Mkuntho wa Rai (anthu a m’dzikoli amautchulanso kuti Odette) unafika m’madera ambiri a m’dziko la Philippines kuyambira pa 16 mpaka pa 18 December, 2021. Mkunthowu utawomba kwa nthawi yoyamba pachilumba cha Siargao, unkathamanga pa liwiro la makilomita 195 pa ola limodzi. Mkunthowu unawononga kwambiri madera ngati Northern Mindanao, Southern Luzon komanso Visayas.

• Zomvetsa chisoni kuti ofalitsa 4 anafa

• Wofalitsa mmodzi sakupezekabe

• Abale ndi alongo 12 anavulala

• Ofalitsa oposa 2,000 anakakamizika kusamuka m’nyumba zawo

• Nyumba 246 zinawonongekeratu

• Nyumba 327 zinawonongeka kwambiri

• Nyumba 1,174 zinawonongeka pang’ono

• Nyumba za Ufumu 43 zinawonongeka pang’ono

• Ma Komiti Othandiza pa Ngozi Zamwadzidzidzi okwanira 6 anakhazikitsidwa kuti ayang’anire ntchito yopereka chithandizo

• Akulu a m’madera okhudzidwa analimbikitsa abale ndi alongo omwe anakhudzidwa ndi tsokali kuphatikizaponso amene anaferedwa

• Ntchito zonse zopereka chithandizo, zikugwiridwa potsatira njira zodzitetezera ku COVID-19

Motsogoleredwa ndi akulu, abale ndi alongo am’madera ena, anapereka chakudya ndi zovala kuti zikathandize ofalitsa a m’madera omwe anakhudzidwa ndi tsokali. Mwamsanga abale ndi alongo a mumzinda wa Davao anapereka chakudya kuti chikathandize mabanja omwe ankafunikira thandizo mumzinda wa Surigao.

Tili ndi chisoni kuti abale ndi alongo athu ena okondedwa anafa pa tsokali. Pomwe tikulimbana ndi mavuto a ‘m’nthawi yapadera komanso yovutayi,’ tipitirizabe kudalira Yehova kuti atithandize ndi kutitonthoza.​—2 Timoteyo 3:1.