Kuyambira pa 24 mpaka pa 25 January 2022, madzi osefukira komanso mphepo yamphamvu zomwe zinachitika chifukwa cha namondwe wotchedwa Ana, zinawononga kwambiri m’dziko la Malawi ndi Mozambique. Namondweyu anapha anthu ambiri, kugumula misewu ndipo anthu masauzande anasowa malo okhala.

Malawi

• N’zomvetsa chisoni kuti mkazi (sanali Wamboni) wa m’bale wathu wina komanso anawo awo awiri, wina wazaka zitatu ndi wina wazaka 5, anafa boti lopulumutsa anthu pangozi lomwe anakwera litagubuduka

• Mlongo mmodzi ndi mwana wina wamkazi wazaka 7 amene makolo ake ndi Amboni, anavulala

• Ofalitsa okwana 1,000 anakakamizika kusamuka m’nyumba zawo

• Nyumba za Ufumu ziwiri zinawonongeka pang’ono

• Nyumba za abale zokwana 100 zinawonongeka kwambiri

• Nyumba za abale pafupifupi 100 zinawonongekeratu

Mozambique

• Palibe m’bale kapena mlongo aliyense amene anafa pangoziyi

• Abale awiri anavulala

• Ofalitsa pafupifupi 381 anakakamizika kusamuka m’nyumba zawo

• Nyumba za Ufumu zitatu zinawonongeka pang’ono

• Nyumba za Ufumu zitatu zinawonongeka kwambiri

• Nyumba za Ufumu zitatu zinawonongekeratu

• Nyumba 51 za abale zinawonongeka pang’ono

• Nyumba 96 za abale zinawonongeka kwambiri

• Nyumba 79 za abale zinawonongekeratu

• Makomiti Othandiza pa Ngozi Zamwadzidzidzi, anakhazikitsidwa m’mayikowa

• Makomitiwa anapereka chakudya, madzi akumwa aukhondo komanso thandizo lina lofunika

• Onse ogwira ntchito yopereka chithandizoyi, ankatsatira njira zodzitetezera ku COVID-19

Tili ndi chikhulupiriro kuti Yehova athandiza abale athu onse omwe anakhudzidwa pa nthawi yovutayi.—Salimo 46:1.