JULY 21, 2014
AUSTRIA
A Mboni za Yehova Analandira Ulemu Pamwambo Wokumbukira Anthu Amene Anazunzidwa M’ndende ya Gusen
SELTERS, Germany—Lamlungu, pa April 13, 2014, pamwambo wokumbukira anthu amene anazunzidwa m’ndende ya Gusen ku Austria, anaika chipilala pokumbukira anthu 450 a Mboni za Yehova amene anamangidwa mu ulamuliro wa chipani cha Nazi kundende ya Mauthausen ndi ya Gusen. Alendo oposa 130 anapezeka pamwambowu.
Mwambo woika chipilala chokumbukira anthu amene anazunzidwa m’ndende ya Gusen womwe unachitika pa April 13, 2014.
A Mboni atafika kundende ya Mauthausen, msilikali woyang’anira ndendeyo anawaopseza kuti: “Palibe wa Mboni amene atuluke muno wamoyo.” Martin Poetzinger, yemwe anapulumuka pambuyo pokhala zaka 9 m’ndende za Dachau, Mauthausen, ndi Gusen yemwe kenako anadzakhala membala wa Bungwe Lolamulira la Mboni za Yehova ku Brooklyn, mumzinda wa New York, ananena zimene zinamuchitikira ali kundende ya Mauthausen. Iye anati: “Asilikali anachita zonse zimene akanatha pofuna kuwononga chikhulupiriro chathu.””
May 1945: Ndende ya Gusen. Martin Poetzinger (wakhala mzere wakutsogolo, wachiwiri kuchokera kumanzere) limodzi ndi anthu ena 23 omwe anapulumuka n’kutulutsidwa m’ndende.
Patapita nthawi, a Mboni ena amene anali kundende ya Mauthausen anasamutsidwira kundende ya Gusen. Cholinga cha ndendeyi kunali kupherako anthu moti tsiku ndi tsiku anthu ankaphedwa. A Mboni ankakumana m’timagulu usiku kuti akambirane nkhani za m’Baibulo zimene anaziloweza. Ankachita izi kuti alimbitse chikhulupiriro chawo. Nthawi ina anapeza Baibulo lomwe linagawidwa m’mbali zosiyanasiyana ndipo ankawerenga mosinthanasinthana. Ankabisa Baibuloli pansi pa mabedi awo ndipo ankaliwerenga nthawi iliyonse imene apeza kampata.
A Mboni ankauzanso ena mobisa uthenga wa m’Baibulo. Akaidi 5 a ku Poland anaphunzira Baibulo ndi a Mboni ndipo anabatizidwa mobisa mu kadamu kamatabwa kamene a Mboniwa anakapanga kuti azibatiziramo anthu. Bambo Franz Desch omwenso ndi a Mboni ankaphunzira Baibulo ndi wapolisi ndipo kenako nayenso anakhala wa Mboni za Yehova.
Bambo Wolfram Slupina, womwe amalankhula m’malo mwa a Mboni za Yehova ku Austria, ananena kuti: “Tikuthokoza kwambiri kuti a Mboni akukumbukiridwa chifukwa cha chikhulupiriro komanso kulimba mtima kumene anakusonyeza nthawi imene anali m’ndende za Mauthausen ndi Gusen. Iwo anayesetsa kusonyeza makhalidwe Achikhristu monga chifundo ndi kukoma mtima ngakhale kuti ankazunzidwa. Zimene anachitazi n’zoyeneradi kuzikumbukira komanso kuzitsanzira.
Kuchokera m’mayiko ena:
Lankhulani ndi: J. R. Brown, Office of Public Information, tel. +1 718 560 5000
Austria: Wolfram Slupina, tel. +49 6483 41 3110
Mwina Mungakondenso Kudziwa Izi
NKHANI
Mwambo Wokumbukira Kuti Patha Zaka 70 Kuchokera Pamene Anthu Anatulutsidwa Kundende ya Auschwitz Ndipo Ena Mwa Anthuwa Anali a Mboni
Pa January 27, 2015, anthu ambirimbiri adzapezeka pa mwambo wokumbukira kuti patha zaka 70 kuchokera pamene anthu anatulutsidwa kundende ya Auschwitz yomwe ankazunzirako anthu nthawi ya ulamuliro wa chipani cha Nazi ku German.
NKHANI
Mwambo Wokhazikitsa Chipilala Chokumbukira wa Mboni za Yehova Amene Anapulumuka Nkhanza ku Germany
Kodi n’chiyani chinathandiza Bambo Max Liebster, omwe anali a Mboni za Yehova, kupirira pamene ankazunzidwa kundende 5 zosiyanasiyana?
NKHANI
Bambo Richard Rudolph, Omwe Anapulumuka M’ndende Zozunzirako Anthu ku Germany, Amwalira Ali ndi Zaka 102
Bambo Richard Rudolph, omwe anali a Mboni za Yehova anamangidwa kwa zaka zoposa 19 chifukwa cha chikhulupiriro chawo.
NKHANI
Ku Sachsenhausen Kunachitika Mwambo Wokumbukira wa Mboni za Yehova Yemwe Anaphedwa ndi Chipani cha Nazi
Pa September 16, 2014, Bungwe la Brandenburg Memorials Foundation linachita mwambo wokumbukira kuti patha zaka 75 kuchokera pamene a August Dickmann anaphedwa kundende ya Sachsenhausen. Iwowa anali oyamba kuphedwa anthu ena akuona, pambuyo pa nkhondo yachiwiri ya padziko lonse ndi chipani cha Nazi chifukwa chokana kulowa usilikali potsatira zimene amakhulupirira.