25 FEBRUARY, 2016
NKHANI ZA PADZIKO LONSE
A Mboni za Yehova Padziko Lonse Ayamba Kugwira Ntchito Yoitanira Anthu ku Mwambo Wapachaka Wokumbukira Imfa ya Yesu
Pamwambowu padzakambidwa nkhani yofotokoza mfundo za m’Baibulo.
NEW YORK—Loweluka pa 27 February, a Mboni za Yehova padziko lonse adzayamba kugwira ntchito yapadera yoitanira anthu ku mwambo umene amauona kuti ndi wofunika kwambiri pa chaka. Mwambowu ndi wokumbukira imfa ya Yesu ndipo udzachitika pa 23 March. Bambo David A. Semonian, omwe amalankhula m’malo mwa Mboni za Yehova kulikulu lawo ku New York anati: “Pamwambowu padzakambidwa nkhani yofotokoza mmene imfa ya Yesu ilili yofunika masiku ano ngakhale kuti inachitika zaka 2000 zapitazo. Nkhaniyi idzafotokozanso mmene imfayi imatipatsira chiyembekezo cha mtsogolo. Tikufunitsitsa kuti anthu ambiri adzabwere n’cholinga choti adzapindule ndi malangizo a m’Baibulo omwe adzafotokozedwe pa mwambowu.”
A Mboni okwana 8 miliyoni padziko lonse adzagwira nawo ntchito yoitanira anthu ku mwambowu. Chaka chatha, anthu amene anapezeka pa mwambowu analipo pafupifupi 20 miliyoni
Lankhulani ndi:
David A. Semonian, Office of Public Information, tel. +1 718 560 5000
Mwina Mungakondenso Kudziwa Izi
ZOKHUDZA IFEYO
Mwambo Wokumbukira Imfa ya Yesu
Chaka chilichonse anthu mamiliyoni ambiri amasonkhana pa mwambo wokumbukira imfa ya Yesu. Tikukuitanani ku mwambowu kuti mudzadziwe mmene imfa ya Yesu imakukhudzirani.
MAFUNSO OFUNSIDWA KAWIRIKAWIRI
N’chifukwa Chiyani a Mboni za Yehova Mumachita Mwambo wa Mgonero wa Ambuye Mosiyana ndi Zipembedzo Zina?
A Mboni za Yehova amaona kuti Mgonero wa Ambuye kapena kuti Chikumbutso cha Imfa ya Khristu ndi mwambo wopatulika kwambiri. Werengani nkhaniyi kuti mudziwe zimene Baibulo limanena zokhudza mwambowu.