhulupirira Mulungu kapena ayi.—Yoswa 24:15.
Kodi n’zotheka kumagwiritsa ntchito Baibulo langa pophunzira?
Inde. Muli ndi ufulu wogwiritsa ntchito Baibulo lanu, ngakhale kuti ife timakonda kugwiritsa ntchito Baibulo la Dziko Latsopano la Malemba Opatulika lomwe ndi losavuta kumva ndipo tingathe kukugawirani ngati mutalifuna. Mungathe kupeza uthenga wokhudza chiyembekezo cha anthu komanso wopatsa chipulumutso pafupifupi m’Baibulo lililonse.
Nanga n’chifukwa chiyani mumaphunzira ndi anthu oti sangalowe m’chipembedzo chanu?
-
Chifukwa chachikulu ndi chakuti timakonda Mulungu yemwe amafuna kuti Akhristu aziphunzitsa ena zimene iwo amaphunzira. (Mat. 22:37, 38; 28:19, 20) Choncho ife timaona kuti ndi mwayi waukulu kukhala “antchito anzake a Mulungu” pothandiza anthu kuti adziwe zimene Mawu ake amaphunzitsa.—1 Akorinto 3:6-9.
-
Timachitanso zimenezi chifukwa timakonda anthu. (Mateyu 22:39) Ndipotu timasangalala kwambiri kuuzako ena zinthu zosangalatsa zimene taphunzira.—Machitidwe 20:35.
a Kusonyeza kukula kwa ntchito yathu yophunzitsa anthu Baibulo, mu 2023 tinkaphunzira Baibulo ndi anthu okwana 7,281,212 mwezi uliwonse. Ndipo nthawi zambiri tinkaphunzira ndi anthu ochuluka nthawi imodzi. Koma anthu 269,517 okha ndi amene anabatizidwa n’kukhala a Mboni za Yehova chaka chimenechi.
Mwina Mungakondenso Kudziwa Izi
MAFUNSO OFUNSIDWA KAWIRIKAWIRI
Kodi a Mboni za Yehova Amakhulupirira Zotani?
Werengani nkhaniyi kuti mudziwe mwachidule zinthu 15 zokhudza zikhulupiriro zathu.
ZOKHUDZA IFEYO
Kodi Phunziro la Baibulo Limachitika Bwanji?
A Mboni za Yehova padziko lonse lapansi amadziwika bwino chifukwa cha ntchito yawo yophunzitsa anthu Baibulo kwaulere. Onani mmene amaphunzitsira.
MAFUNSO OFUNSIDWA KAWIRIKAWIRI
Kodi Phunziro la Baibulo lomwe a Mboni za Yehova Amachititsa Limakhala Lotani?
Mukamaphunzira Baibulo kwaulere ndi a Mboni za Yehova, mungagwiritse ntchito Baibulo lililonse limene mukufuna. Mungapemphenso onse a m’banja lanu kapena mnzanu wina aliyense kuti akhale nanu pa phunzirolo.
KUYANKHA MAFUNSO A M’BAIBULO
N’chiyani Chingakuthandizeni Kumvetsa Baibulo?
Kaya ndife anthu otani, tikhoza kumvetsa uthenga wa Mulungu umene uli m’Malemba Opatulika.
ZIMENE BAIBULO LIMAPHUNZITSA
Yambani Kuphunzira Baibulo
Phunzirani Baibulo kwaulere, mochita kukambirana ndi mphunzitsi wanu.