OCTOBER 14, 2019
ARGENTINA
Mmene Ntchito Yomanga Ofesi ya Nthambi Ikuyendera ku Argentina
Chithunzi cha ofesi ya nthambi yatsopano ku Argentina chomwe chinajambulidwa dzuwa likulowa
Patha chaka ndi miyezi kuchokera pamene ntchito yomanga ofesi ya nthambi ku Argentina inayamba ndipo panopa ntchitoyi yatsala pang’ono kutha. Ofesi ya nthambi yatsopanoyi ili ndi nyumba zitatu. Nyumba imodzi ili ndi maofesi pomwe nyumba ziwiri ndi zokhalamo anthu, ndipo malowa kukula kwake ndi mamita 8,524 mbali zonse. Ntchito yomangayi ikuyembekezeka kudzatha mu July 2020.
Ndife osangalala ndi mmene ntchito yomanga ofesi ya nthambi yatsopano ku Argentina ikuyendera. Tikupemphera kuti Yehova apitirize kudalitsa ntchitoyi.—Deuteronomo 28:8.
Mu April 2019: Kaonekedwe ka maofesi. Zipilala zomwe zikuonekazo zikuyambira pansi pa nyumbayi ndipo zifika m’mwamba. Zimenezi zidzathandiza kuti nyumbayi idzakhale yolimba kwambiri
Mu June 2019: Wogwira ntchito yomanga wakwera pamwamba ndipo akumangirira chikombole chomwe adzathiremo konkire yopangira zipilala za Nyumba Yogona A
Mu July 2019: Ogwira ntchito yomanga akuika zitsulo zothiramo konkire komanso mawaya a magetsi pansi pa nsanjika yachitatu ya maofesi
Mu July 2019: Ogwira ntchito akuthira konkire pansi pa nsanjika yachiwiri ya Nyumba Yogona A. Nyumbayi idzakhala ya nsanjika 5 ndiponso khonde
Mu July 2019: Kaonekedwe ka malo oimika magalimoto m’galaja. Pansi pazidzakhala magalimoto 72 ndipo pamwamba pazidzakhalanso magalimoto 72
Mu August 2019: Nyumba Yogona A ndi B zikuoneka chakumanzere ndipo maofesi ali chakutsogoloko kumbuyo kwa namatcheni
Mwina Mungakondenso Kudziwa Izi
NTCHITO ZOMANGAMANGA
Zithunzi Zosonyeza Ntchito Yomanga ku Britain—Gawo 7 (Kuyambira mu September 2018 Mpaka mu February 2019)
Onani mmene ntchito yamanga ofesi ya nthambi yatsopano ya Mboni za Yehova inayendera ku Chelmsford m’dziko la Britain.
