26 SEPTEMBER, 2022
RUSSIA

Kukhala pa Ubwenzi Wolimba ndi Yehova Kumathetsa Mantha

YAMBANI

Khoti la mumzinda wa Kyzylskiy m’dziko la Tuva posachedwapa lipereka chigamulo chake pa mlandu wa M’bale Anatoliy Senin. Loya wa boma sananene chilango chimene akufuna kuti m’baleyu apatsidwe.

Nthawi Komanso Zimene Zinachitika

28 January, 2021

Anamangidwa pambuyo poti apolisi anakafufuza zinthu m’nyumba yake
30 January, 2021

Anamasulidwa ndipo anauzidwa kuti akakhale pa ukaidi wosachoka panyumba
27 March, 2021

Anamasulidwa pa ukaidi wosachoka panyumba koma analetsedwa kuti asatuluke m’dera limene amakhala
17 January, 2022

Anamangidwa chifukwa chotsogolera ntchito za Mboni za Yehova
6 April, 2022

Mlandu unayamba kuzengedwa

Zokhudza M’baleyu

Anatoliy Senin

Chaka chobadwa: 1979 (Ku Norilsk, m’chigawo cha Krasnoyarsk)

Mbiri yake: Amagwira ntchito ya zamagetsi komanso ya upulambala

Anapezeka pamsonkhano wa Mboni za Yehova ndipo anasangalala chifukwa choona kuti anthu ake amaphunzitsa zimene Baibulo limanena. Pambuyo pake anavomera kuti aziphunzira Baibulo ndipo anabatizidwa mu 2000.

Anakwatira Anastasiya mu 2013

Zimene Ananena

Kodi mwaphunzirapo chiyani pa zimene zinakuchitikiranizi?

Apolisi asanabwere kudzafufuza zinthu m’nyumba yanga, ndinkachita mantha chifukwa choganizira zinthu zambirimbiri. Koma, zomwe zinachitika si zinali zoopsa ngati mmene ndinkaganizira. Satana ndi amene amachititsa zinthu ngati zimenezi kuti tizikhala ndi mantha. Ndinaphunzira kuti timafunika kupeza nthawi kuti tilimbitse ubwenzi wathu ndi Yehova. Kupanda kuchita zimenezi, Satana akhoza kutilanda mtendere wathu.

Ndipotu tingalimbikitsidwe kwambiri tikaganizira mawu amene Yesu anauza ophunzira ake akuti: “Mitima yanu isavutike kapena kuchita mantha.”—Yohane 14:27.

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI