8 JUNE, 2022
RUSSIA

Ankathandizidwa ndi Akhristu Anzawo

YAMBANI

Pa 5 September 2022, khoti la mzinda wa Volgoda linagamula kuti M’bale Yuriy Baranov komanso M’bale Nikolay Stepanov ndi olakwa. Khotili linalamula kuti M’bale Baranov azitsatira malamulo ena ali kunyumba kwawo kwa zaka 4. Panopa m’baleyu sakuyenera kukakhala kundende. M’bale Stepanov analamulidwa kuti azitsatira malamulo ena ali kunyumba kwawo kwa zaka 4. Chigamulochi chinayamba kugwira ntchito nthawi yomweyo.

Nthawi Komanso Zimene Zinachitika

19 December, 2019

Apolisi anakafufuza zinthu m’nyumba za mabanja 6 a Mboni za Yehova ku Vologda. A Baranov ndi a Stepanov anamangidwa ndipo anawatsekera m’ndende yongoyembekezera
20 December, 2019

A Baranov anawatulutsa m’ndende ndi kuwaika pa ukaidi wosachoka panyumba
23 December, 2019

A Stepanov anawapititsa kundende poyembekezera kuwazenga mlandu
16 March, 2020

A Baranov anawamasula pa ukaidi wosachoka panyumba koma anawaletsa kulankhulana ndi aliyense wokhudzidwa ndi mlanduwu komanso anawaletsa kugwiritsa ntchito foni ndi intaneti
19 May, 2020

A Baranov anawachotsera ziletso
13 August, 2020

A Stepanov anawatulutsa kundende ndi kuwaika pa ukaidi wosachoka panyumba
25 September, 2020

A Stepanov anawamasula pa ukaidi wosachoka panyumba
7 March, 2022

Mlandu unayamba kuweruzidwa

Zokhudza Abalewa

Yuriy Baranov

Chaka chobadwa: 1952 (Ku Vologda, M’chigawo cha Vologda)

Mbiri yake: Ankagwira ntchito yowotcherera zitsulo pogwiritsa ntchito gasi komanso magetsi. Panopa anapuma pantchito ndipo akusamalira amayi awo a zaka 90 omwenso ndi olumala

Anakwatira Nadezhda mu 1990

Pomwe ankafufuza mayankho amafunso ofunika kwambiri okhudza moyo, anayamba kuphunzira Baibulo ndi a Mboni za Yehova ndipo anabatizidwa mu 1994

Zimene Ananena

Ndi mawu ati olimbikitsa omwe munauzidwa amene anakuthandizani kuti mupirire?

Nthawi zambiri abale ndi alongo amandiimbira foni komanso kunditumizira makadi. Ndikukumbukira m’bale wina akundiuza kuti: “Zonsezi zinali ndi chiyambi; ndipo zikhalanso ndi mapeto ake.” . . . Ku ndendeko kunalinso mlonda wina yemwe anandiuza kuti: “Zonse zikhala bwino.” Ndimaona kuti imeneyi inali njira imene Atate wanga wakumwamba ankandilimbikitsira. . . . Zomwe ndakumana nazozi zimandikumbutsa kuti Yehova ndi Atate wachikondi.

Nikolay Stepanov

Chaka chobadwa: 1974 (Ku Vologda)

Mbiri yake: Asanakhale wa Mboni za Yehova ankagwira ntchito yausilikali. Panopo amagwira ntchito yoikira matayilosi komanso siling’i

Sankakhulupirira kuti kuli Mulungu. Anali pa chibwenzi ndi Alla, yemwe anadzayamba kuphunzira Baibulo ndi amayi ake a Nikolay mu 1995. Alla anamuthandiza kuti ayambe kukhulupirira kuti kuli Mulungu. Anabatizidwa limodzi mu 1996 ndipo anakwatirana mu 1997. Ali ndi mwana wamwamuna mmodzi

Zimene Ananena

Kodi abale ndi alongo Achikristu akuthandizani bwanji panthawi yovutayi?

Ulendo wina panthawi yomvetsera mlandu wanga ku khoti, zinali zolimbikitsa kwambiri kuona kuti mu khoti munali mutadzadza abale ndi alongo—pafupifupi 50.

Abale ndi alongo ankanditumiziranso makadi . . . , komanso ankandipempherera. Zimene mlongo wina analemba zinandikhudza kwambiri, iye anati: “Wokondedwa M’bale, pitirizanibe kukhala olimba komanso osasunthika. Yehova apitirizabe kukuthandizani nthawi zonse. Ifeyo monga anzanu tipitiriza kukupemphererani mosalekeza komanso tipitiriza kukuganizirani. Atate wathu akuona ndipo akumwetulira chifukwa akusangalala kuona kuti mukupitirizabe kukhala okhulupirika kwa Iye ndipo amakunyadirani.”

Ndi zolimbitsa chikhulupiriro kuona abale athu akupitirizabe kukhala okhulupirika ngakhale kuti akuzunzidwa—1 Atesalonika 3:7

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI