Pa 25 September 2022, mphepo yamkuntho ya Noru yomwe anthu a m’dziko la Philippines amaitchulanso kuti Karding, inawomba pazilumba za Polillo m’chigawo cha Quezon. Pambuyo pake, mphepoyi inawombanso m’chigawo cha Aurora. Mphepoyi imathamanga pa liwilo la makilomita 195 pa ola limodzi. Mphepo yamkuntho ya Noru inawononga nyumba zambiri, misewu ndi mabuliji komanso inachititsa kuti madzi anasefukira dera lalikulu.

• Palibe m’bale kapena mlongo aliyense amene anafa pangoziyi

• Mabanja 180 anasamuka m’nyumba zawo

• Nyumba 209 zinawonongeka pang’ono

• Nyumba 20 zinawonongeka kwambiri

• Nyumba 22 zinawonongekeratu

• Nyumba za Ufumu 7 zinawonongeka pang’ono

• Nyumba ya Ufumu imodzi inawonongeka kwambiri

• Panakhazikitsidwa Makomiti Othandiza Pangozi Zamwadzidzidzi okwana awiri

• Akulu a m’deralo akulimbikitsa mwauzimu mabanja okhudzidwa komanso kuwapatsa zinthu zofunikira

• Ntchito zonse zopereka chithandizo, zikugwiridwa potsatira njira zodzitetezera ku COVID-19

Tipitirizabe kupempherera abale athu omwe akhudzidwa ndi mphepoyi pomwe akudalira Yehova kuti awateteze.—Salimo 57:1.