19 MAY, 2022
RUSSIA

Anakhala Okhulupirika Pamene Ankayesedwa ku Lesozavodsk

YAMBANI

Posachedwa Khoti la m’Boma la Lesozavodskiy m’Chigawo cha Primorye lipereka chigamulo pa mlandu okhuza M’bale Yevgeniy Grinenko, Sergey Kobelev ndi M’longo Svetlana Yefremova. Loya wa boma sananene chilango chomwe akufuna kuti anthuwa apatsidwe.

Nthawi Komanso Zimene Zinachitika

12 May, 2020

A Grinenko anawatsegulira mlandu wotsogolera ntchito za “gulu lochita zinthu zoopsa”. Apolisi a FSB anakafufuza zinthu m’nyumba ya a Grinenko komanso a Kobelev. Apolisi ena anapita kuntchito kwa a Kobelev komwe anakawamanga. Anawafunsa mafunso kwa maola 4 kenako anawasiya. A Grinenko nawonso anamangidwa ndipo anawaika m’ndende mongoyembekezera
14 May, 2020

Khoti linalamula kuti a Grinenko aikidwe m’ndende mongoyembekezera
29 May, 2020

Apolisi anasamutsa a Grinenko m’ndende yomwe anali n’kupita nawo ku ndende ya ku Spassk-Dalny
8 July, 2020

Khoti linatulutsa a Grinenko m’ndende ndi kuwaika pa ukaidi osachoka panyumba
6 February, 2021

A Grinenko anawamasula pa ukaidi osachoka panyumba koma anawalamula kuti asatuluke m’dera lawo
8 March, 2021

Apolisi anatsegulira mlandu a Kobelev chifukwa chogwira ntchito ndi “gulu lochita zinthu zoopsa”
6 April, 2021

Mlongo Yefremova anakhudzidwanso ndi mlanduwu

Zokhudza Anthuwa

Yevgeniy Grinenko

Chaka chobadwa: 1970 (Ku Lesozavodsk)

Mbiri yake: Amapanga zinthu zamatabwa. Kuyambira mu 1994 mpaka pamene anamangidwa, ankagwira ntchito yoyendetsa mashini oumitsa matabwa. Amakonda kupha nsomba komanso kuzula bowa m’tchire. Anayamba kuphunzira Baibulo mu 1997 ndipo mu 1999 anabatizidwa ndikukhala wa Mboni za Yehova

Zimene Ananena

Kodi munatani kuti mukhalebe wosangalala pamene munali m’ndende?

Nthawi zambiri ndinkaganizira malemba osiyanasiyana komanso ndinkawagwirizanitsa ndi zomwe zinkandichitikira ndipo zimenezi zinandithandiza kuti ndizikhala wosangalala. Ndinazindikira kuti ngakhale kukumana ndi chizunzo ndi koopsa, komabe ndi kogwirizana ndi maulosi a m’Baibulo. Komanso, kuphunzira pandekha kumandikumbutsa kuti abale ndi alongo ena anakumananso ndi mavuto ngati omwewa koma anakhalabe okhulupirika. Zimenezi zinandilimbitsa mtima kuti nanenso ndikhoza kupirira.

N’chiyani chinakulimbikitsani kuti musafooke?

Zinthu zomwe zikuchitika m’dzikoli zikusonyezeratu kuti dziko loipali latsala pang’ono kutha. Ndikungofunikira kupirira kwa kanthawi kochepa kufikira pamene ndidzaone kukwaniritsidwa kwa maulosi omaliza okhudza kuonongedwa kwa dzikoli.

Abale ndi alongo athu okhulupirika akusonyeza chitsanzo chabwino kwambiri chokhalabe olimba mtima pokumana ndi ‘masautso ambiri kuti akalowe mu ufumu wa Mulungu.’—Machitidwe 14:22.

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI