6 OCTOBER, 2022
MOZAMBIQUE
Baibulo la Dziko Latsopano Latulutsidwa m’Chisena
Pa 2 October 2022, M’bale David Amorim wa m’Komiti ya Nthambi ya Mozambique, anatulutsa Baibulo la Dziko Latsopano la Malemba Opatulika mu Chisena. a Baibuloli linatulutsidwa pamsonkhano wochita kujambulidwa ndipo ofalitsa ambiri anaonera pulogalamu ya msonkhanowu ali m’Nyumba za Ufumu za m’madera awo. Msonkhanowu unawulutsidwanso pa TV ya boma komanso pa masiteshoni a wailesi.okwana 14.
Chisena chimalankhulidwa m’zigawo 4 za ku Mozambique. Zigawo zake ndi Manica, Sofala, Tete, ndi Zambezia. Chisena chimalankhulidwanso m’madera ena a ku Malawi.
Ofesi yomasulira mabuku ya Chisena yomwe ili ku Beira m’dziko la Mozambique
Kameneka ndi koyamba kuti a Mboni za Yehova amasulire Baibulo la Dziko Latsopano lonse lathunthu mu chimodzi mwa zilankhulo zakale za m’dzikolo. Baibuloli lisanatulutsidwe, zigawo zina za Baibulo zinkapezeka m’Chisena koma zinali zodula komanso zinali ndi mawu achikale omwe anthu anasiya kuwagwiritsa ntchito.
Tikusangalala limodzi ndi abale ndi alongo athu olankhula Chisena chifukwa cha madalitso apaderawa ochokera kwa Yehova.—Miyambo 10:22.
a Baibuloli likupezeka la pa zipangizo zamakono komanso lochita kusindikiza.
Mwina Mungakondenso Kudziwa Izi
MAFUNSO OFUNSIDWA KAWIRIKAWIRI
Kodi a Mboni za Yehova Ali ndi Baibulo Lawolawo?
Kugwiritsira ntchito Mabaibulo osiyanasiyana kungakuthandizeni pophunzira Baibulo. Pali zifukwa zitatu zimene zimapangitsa kuti Baibulo la Dziko Latsopano la Malemba Opatulika likhale labwino kuphunzira.
KODI ZOPEREKA ZANU ZIMAGWIRITSIDWA NTCHITO BWANJI?
Ntchito Yomasulira Buku Lofunika Kwambiri
Pali zinthu zambiri zomwe zimafunikira kuti Baibulo la Dziko Latsopano limasuliridwe komanso kusindikizidwa.