10 JUNE, 2024
RUSSIA

Khoti Lagamula Kuti M’bale Igor Kasabov Azitsatira Malamulo Ena Ali Kunyumba Kwawo kwa Zaka Ziwiri

YAMBANI

Pa 14 May, 2024, khoti la m’chigawo cha Oktyabrskiy ku Tambov linamanga M’bale Igor Kasabov. Iye anagamulidwa kuti kwa zaka ziwiri, azitsatira malamulo ena ali panyumba. Panopa m’baleyu sakuyenera kupita kundende.

Zokhudza M’baleyu

Igor Kasabov

Chaka chobadwa: 1955 (Ku Baku, Azerbaijan)

Mbiri yake: Ankagwira ntchito kukampani ya ndege. Panopa anapuma ntchito

Anakwatirana ndi Irina mu 1981

Anayamba kuphunzira Baibulo ndi a Mboni za Yehova limodzi monga banja. Anasangalala ataphunzira kuti Mulungu adzabweretsa mtendere ndi chilungamo padzikoli. Onse anabatizidwa mu 1993

Zimene Ananena

Kodi ndi chitsanzo cha munthu uti wotchulidwa m’Baibulo chomwe chakulimbikitsani?

Ndikayamba kuda nkhawa, ndimaganizira za anthu angapo otchulidwa m’Baibulo, monga Habakuku. Chitsanzo chake ndi cholimbikitsa kwambiri chifukwa ankafunika kuphunzira kuyembekezera Yehova. Inenso ndikuyesetsa kuti ndikhale woleza mtima. Zaka zingapo zapitazo mkazi wanga anachita sitiroko ndipo ineyo ndinadwala matenda amtima. Pali zinthu zambiri zomwe sitingathe kuchita. Koma sitikayikira kuti Yehova akusangalala nafe. Ndipotu kumangidwaku kwatithandiza kuona kuti Yehova ali nafe pafupi kwambiri kuposa kale lonse. Iye amatikondabe ndipo tikudziwa zimenezi chifukwa amatithandiza m’njira zambiri.

Tikukhulupirira kuti Yehova apitiriza kudalitsa Igor ndi Irina pamene akupitiriza kumudalira kuti aziwapatsa mphamvu.—Habakuku 3:19.

Nthawi ndi Zochitika

11 April, 2023

Nyumba yawo inafufuzidwa. Analandidwa mafoni ndi zipangizo zina
12 April, 2023

Anamutsegulira mlandu
28 March, 2024

Anayamba kuzenga mlandu wake
14 May, 2024

Anapezedwa wolakwa ndipo anagamulidwa kuti azitsatira malamulo ena kwa zaka ziwiri ali panyumba ndipo sapita kundende

Onaninso

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI