23 JANUARY 2024
NKHANI ZA PADZIKO LONSE

“Chilichonsetu Nʼchotheka kwa Munthu Amene Ali Ndi Chikhulupiriro”

YAMBANI

Posachedwapa khoti la m’boma la Nakhimovskiy mumzinda wa Sevastopol lilengeza chigamulo chake, pa mlandu wokhudza M’bale Maksim Zinchenko. Loya woimira boma pamlanduwu akuyembekezereka kunena chilango chimene akufuna kuti M’bale Zinchenko apatsidwe.

Zokhudza M’baleyu

Maksim Zinchenko

Chaka chobadwa:1992 (ku Ukraine)

Mbiri yake: Ankagwira ntchito yowotcherera zitsulo

Analeredwa ndi makolo a Mboni za Yehova. Anabatizidwa mu 2006

Mu 2015 anakwatirana ndi Karina

Zimene Ananena

Ndi mavesi a m’Baibulo ati amene akhala akukuthandizani?

Limodzi mwa malemba amene ndimakonda kwambiri ndi Maliko 9:23 lomwe mbali yake imati: “Chilichonsetu nʼchotheka kwa munthu amene ali ndi chikhulupiriro.” Mawu amanewa amandithandiza kukhala wolimba mtima. Choncho tsiku limene ndikukaonekera m’khoti kapenanso ndikayamba kuda nkhawa, ndimangodzikumbutsa mawu amenewa. Ndimapemphanso Yehova kuti andithandize kukhala wolimba mtima. Nthawi zambiri ndikatuluka m’khoti ndimadabwa kuona zimene Yehova wandithandiza kuchita. Ndimachita kuoneratu chifukwa chimene panopa ndikufunikira kuyesetsa kuyandikira kwambiri Yehova kuposa kale lonse. Sindikukayika kuti ngati Yehova ali nane ndingathe kuthana ndi vuto lililonse limene ndingakumane nalo.

Tili ndi chikhulupiriro kuti Yehova adzadalitsa M’bale Maksim ndi ena onse amene akupitiriza kuchita chifuniro chake chifukwa cha kulimba mtima komanso kupirira kwawo.—Aheberi 10:35, 36.

Nthawi ndi Zochitika

17 May 2023

Anapezedwa ndi mlandu wochita zinthu ndi gulu lopereka chiopsezo ku boma
22 May 2023

Anakachita chipikisheni m’nyumba yawo. M’bale Maksim ndi mkazi wake Karina anafunsidwa mafunso. M’bale Maksim anasungidwa m’ndende poyembekezera kumuzenga mlandu
24 May 2023

M’bale Maksim anatulutsidwa m’ndende koma anaikidwa pa ukadi wapakhomo
12 July 2023

Mlandu unayamba kuzengedwa m’khoti

Onaninso

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI