SEPTEMBER 12, 2019
ANGOLA
Misonkhano Yadera Inachitika Kukampu ya Anthu Othawa Kwawo M’zinenero za Chilingala ndi Chitchiluba ku Angola
Pa 25 ndi 26 May, 2019, msonkhano wadera wakuti “Muzichita Zinthu Mwamphamvu” wa m’zinenero za Chilingala ndi Chitchiluba, unachitikira ku kampu ya anthu othawa kwawo ya Lóvua. Kampuyi ili pamtunda wamakilomita 1,022 kuchokera mumzinda wa Luanda womwe ndi likulu la dziko la Angola. Pa nthawi yomwe msonkhanowu unkachitika, ku kampu ya Lóvua kunkakhala ofalitsa 177 pamodzi ndi mabanja awo. Ngakhale zili choncho, anthu okwana 380 anapezeka pa msonkhano wa Chilingala ndipo anthu atatu anabatizidwa. Pamsonkhano wa Chitchiluba panapezeka anthu 630 ndipo anthu 6 anabatizidwa.
Abale ambiri omwe ali ku kampu ya Lóvua anathawa kwawo chifukwa cha zachiwawa zomwe zinkachitika ku Democratic Republic of the Congo. Abale athu ku Lóvua sangakwanitse kupita m’mizinda ina kuti akachite misonkhano chifukwa choti anthu omwe amakhala ku kampu amaletsedwa kupita m’madera ena. Choncho, ofesi ya nthambi inakonza zoti misonkhano ichitikire ku kampuyi ndiponso inamanga Nyumba za Ufumu ziwiri zongoyembekera. Mipingo 4 ndi imene imachitira misonkhano m’Nyumba za Ufumu zimenezi, itatu ya Chitchiluba komanso umodzi wa Chilingala.
Pa 24 May, 2019, woyang’anira dera limodzi ndi woimira ofesi ya nthambi anapita ku kampu ya Lóvua kuti akathandize kulumikiza zokuzira mawu komanso zinthu zogwiritsa ntchito ku pulatifomu. Ngakhale kuti abale athu akukumana ndi mavuto chifukwa chothawa kwawo, abalewa anathandiza popereka zinthu monga malona, mitengo, chingwe, misomali ndi zinthu zina zomwe zinkafunikira.
Msonkhanowu utatha, a Honoré Lontongo omwe ndi mtumiki wothandiza mumpingo wina wa Chitchiluba ku kampu ya anthu othawa kwawo anati: “Kuona misonkhanoyi ikuchitikira mu kampu ya anthu othawa kwawo ngakhale tikukhala movutikira, zikutithandiza kudziwa kuti Yehova amatikonda osati monga gulu basi koma aliyense payekha. Ndasangalala kwambiri!”
Tipitiriza kupempherera abale athu omwe anathawa kwawo chifukwa cha mavuto a zandale amene akuchitika padzikoli. Tikudziwa kuti Yehova apitiriza kupereka chakudya chauzimu komanso zinthu zofunika kwa abale athu kulikonse komwe ali.—Aroma 8:38, 39.
Abale akumanga pulatifomu komanso kulumikiza zokuzira mawu
Anthu omwe akuyembekezera kubatizidwa aimirira kuti ayankhe mafunso aubatizo pamsonkhano wadera wa Chitchiluba
Abale ndi alongo olankhula Chilingala akupita kumtsinje womwe uli pamtunda wamakilomita awiri kuchokera ku kampu kuti akaonerere ubatizo
M’bale Johannes De Jager wa m’Komiti ya Nthambi, ali limodzi ndi abale ndi alongo olankhula Chilingala msonkhanowu utatha
Mwina Mungakondenso Kudziwa Izi
NKHANI
Mmene Zinthu Zilili Panopa ku Venezuela: Ntchito ya a Mboni za Yehova Ikupitabe Patsogolo Ngakhale Kuti Mavuto Sakutha
Ngakhale kuti zinthu zafika poipa, a Mboni za Yehova ku Venezuela akupitiriza kugwira ntchito yolalikira molimba mtima.
NKHANI
A Mboni za Yehova Anapereka Chithandizo kwa Anthu Othawa Nkhondo ku Congo
A Mboni za Yehova akupereka chithandizo kwa Akhristu anzawo komanso anthu ena omwe anathawa nkhondo m’chigawo cha Kasai ku Democratic Republic of the Congo.
NSANJA YA OLONDA (YOPHUNZIRA)
Msonkhano Umene Unachitika mu Msasa wa Anthu Othawa Kwawo Unapatsa Chiyembekezo Anthu Otaya Mtima
BUKU LAPACHAKA LA MBONI ZA YEHOVA LA 2014
Tinkafunitsitsa Kutumikira Yehova
Philip Tengbeh ndi mkazi wake anathawa kuti asaphedwe pamene zigawenga anabwera mumzinda wa Koindu kumene ankakhala. Iwo anathandiza kumanga Nyumba za Ufumu zokwana 5 pamene ankakhala m’makampu a anthu othawa kwawo.