Pa 1 April, 2020, Khoti la m’dera la Lensky ku Republic of Sakha, linagamula kuti M’bale Igor Ivashin ndi wolakwa chifukwa cha zimene amakhulupirira. Khotili linagamula kuti m’baleyu akakhale kundende zaka 6. Komabe khotili linanena kuti saikidwa m’ndende panopa. Ngakhale kuti m’baleyu anabwerera kwawo atauzidwa za chigamulochi, ngati m’kati mwa zaka 6 zimenezi atapezekanso ndi mlandu wophwanya lamulo lomuletsa kuchita zinthu zogwirizana ndi chikhulupiriro chake, adzaikidwa m’ndende nthawi yomweyo. M’bale Ivashin akapanga apilo chigamulochi.