6 FEBRUARY 2024
CUBA
Mabuku a Mateyu ndi Maliko Anatulutsidwa M’chinenero Chamanja cha ku Cuba
Pa 20 January 2024, mabuku a Mateyu ndi Maliko anatulutsidwa m’Chinenero Chamanja cha ku Cuba pamsonkhano wapadera womwe unachitikira ku Malo a Msonkhano a Guanabacoa ku Havana m’dziko la Cuba. Nthawi yomweyo mabukuwa anayamba kupezeka pa jwo.org kuti anthu achite dawunilodi.
M’dziko la Cuba muli anthu a vuto losamva pafupifupi 53,000. Chakumayambiriro kwa chaka cha 1990, ku Cuba kunachitika ntchito yapadera yolalikira kwa anthu a vuto losamva. Mabuku oyamba a Chinenero Chamanja cha ku Cuba anatulutsidwa mu 2011. Panopa m’dziko la Cuba muli abale ndi alongo 756 omwe akutumikira mumipingo 28 ya ndi magulu 10 a Chinenero Chamanja.
Mlongo akuthandiza m’bale wa vuto losamva kuti achite dawunilodi mabuku a m’Baibulo pa foni yake
Aka ndi koyamba kuti mabuku a Mateyu ndi Maliko amasuliridwe m’Chinenero Chamanja cha ku Cuba. Mlongo wina ananena kuti: “Nkhani ya pa Maliko 7:32-37 yofotokoza mmene Yesu anachiritsira munthu wa vuto losamva inamasuliridwa bwino kwambiri moti ineyo ndikuchita kumva ngati Yesu ankachiritsa ineyo. Inandifika pamtima n’saname. Panopa sindingavutike kuganizira mmene moyo udzakhalire m’dziko latsopano. Zikomo kwambiri!”
Tikusangalala limodzi ndi onse omwe analandira mphatso yapaderayi kuchokera kwa Yehova. Ndipo tikukhulupirira kuti anthu ambiri amene amagwiritsa ntchito Chinenero Chamanja cha ku Cuba apitiriza kukonda kwambiri Yehova ndi mtima wawo wonse, moyo wawo wonse, komanso maganizo awo onse.—Maliko 12:30.
Mwina Mungakondenso Kudziwa Izi
MAFUNSO OFUNSIDWA KAWIRIKAWIRI
Kodi a Mboni za Yehova Ali ndi Baibulo Lawolawo?
Kugwiritsira ntchito Mabaibulo osiyanasiyana kungakuthandizeni pophunzira Baibulo. Pali zifukwa zitatu zimene zimapangitsa kuti Baibulo la Dziko Latsopano la Malemba Opatulika likhale labwino kuphunzira.
KODI ZOPEREKA ZANU ZIMAGWIRITSIDWA NTCHITO BWANJI?
Ntchito Yomasulira Buku Lofunika Kwambiri
Pali zinthu zambiri zomwe zimafunikira kuti Baibulo la Dziko Latsopano limasuliridwe komanso kusindikizidwa.
MAFUNSO OFUNSIDWA KAWIRIKAWIRI
Kodi a Mboni za Yehova Amakhulupirira Chipangano Chakale?
Kodi mbali zina za Baibulo ndi zotha ntchito? Werengani nkhaniyi kuti mudziwe mbiri yakale yofunika kwambiri komanso malangizo othandiza amene Akhristu angaphunzire m’Malemba Achiheberi.